Lc 10:2 - A Txꞌan Biblia Yin Kꞌanjobal 1989

² A yet c'amto chi toj eb, max yalon bay eb axca ti': A eb jet animail, lajan wal eb axca ixim trigo tiempoalxa pol-layi. Wal yel caw wal xiwilto eb, palta jaywannej mac chi mulnaj xol eb. Yuj tu' xan txajlanek bay Cham aj mulnajil tu', yet watx' chi chektek mulnajwom ul yion aj eb.

Lc 10:2 Iomraidhean Croise

Babel Libroal Yabixal Eb Rey 18:22

Max yalon pax cham Elías: —A xol masanil eb is chekbej Jehová, asanxanej in iquis in, axa pax eb yet Baal xin, ay 450 eb.

Salmos 68:11

A Cham Yajaw max alon jun k'anej. Xiwil eb xal alom abix max alon elok:

Jeremías 3:15

Ok waoc eb e yilomal axca wal chi cha' in c'ul; axa eb ok yajawbok e yiban yin jelanilal c'al yin bayc'al ijanilal.

Zacarías 11:17

Ok'bal wal c'ul jun yilomal in conob c'am is nabal tu', yujtol max bekcan yilbej. Lowokab ch'en espada yin is k'ab, c'al yin is bak' sat bay is watx'. Sicbokokab can el is k'ab tu', axa is bak' sat tu', tanokabxac'al is k'ak'al yin junelnej, ẍi Cham.

Zacarías 11:5

A eb chi manon el no' tu', chi mak' cam eb no' yin tol c'am jabok tzet chi na eb, axa eb chi txonon no tu', chi yal eb axca ti': Yuj wal dios, a tinani' beyom onxa, ẍi eb. Tamwal eb acaw yilomal no', c'am jabok chi cus c'ul eb.

Nm 11:17

Axa yet chin ayol xin, cax ok in k'anjab etok, ok wiel janic'ok espíritu ayoc en, cax ok waon oc yin eb, yet watx' ok colwaj eb etok, yin yilon eb, eb anima ti' etok, axca tu' man a tx'oklilok.

Nm 11:29

Cax max tak'wi cham Moisés axca ti': —¿Tom chochej tol asan in miman welapnok xol anima ti'? Matawal chi el yin c'ul Jehová chi yak' Yespíritu bay masanil conob yet watx' chi occan eb is chekbejok, ẍi cham.

Mt 20:1

Max yal Jesús bay eb is cuywom axca ti': Ok waltek ayex, tzet chi yun yeloc eb anima chi oc yul k'ab Cham aj satcan: A junel ay jun cham patrón, ayto k'inibi max toj sayon jaywanok is mulnajwom yin yawoj uva.

Mc 13:34

Axca ton junok winak chi toj ec'jab najat, chi can yatut. Chi yaloncan bay eb is moso tzet chi yuncan junjun eb, cax chi yalon c'apax can bay nak taynem puerta, tol chi taynej nak puerta tu' sic'libil.

Mc 16:15

Lajwi tu', max yalon bay eb axca ti': Asek bay masanil yulyibank'inal. Alek el k'anejal yet colbanilej xol masanil anima.

Mc 16:20

Lajwi tu' bian, axa toj eb yalon el k'anej Dios bay junjun lugar. Max occ'al Cham Jajawil yetok eb. Ayc'al oc is milagro Cham yetok eb, yet watx' chi txecloj elok tol yel jun k'anej chi ec' yalil eb tu'.]*fn*

Lc 9:1

A yet junel, max yawtej oc oyan Jesús eb is cuywom lajcawanil is c'atan. Axa yak'on yipalil eb tu', max yak'on c'apax yikbej eb, yin iojcan el espíritu yob yin anima, c'al ak'ojcan watx'jok c'ul eb anima ya'ay.

