Lc 1:57 - A Txꞌan Biblia Yin Kꞌanjobal 1989

⁵⁷ A yet max ajapnok tiempoal yalji yune' Elizabet, winak unin jun max alji.

Lc 1:57 Iomraidhean Croise

Nm 23:19

Ach Balac c'ajol ach Zipor, chi cam wal aben tzet ok wala': A Dios man lajanok axca anima. C'am chi yak' lek'tial, c'am chi ec'tok tzet chi yal Cham. Ta ay junok tzet chi yala' chic'al yun tzet chi yal tu'. Ta ay junok tzet chi yaltej, chic'al yak'a'.

Lc 1:13

Axa yalon jun ángel tu' bay axca ti': —Zacarías, manchak ach xiwi; mayal yab Dios a txaj. Yuj tu' xan, a etbi Elizabet, ok aljok jun is winak unin. Juan ok ak' yika'.

Lc 1:5

A yet ayoc cham Herodes yin reyal bay yul yet Judea, ay jun sacerdote chi yik Zacarías, yetbi ba yetok jun makan eb sacerdote chi yik Abías.*fn* Elizabet bi yistzil cham tu'. Yinatil Aarón c'apax xal.

Lc 1:56

Oxeb mi xajaw max betic' María tu' bay Elizabet, axa meltzoj bay yatut junelxa tu'.

Lc 1:58

A yet max yaben eb cajan is cawilal, c'al eb yican, tol max tx'ox Cham Jajawil watx'c'ulal bay xal, max tzaloj aj eb yetok xal.