Lc 18:3 - A Txꞌan Biblia Yin Kꞌanjobal 1989

³ A bay jun conob tu', ay jun xal ix camnakxa yichamil. Junjunc'al c'u chi ulic' xal satak cham tu'. Chi ul yalon xal axca ti': Ay wal jun anima ayoc c'ul win. ¿C'am mi chon a watx'nej el yetok? ẍi xal.

Lc 18:3 Iomraidhean Croise

Job 22:9

Ach ti' max a chek pax eb xal ix tol camnak yichamil yin tol c'am tzet chak' bay; cax max eoncan ec' tzet yetal ay yul k'ab eb tol c'amxa is mam c'amxa is txutx.

Job 29:13

A eb tol lananxa cami max yal eb yuj diosal ayin; chi tzalojbi aj c'ul eb xal tol camnakxa yichamil yuj in colwal.

Is 1:17

Cuyek e ba e yunen watx'ilal. Watx'nejek el watx' beyc'ulal, iek aj wan eb cannak can yalan, ak'ek e watx'c'ulalil bay eb unin c'amxa mam, c'amxa txutx. Man e bek ilnej eb xal ix camnakxa yetbi, ẍi Cham.

Jeremías 5:28

Caw wal bak'ech eb, watx' tzet chi lo eb. C'amxa yalbanil is yobtakilal eb. C'am chi watx'nej el eb is k'anej eb c'amxa mam, c'amxa txutx; c'am chi watx'nej el eb k'anej eb meba' yin tojolal.

Mt 5:25

K'inalok ta ay junok mactxel chex awten satak juzgado yuj junok k'anej, ak'ek e yip e watx'nen jun k'anej tu' yulak be yetok, cax c'am chex ilaytok satak yajaw yuj. Yujtol ta mayal ex apni satak yajaw, axa cham yajaw tu' chex aon oc yul k'ab eb policía, axa e tojcan preso tu'.

Lc 18:2

Max yalon bay eb axca ti': A junel, ay jun cham juez bay jun conob. C'am Dios yul sat cham, c'am c'apax yet animail yul sat.

Lc 18:4

Palta c'amc'al chi yal c'ul cham chi watx'nej el jun owal tu'. Yuj tu' xan cac'al ti' waxi ec' xal. Palta c'ojanc'ulal max na cham axca ti': Ayin ti' c'am yelapnok Dios yul in sat. C'am c'apax yelapnok junok anima ayin.

Lc 18:5

Palta a jun xal ix ti', junjunc'al c'u cayc'al ti' yulic' xal ayin. Yuj tu', ok in watx'nej yayji jun is yowal xal tu'. Ta c'amak, majxa talaj techaj xal wuj, ta ac'ala' jay xal ayin, ẍi cham.

Dt 27:19

Catabnelayokab mactxel chi yun junok man tojolalok yin eb tx'ok conobal, c'al yin eb xal ix camnakxa yichamil, ma yin eb unin c'amxa is mam c'amxa is txutx, ẍiokab eb levita. Yunokabi, ẍiokab eb conob.