Lc 17:3 - A Txꞌan Biblia Yin Kꞌanjobal 1989

³ Yuj tu xin, ilekc'al e ba. Ta ay junok e yet animail chi oc is mul ayex, che tenchanej yin is yobtakil tu'. Ta chi na ba c'ul, che yak' mimanc'ulal yin.

Lc 17:3 Iomraidhean Croise

Salmos 141:5

Ta a junok winak watx' chi yaoc tz'um win, watx' chin yutej. Ta chin is tzu, axca tol chi yaoc perfume win, xan chi cha' in c'ul. Palta chin txajli, yet watx' chi tenlay oc wanaj yunben eb yobtakwom.

Ex 34:12

A yet ok ex apnok oc bay sat tx'otx' tx'otx' tu', chi cam e yiloni tol c'am junok trato che watx'nej yetok eb anima bay tu', yuj tu' xan c'am junok eb ok can e xol. Ta chi can eb e xol, yel ok ex yetnejtok eb anima tu'.

Pr 17:10

A junok belan tenchebal miman tzet chi watx'nej bay junok aj nabal, yintak pax tol chi oc junok 100 chicote yin junok yob nabal.

Pr 27:5

Yelxac'al watx' junok tenchebal tol chi txecloj elok, yintak pax camc'ulal tol ewantak yayji.

Pr 9:8

Tatol cha tenchanej eb anima ch'aan, ok oc eb ajc'ulal en. Tatol chak' cuenta eb aj nabal, ok ach yochej eb.

Lv 19:17

Manchak chichonbi oc e c'ul yin e yet animail, palta watx' tol che tenchanejc'al cax che yaon oc is nabal, yet watx' c'am chi titcan e yiban yetok.

Mt 18:21

Axa jitzontok ba Pedro tu' c'atan Cham, max k'anlen bay: —Mamin, ta ay junok wuẍtak cac'al ti' yoc mul ayin, ¿jayel mi chi wak' mimanc'ulal yin? ¿Yowalil mi ukel chi wak' mimanc'ulal yin? ẍi.

Lc 21:34

Che yilc'al e ba. Manchak e cha' pitbok e ba yuj pek'al, yuj uq'uem anil, ma yuj junokxa tzet yetal chex oc il yuj bay yulyibank'inal ti'. Ta c'amak, axa ok jay jun c'ual tu', cax man watx'ok e yayji.

Ef 5:15

Yuj tu', chi cam jilon tzet chi el co beybalneni, manokab axcaok eb c'am is nabal yul sat Dios, palta ayokab co nabal.

Dt 4:15

A yet max tx'oxon ba Jehová ayon bay tzalan Horeb, yet max k'anjab co nan co xol, a yet jun c'ual tu', c'am junok tzet yetal max e yil bay xol k'ak'ej tu'.

Dt 4:23

Ikejek xin, manchak toj c'ayc'ulal e yuj is trato Jehová co Diosal max yak'can e yetok. C'amokab wal junok yechelej tol chi al-lay oc diosal che watx'nej, yujtol ay yowalil yuj Cham.

Dt 4:9

Yuj tu xin, ikejek cax c'ubajek yin e nabal, yet watx' c'am chi toj c'ayc'ulalil e yuj tzet max e yila', cax c'am che yiel juntzan ti' yin e nabal yet iquis ex ec' ti'. A ti' e yet tol ok e yal bay eb e yuninal c'al bay eb e yi e txiquin.

Hebreos 12:15

Xe yilc'al e ba, talaj ay mac e xol c'amxa chi yochej chi cha' is colwal Dios, yuj tu' xan chi pitzc'oj aj yobc'ulalil e xol, cax xiwil ex chex etax el yuj. A jun yobc'ulalil e xol tu', lajan axca junok te te' c'a' sat chi yak'a'.

Santiago 5:19

Ex wuẍtak, ex wanab, ta ay junok mactxel e nan e xol chi yican el ba yin is k'anej Dios, matawal ay junok ex che yaoc nabal eb, yet chi oc pax eb junelxa.

2 Jn 1:8

Ilekc'al e ba bay eb ayex ti', yet watx' man nabaok e mulnajil bay tu'. Ta axca wal walon ti' che yut e ba, tz'akanc'al ok e cha' e paktzil bay Dios.