Lc 20:10 - A Txꞌan Biblia Yin Kꞌanjobal 1989

¹⁰ Axa yet max ajapnok tiempoal wajlay aj an, max chekontok cham aj tx'otx' tu' jun is chekbej, max bet k'anon yuca' tx'otx' tx'otx' tu' yetokc'al yawojal tu', palta toc'al max bet yetnej ba, max uktelay meltzoj yuj eb. C'am jabok yuca' tx'otx' max yi'.

Lc 20:10 Iomraidhean Croise

Babel Libroal Yabixal Eb Rey 22:24

Yet wal jun bek tu' cax max jitzon oc ba Sedequías is c'atan cham Micaías, max mak'ontok is sat cham, max yaloni: —¿Tzet chi yun yel jun espíritu petoj bay Jehová tu' win, cax chi k'anjab pax ayach? ẍi.

Yet Is Cab Libroal Yabixal Eb Rey 17:13

Max chek Jehová eb is chekbej yalon bay Israel c'al bay Judá: Naokab ba e c'ul yin masanil e yob beybalil, asan tol che yikej masanil chekbanilej, yetok ley c'al masanil cuybanilej max wak' bay eb e yichmam, ac'ala' a eb in chekbej lananc'al k'anjab el eb ayex, ẍi Cham, ẍi eb.

1 Cr 19:4

Yuj tu xin, max chekon Hanún tu', tol chi mitx'lay eb chekbej cham rey David tu'. Max tzuklay el xil ti' eb cax max tzil-laytok is pichil eb masantac'al max txecloj is chop eb. Lajwi tu xin, max cheklay meltzoj eb.

2 Cr 16:10

Axa rey Asa max tit wal yowal c'ul yin jun chekbej Dios tu', max chek yalay octok yul preso. Ac'ala', a yet jun tiempoal tu', caw wal max etax jaywanok eb bay yul conobal tu' yuj cham.

Nehemías 9:26

A eb jichmam on pit max yut ba eb, max oc eb tenomtakil ayach, max yintaknej el eb a ley. A eb a chekbej, tol chi tenchanen eb c'al yaloni tol chi yaoc ba eb yul a k'ab max mak'lay cam eb yuj eb. Yelxac'al miman max yun yoc mul eb ayach.

Nehemías 9:30

Xiwil abilal max ak'c'al mimanc'ulal yin eb, max ak'onc'al yojtaknej el eb yuj a Espíritu c'al yuj eb a chekbej. Palta majc'al cha yab eb. Yuj tu' xan max acan oc eb yul k'ab juntzanxa nacionlak.

Salmos 1:3

A jun anima tu' axca wal jun te te' chi eq'uel junok aej yich, tol chi satni yin is tiempoal, c'am bak'in chi takcan el xak. Masanil tzet chi yun jun anima tu', watx'c'al chi yun yelocok.

Jeremías 2:30

Nabaxac'al chi waoc yailal e yiban, c'am chi yal e c'ul che yikej cuybanilej chi wak'a'. Lajan ex wal axca no coj yelxac'al ay is may, max e mak'cam eb in chekbej.

Jeremías 20:2

Yuj tu' max yala', tol chi mak'lay Jeremías, cax chi alay octok yul cepo bay puertail templo ayoc yiban bay yetc'ulal makbej Benjamín.

Jeremías 35:15

Max in chektok xiwil eb in chekbej yet chi yal eb ayex tol che bekcan e yob beybalil c'al e yob nabalil. C'am chex toj yintak juntzan comon dios, tamwal chex oc ayilal bay, yet watx' chex cajayc'al ec' bay tx'otx' tx'otx' max wak' ayex, c'al bay eb e yichmam. Palta ayex ti', junelnej wal maj e cha e yabej, tamwal che yikej.

Jeremías 5:24

C'am wal jabok chi tit yin e nabal yet che yalon axca ti': Ayokab yelapnok co Diosal yul co sat, tol a' chi ak'on nab yin is tiempoal, cax chi yak'on c'apax sat jawoj yin is tiempoal, man quex chiok.

Lc 13:34

A wal ayex ti' ex aj Jerusalén, che mak' wal cam eb chekbej Dios. Axa juntzanxa eb chekbiltek yuj Dios e xol, che k'okch'ennej eb. Xiwilxa el max wochej max quex wawtejtek ayin, axca junok no caẍlan chi k'uttejtek yune', cax chi mojoni, palta maj yal e c'ul.

Lc 20:11

Xan max chektok cham aj tx'otx' tu' junxa is chekbej, palta toc'al c'apax max bet yetnej ba. C'am watx'il max yut ba eb bay, max yukten pax eb. Ac'ala' c'am jabok tzet max ak'lay bay.

Lc 20:9

Max lajwi tu', axa yalontek Jesús jun abix ti' bay eb anima wajan ec' tu'. Max yalon axca ti': Ay jun anima max awon juntzan uva sat is tx'otx'.*fn* Max xew yawon canok, max yaon cantok is tx'otx' tu' majanil yetokc'al yawojal bay juntzan eb mulnajwom. Axa yel bay jun lugar tu'. Najatil tiempo max ayji bay junokxa lugar.

Jn 15:16

Mayexnak max quin e siq'uilok, palta tol ayin max ex in siq'uilok. Max waon oc e yopiso yin e yunenc'al wochwan, xan a tzet che yun tu' chi ayjic'al ec' yin tojbalk'inal. Yuj tu' xan jantakc'al tzet ok e k'an bay co Mam Dios ok yak' ayex yujtol wet ex.

Ro 7:4

Ex wuẍtak, ex wanab, a tinani', junxanej jayji yetok is mimanil Cristo yet max cami. Yuj tu', a yul sat Dios, camnak onxa el bay ley Moisés. Yuj tu', ay junxa mac axca tol jajawil yayji, a ton Cham max ictzoj aj xol eb camnak. Axca ton tu' jak'on yetok, yet watx' ay jopiso yul sat Dios.