Lc 13:7 - A Txꞌan Biblia Yin Kꞌanjobal 1989

⁷ Axa yalon bay nak chi mulnaj sat is tx'otx' tu' axca ti': Ilab oxebxa abilc'al c'oli ul wilon jun te' ti'. C'amc'al junok sat chi wila'. Yuj tu', tzoc'ajok. Nabac'al makbil el tx'otx' ti' yuj, ẍi bay nak.

Lc 13:7 Iomraidhean Croise

Ex 32:10

A tinani' xin, jitz el a ba yul in be, tol lanan in k'ak'bi tit wowal yin juntzan anima ti'. Ok wak' c'ayil eb masanil, asan etok ok in watx'nej jun miman conob yuj eb onenal, ẍi Jehová.

Dn 4:14

Max aj yaw yin ipejal, max yalon axca ti': K'akek aj te te' tu', tzoq'uek el is k'ablak te', cax che yion el is xak, che saklemnen ec' sat te' tu' masanil. Cax saklemokab cantok masanil no no' ayoc yalan yenel te', c'al masanil no tz'iquin ayoc yinlak k'ab te'.

Lv 19:23

A yet ok ex apnok bay tx'otx' Canaán, cax ok e yawon masanil makanil te awbejal te' tol chi yak' sat, c'amc'al che mitx' junok sat te' tu', c'al e looni yin oxeb abil, yujtol awas yul in sat.

Lv 25:21

Manchak ex oc il, yujtol ok in bekwal ay yaxilal yiban e yawoj yet is wak abil. Xiwil ok yun sat e yawoj, xan a jun tu' k'okbil wal ok yab e lo' yin oxebokxa abil.

Mt 7:19

Yuj tu xin, a eb chi yaloc ba chekbejok Dios tu', ok e yojtaknej wal el eb sic'libil yuj tzetak yetal chi el yunen eb. Masanil te te' tol man watx'ok sat chi yak'a', chi k'aklay aj te', cax chi k'oklaytok te' xol k'ak'ej tz'a'ok, cayton tu' ok utlay eb man watx'ok beybal.

Lc 13:8

Palta max yal nak ilom mulnajil tu' bay cham axca ti': Patrón, mata wal c'amto chi co tzoc'aj te' yet jun abil ti'. Ac'al wal chi wak'lej in t'ocon c'unbok tx'otx' yich, cax ok waon oc yabonoal.

Lc 3:9

A jun miman yailal ok jayok, lajan axca junok winak watx'xa yayji yetok yechej yich junok te' yet chi k'akon ajok. Masanil te' man watx'ok sat chi yak'a', chi tzoc'ajok, cax chi yak'on tz'a'ok, ẍi Juan bay eb.

Jn 15:2

Ta ay an k'ablak c'am chi satni, a' ayoc yion elok. Ta ay an k'ablak watx' satni, a' ayoc yion el is takinal, yet watx' chi texac'al satni. Axca chi yut watx'nen el nak an tu', caytu' chi yut watx'nen el in Mam eb chi ayji oc win.

Jn 15:6

A pax eb c'am chi ayjic'al ec' win xin, lajan ok yun yeloc eb axca junok k'abej chi ilay el yin is txutxal; chi takajok, chi lajwi tu', chi wajlay ajok, cax chi tz'a'i.