Lc 2:9 - A Txꞌan Biblia Yin Kꞌanjobal 1989

⁹ Jacẍic'al max tx'oxaj ba jun yángel Cham Jajawil bay eb, max ay c'apax ul jopnaj tzekekial Cham Jajawil tu' yiban eb. Caw wal max xiw eb yuj.

Lc 2:9 Iomraidhean Croise

Babel Libroal Yabixal Eb Rey 8:11

A yuj jun asun tu' majxa je' mulnaj eb bay yul tu', yujtol a is mayk'ak'al Jehová max ak'on nojilok.

Ex 16:10

A wal yet jun bek tu' lanan k'anjab cham Aarón bay eb israel, axa max toj t'anan eb bay takin tx'otx', max tx'oxon aj ba is tzekekial Jehová xol jun topan asun.

Ex 16:7

Axa yet k'inibalil ok e yilon is mayk'ak'al Cham, yujtol max yab Cham tzet max e yut k'anjab e ba yin, yujtol ¿mac on txel ayon ti' xan che yal co k'umal? ẍi eb.

Is 35:2

Ayokab is xumaquil axca yet an chochol, ayokab is tzalojc'ulal, elokab lenaj chi yila'. A Dios ok watx'nen oc sic'libil, axca watx'il yili Líbano, tol yax tx'otx' wal sic'libil, axca witz Carmelo, axca c'apax yac'alil Sarón. Masanil anima ok ilon yin is mimanbilal, c'al yipalil Cham Jehová co Diosal.

Is 40:5

Catatu' bian ok tx'oxon Jehová is mimanbilal. Masanil eb anima ok yil eb yin. A caw Jehová max aloni, ẍi jun mac chi awji tu'.

Is 60:1

Axca ti' yalon Jehová: Ex aj Jerusalén, ajanek wanok, caw watx' e yet yujtol a in tzekekial ayoc e yiban.

Ez 3:23

Max in aj wan xin, axa weltok bay ac'al tu'. A bay tu' max wil is mayk'ak'al Jehová, axca max yun wilon bay ti a' miman Quebar. Axa way paknaj sat tx'otx'.

Mt 1:20

Ipan wal naon José jun tu xin, max tx'oxon aj ba jun yángel Cham Jajawil yin wayichejal bay, cax max yalon bay axca ti': —José, ach yinatil David, manchak ach xiw eon María estzilok, yujtol a jun unin ayxa oc yin ix tu', a Cham Espíritu Santo max esnen oc yin ix.

Lc 1:28

Max octok jun ángel tu' bay ayic' ix, max yalon bay ix axca ti': —Tzalojan, ayoc Cham Jajawil Dios etok. Yelc'al miman is watx'c'ulal Cham max yak' ayach, ẍi.

Lc 2:8

A bay cawilal conob Belén tu', ay juntzan ilom calnel chi taynej is calnel yet ak'balil bay jun ac'al.

Lc 24:4

Caw wal max c'ayaj c'ul eb yiloni. Axa yilon eb, ayic' cawan ángel axca yili winak, waan oc eb bay is c'atan eb. Chi tzekeki yili is pichil eb ángel tu',

Jn 12:41

Yalnakcan Isaías juntzan ti', yujtol yilnak is mayk'ak'al Jesús, xan a ton yabixal ti' albilcan yuj.

Tzetak Yetal Max El Yunen Eb Chekbej Jesús 12:7

Palta ayman max jayoc jun yángel Cham Jajawil. Pilan max sakbi yul preso tu' yuj. Axa tenon tz'eyil c'ul Pedro tu', max tenon el is wayan. Lajwi tu' max yalon bay axca ti': Ajan wan yin ayman, ẍi bay. Toxac'al max yak' elc'ay jolnaj ba ch'en cadena ayoc yin k'ab Pedro tu'.

Tzetak Yetal Max El Yunen Eb Chekbej Jesús 27:23

A ma'i ak'balil ti', max ul tx'oxic' ba jun yángel Dios ayin, Cham Dios chi wak' serbil yujtol yet inxa.

Tzetak Yetal Max El Yunen Eb Chekbej Jesús 5:19

Palta axa yet ak'balil xin, ay jun yángel Cham Jajawil max ul jakon te preso tu'. Max ilay eltek eb yuj, max yalon bay eb axca ti':

2 Co 3:18

Yuj tu' xan c'amxa oc jun axca maksatej tu' yin co sat co masanil. A tinani', lajan onxa axca jun ch'en espejo, yujtol a jin chi txecloj el watx'il Cham Jajawil. Yuj tu', lananxa tz'aknaj el co watx'il axca is watx'il Cristo yuj Cham Jajawil, a ton Cham Espíritu.

2 Co 4:6

Yalnak Dios axca ti': A xol k'ekk'inal ti', ayokab sakk'inal, ẍi. Acaw Dios anejtek sakk'inal yin janimail yet watx' a jun sakk'inal tu' chi ak'on jojtaknej elok, tol caw miman is watx'il Dios. A yin Jesucristo, a tu' chi txecloj el watx'il Cham tu'.

1 Ti 3:16

Wal yel, caw miman yelapnok co cuybanil ak'bil jojtaknej el yuj Dios. Chi yal axca ti': Max tx'oxaj ba Dios yin mimanilejal yet anima. Axa Cham Espíritu tx'oxnak elok, tol caw tojol is nabal. Ilbil Cham yuj eb ángel, albil el yabixal bay xolak nación. Ay eb yet yulyibank'inal ti' max yaoc c'ul yin. Yetok c'apaxok max ilay paxaj Cham satcan.

Hebreos 12:21

Caw max xiw eb yet max yilon eb juntzan tu'. Toltax a Moisés yalnak axca ti': Caw chin luklon yuj xiwilal, ẍi.

Ap 18:1

Lajwi tu', max wilon tit junxa ángel bay satcan, max ayol sat tx'otx'. Caw xiwil yipalil. Max sakbi yulyibank'inal yuj is tzekekial.

Ap 20:11

Lajwi tu', max wilon jun miman trono caw wal sak, yetok jun Cham chotan ay yul. Pilan max c'ayil sat tx'otx' c'al satcan satak Cham chotan ay yul jun miman trono tu'. C'amxa jabok c'ajil max txeclojcanok.