Tzetak Yetal Max El Yunen Eb Chekbej Jesús 11:19

Atax yet max k'okch'ennelay cam Esteban cax max el yich yilon eb creyente yailal masanil. Yuj tu xin, max saklem toj eb elok. Ay eb max apni masantac'al bay Fenicia, yetok bay Chipre, c'al bay Antioquía.*fn* Cax max c'oli yaloncan el eb k'anejal yet colbanilej bay eb yet israelal bay max ca yapni oc eb, palta c'am tzet max yalcan el eb bay eb man israelok.

Tzetak Yetal Max El Yunen Eb Chekbej Jesús 13:2

A yet junel, lanan yoc culto satak Cham Jajawil, cax ay c'apax oc eb yin c'ajbanc'ulal, max yalon Cham Espíritu Santo bay eb wajan ec' tu' axca ti': Che siq'uil Bernabé yetok Saulo, cax ok oc eb yin mulnajil bay chi wawtej oc eb, ẍi bay eb.

Tzetak Yetal Max El Yunen Eb Chekbej Jesús 13:4

Chekbiltok Bernabé yetok Saulo yuj Cham Espíritu Santo, xan max toj eb bay conob Seleucia. A tu' max oc eb yul jun barco, yuj toj eb bay Chipre.

Tzetak Yetal Max El Yunen Eb Chekbej Jesús 20:28

Yuj tu xin, taynejekc'al e ba, cax che taynen eb creyente masanil, yujtol ak'bil e yopiso yuj Cham Espíritu Santo e yilon yiglesia Cham Jajawil, eb max man yetok is chiq'uil yet max cam jujc'al.

Tzetak Yetal Max El Yunen Eb Chekbej Jesús 22:21

Palta max yalon pax ayin axca ti': Asi', yujtol najat ok ach in chektok, a ta bay xol eb man israelok, a ta tu' ok ach tok, ẍi Cham Jajawil tu' ayin, ẍi Pablo tu' bay eb.

Tzetak Yetal Max El Yunen Eb Chekbej Jesús 8:4

Axa eb max saklemcantok yel bay Jerusalén tu xin, tzanc'al bay max apni eb, max yalil eb yabixal colbanilej.

1 Co 12:28

Yuj tu', ayon max yak' Dios jopiso xol iglesia. Yin babelal, ayon chekbej Cristo jayji. Yet is cab, ayon yalomal el k'anej Dios jayji. Yet is yox, ayon meẍtol jayji. Yetok c'apaxok, ayon chi co tx'oxil milagro. Ayon chi je' jak'on watx'jok c'ul eb ya'ay. Ayon chi je' co colwaji. Ayon watx' jak'wi cuenta. Ayon xin, chi je' co k'anjab yin juntzanokxa tx'ok tiejal.

1 Co 15:10

Axa tinani xin, asan yuj is watx'c'ulal Dios, xan ayin oc yin wopiso ti', palta man nabac'alok max tx'ox is watx'c'ulal tu' win, yujtol ec'ban in mulnajil yintak eb wet chekbejal masanil. Palta man in tx'oklilok chin mulnaji; a Dios chi mulnaj wetok yuj is watx'c'ulal.

2 Co 6:1

Ayon ti', jet mulnajwomal co ba on yetok Dios. Yuj tu' xan chon tewitok ayex, tol manchak e yintaknejcan el watx'c'ulal Dios yak'nakxa ayex.

A Tx'an Is Carta San Pablo Bay Eb Aj Filipos 2:21

Yujtol junjunc'al mactxel, asan yet eb chi na'. C'am jabok chi na' eb is mulnajil Cristo Jesús.

A Tx'an Is Carta San Pablo Bay Eb Aj Filipos 2:25

Chin na' c'apaxok, tol yowalil ok in chektok pax juẍtak Epafrodito, nak chekbiltek e yuj, yuj quin ul yak'on serbil. Caw tec'an chi yut ba mulnaj wetok yin yet Cham Jajawil.

