Lc 20:7 - A Txꞌan Biblia Yin Kꞌanjobal 1989

⁷ Yuj tu', max yal eb tol man yojtakok eb mactxel ak'nej yikbej Juan tu'.

Lc 20:7 Iomraidhean Croise

Is 26:11

Mamin Jehová, ach ti' watx'xa yayji yailal eb oj, palta c'am chi nachaj el yuj eb. A yet ok yilon eb a camc'ulal yin a conob, a ton wal yet ok aon oc yailal yin eb ajc'ul tu', toxac'al ok q'uixwokcan aj c'ul eb. Lajwokokab el eb Mamin, yuj jun c'aybanil watx'xa yayji oj yuj eb ajc'ul oc en.

Is 29:14

Yuj tu' xan a tzet yetal tol c'ayubtak yoqui, c'al milagro ok wunc'al bay jun conob ti', toxac'al ok c'aycan aj c'ul eb yuj. A jelanilal eb jelan, c'al yetok is yaj nabalil eb aj nabal xol eb, toxac'al ok c'aycan ajok, ẍi Cham.

Is 41:28

Chin makwaji, tokwal ay junok comon dios chi jayi, tamwal ay junok chi je' yuj yak'on jabok co nabal, tamwal ay junok chi je' yuj tak'wi bay in k'anlebal ti'.

Is 44:18

A wal juntzan anima chi yun axca tu', man yojtakok eb, c'am chi nachaj el yuj eb. Axca wal tol mutz'an sat eb, c'am chi je' yilon eb, makan el is nabal eb, c'am chi je' nachaj el yuj eb.

Zacarías 11:15

Max yalon pax Jehová ayin axca ti': Ut a ba axca jun ilom calnel tol c'am jabok chi yaoc yin c'ul yiloni.

Zacarías 11:17

Ok'bal wal c'ul jun yilomal in conob c'am is nabal tu', yujtol max bekcan yilbej. Lowokab ch'en espada yin is k'ab, c'al yin is bak' sat bay is watx'. Sicbokokab can el is k'ab tu', axa is bak' sat tu', tanokabxac'al is k'ak'al yin junelnej, ẍi Cham.

Lc 20:6

Palta ta chi jala', tol a anima ak'nej yikbej tu', ok tit yowal masanil anima jin, cax ok on is k'okch'ennen cam eb, yujtol a Juan tu', chekbej Dios yayji yul sat eb masanil, ẍi eb.

Lc 20:8

Axa yalon pax Jesús bay eb axca ti': —Ta caytu xin, maj c'apax wal ayex mac ak'nej wikbej wunen juntzan tu', ẍi.

Jn 9:39

Axa yalon Cham bay nak tu': —Yuj watx'ji el eb anima wuj, xan max in jay bay yulyibank'inal ti', yujtol ay eb c'am chi je' yilon yet Dios tinani', palta ok jakchaj sat eb tu' wuj. Ay nanxa eb, caw wal chi je' yilon yet Dios naoni, palta a eb tu', axca tol ok etax el sat eb wuj, ẍi Jesús.

Yet Is Cab Carta San Pedro 3:3

A junxa ok waltok ti', caw wal chi wochej che yojtaknej elok. A yet jun lajub tiempoal, ok aj wan mac comonc'al ok buchwaj yin yet Dios. Asan tzet man watx'ok chi yochej oc eb bay ok yaoc is nabal.