Lc 24:4 - A Txꞌan Biblia Yin Kꞌanjobal 1989

⁴ Caw wal max c'ayaj c'ul eb yiloni. Axa yilon eb, ayic' cawan ángel axca yili winak, waan oc eb bay is c'atan eb. Chi tzekeki yili is pichil eb ángel tu',

Lc 24:4 Iomraidhean Croise

Gn 18:2

Axa max yilon Abraham, lecan oc oxwan winak satak. A yet max yilon tu', ayman max toj lemnaj chaon eb, cax yay nojnaj sat tx'otx' satak eb.

Mc 16:5

Axa yet max ocapnok eb yul ch'en ch'en bay mukan tu', max yilon eb tol chotan ay jun ángel bay yetc'ulal watx' k'ab eb, axca wal yili junok ach'ej. Ayoc jun jokan sak pichilej yuj. Caw wal max xiw eb ix sic'libil.

Lc 2:9

Jacẍic'al max tx'oxaj ba jun yángel Cham Jajawil bay eb, max ay c'apax ul jopnaj tzekekial Cham Jajawil tu' yiban eb. Caw wal max xiw eb yuj.

Lc 24:5

xan caw wal max xiwaj eb xal cax yay t'anan eb sat tx'otx'. Axa yalon eb ángel tu' bay eb xal axca ti': —¿Tzet yuj xan a bay chi mukay eb camnak ti' che say Cham tol iquisxa?

Tzetak Yetal Max El Yunen Eb Chekbej Jesús 1:10

T'ananto ajtok eb satcan yet max paxaj Jesús, axa yilon eb, lecanxa oc cawan ángel c'atan eb, axca yili anima. Sak lubinakxac'al yili pichil eb.

Tzetak Yetal Max El Yunen Eb Chekbej Jesús 12:7

Palta ayman max jayoc jun yángel Cham Jajawil. Pilan max sakbi yul preso tu' yuj. Axa tenon tz'eyil c'ul Pedro tu', max tenon el is wayan. Lajwi tu' max yalon bay axca ti': Ajan wan yin ayman, ẍi bay. Toxac'al max yak' elc'ay jolnaj ba ch'en cadena ayoc yin k'ab Pedro tu'.

1 Ti 3:16

Wal yel, caw miman yelapnok co cuybanil ak'bil jojtaknej el yuj Dios. Chi yal axca ti': Max tx'oxaj ba Dios yin mimanilejal yet anima. Axa Cham Espíritu tx'oxnak elok, tol caw tojol is nabal. Ilbil Cham yuj eb ángel, albil el yabixal bay xolak nación. Ay eb yet yulyibank'inal ti' max yaoc c'ul yin. Yetok c'apaxok max ilay paxaj Cham satcan.