A Tx'an Is Carta San Pablo Bay Eb Aj Filipos 2:30

A jun juẍtak ti', tutun wal jabxanej maj camok, yujc'al tol lanan yak'on serbil Cristo. Caxc'al ijan max cami, yujtol lanan quin yak'on serbil cayti', palta c'am jabok tzet chi na', caxc'al chi cami. Ayex ti', maj je' quin ul e yak'on serbil. Yuj tu', a' aytek quin ul yak'on serbil e q'uexelok.

A Tx'an Is Carta San Pablo Bay Eb Aj Colosas 1:29

Yuj juntzan ti' xan caw chi wiajtek in c'ulok in mulnaji. Caw chi wak' wip yin masanil in c'ul, yujtol chi yak' Cham wipalil.

A Tx'an Is Carta San Pablo Bay Eb Aj Colosas 4:12

A nak e yet conob chi yik Epafras ti', ayoc nak yak'omalok serbil Cristo Jesús wetok. Caw wal chi txajli nak e yuj sic'libil, yet watx' che tec'baj e ba yet watx' asan yin tzet chi yochej Dios che ya wal oc e nabal.

1 Ts 2:9

Ex wuẍtak, ex wanab, tekan che natek tzet max jut mulnaj co ba e xol. Caw wal max jak' jip co mulnaji. A yet max ec' jal k'anejal yet colbanilej tu' ayex, c'ualil c'al ak'balil max on mulnaj yuj co gasto. Yujtol max yochej co c'ul tol c'am mac chi yetnej c'ul yak'on co gasto tu'.

1 Ts 5:12

Ex wuẍtak, ex wanab, ay eb chi mulnaj e nan e xol yuj Cham Jajawil, lanan ex yak'on cuenta eb, lananc'al yaon oc eb e nabal. Chon tewi ayex, tol nachajokab el e yuj, tol ak'bil yopiso eb yuj Dios.

2 Ts 3:1

A tinani' ex wuẍtak, ex wanab, caw wal chex txajli juj, yet watx' yinokab ayman chi toj is k'anej Cham Jajawil xol anima masanil, cax chi chaon eb yin masanil is c'ul, axca max e yut e chaon ayex ti'.

1 Ti 4:10

Yujc'al ton jun ti', xan chi jiajtek co c'ulok jak'on jip co mulnaj yin yet Dios, yujtol a Cham Dios iquis chi jaoc yipok co c'ul. A Dios, is Colomal masanil anima yayji. A eb chi yaoc c'ul yin, ok colchaj eb yuj.

2 Ti 4:5

Palta ach ti', tec'anc'al chot a nabal. Ak'c'al techaj yailal chi jay eban. Alc'al el k'anejal yet colbanilej nan xol anima. Mulnajan sic'libil, yet watx' c'am tzet chi majax aj yin opiso tu'.

Filemón 1:1

Ayin Pablo in ti', preso wayji yujc'al chi wak' nabal Cristo Jesús. Ajun juẍtak Timoteo wetok, cax chi jaontok co carta ti' ayach Filemón. Camc'ulnebil ach juj, yujtol jet mulnajwomal co ba yin mulnajil Dios.

Hebreos 3:6

Palta a Cristo, yikem c'apax yutnak ba, C'ajol ton Dios Cham. A Cham ayoc Yajawilal yiban eb yet uninalej ba yetok. Ta tec'an chi jut jaon oc co c'ul yin, cax chon tzaloj yin Cham ayoc yipok co c'ul, titol yuninal on Dios chi yal tu'.

Ap 2:1

Max yalon Jesús ayin: Tix chot a tz'ibentok ti' bay jun in chekbej ayic' nan xol iglesia bay conob Efeso: A Cham mitx'nej aj ukeb waycan yul is watx' k'ab, cax chi ec'jab nan xol ukeb batxlub candil tol naba oro, a' chi alon ayex axca ti':