Lc 11:1 - A Txꞌan Biblia Yin Kꞌanjobal 1989

¹ A yet junel max txajli Jesús. A yet max lajwi txajli, ay jun cuywom max alon bay axca ti': —Mamin, ¿c'am mi chon a cuy yin txaj, axca max yut cuyon Juan eb is cuywom? ẍi bay.

Lc 11:1 Iomraidhean Croise

Salmos 10:17

Mamin Jehová, ach ton wal chab is txaj eb yaynakil anima; ach ton wal cheptzej eb. Ach ton chab bay chi yal ba eb chi etnelayi, c'al eb unin c'amxa mam, c'amxa txutx. Ach ton ok el tzet ok yuncan eb yobtakwom tol cambejal yayji, yet watx' c'amxa chi xibtej eb eb yaynakil.

Salmos 19:14

Chabejtakokab in k'anej c'al in nabal a satak, Mamin Jehová, in Colomal ach; oj xan bekan inxa.

Lc 10:42

Palta junnej tzet caw yowalil chi yi ba. A ton jun watx'ilal tu' chi yochej María ti'. Yuj tu' c'am junok mactxel ok je' yion ec' jun tu' bay, ẍi Cham bay ix.

Lc 11:2

Axa yalon Cham bay eb axca ti': —A yet chex txajli, cayti' che yut e yalon axca ti': Ach co Mam,*fn* mimanokab yelapnok a bi. Jayan ul ak'on Yajawilal cayti'.*fn*

Lc 6:12

A yet jun tiempoal tu', max toj Jesús txajlok bay jun tzalan. Jun ak'bal txajc'al max yun bay Dios bay tu'.

Lc 7:13

A yet max yilon oc Cham Jajawil yin xal txutxej tu', max ok' c'ul Cham yin xal. —Manchak ach ok'i, ẍi Cham bay xal.

Lc 7:19

Axa chekontok eb bay Jesús yuj toj k'anlen eb, ta a Jesús Cham Cristo, ta a' lanan yechbanen eb jayi, ma tx'ok junokxa chi yechbanej eb jay xin.

Lc 9:18

A yet junel, ayic' Jesús txajlok tx'oklil yetok eb is cuywom. Max k'anlen bay eb axca ti': —¿Mac in txel yal eb anima che yabej? ẍi bay eb.

Lc 9:28

Yukubixial mi wal yalon Jesús juntzan tu', cax max toj txajlok bay jun tzalan. Max yiontok Pedro yetok Juan c'al Jacobo yetok.

Hebreos 5:7

A yet ayic' Jesús bay yulyibank'inal ti', chi txajli, chi k'anon tzetak yetal bay Dios. Caw yip chi txajli, toltax max ok'i. Axa Dios tol ay is yipalil colon el yul k'ab camich, yabnak is txaj Jesús, yujtol yaynakil yutnak ba bay.

San Judas 1:20

Palta ayex ti' ex in camc'ulnebil, tec'anokabc'al che yut e ba yin jun cuybanilej max e yaoc e c'ul yin, yujtol asan jun cuybanilej ti' yet Dios. Caw chex txajlic'al, yetok yipalil Espíritu Santo.