Lc 1:11 - A Txꞌan Biblia Yin Kꞌanjobal 1989

¹¹ A yet ayoctok tu', max ul tx'oxon ec' ba jun yángel Cham Jajawil bay Zacarías tu'. Max ulic' lecan bay jun pac' tz'eyil yaltaril incienso tu', bay yetc'ulal q'uexan k'ab Zacarías.

Lc 1:11 Iomraidhean Croise

Lv 16:13

Cax ok yaon ay incienso tu' yiban tzak'ak' in satak, axa is mubal chi oc boc'an yiban makilej ayoc yiban caẍail trato bay chi ak'lay tan yobtakil, yet watx' c'am chi cami.

Lc 1:19

Axa yalon jun ángel tu' bay: —Ayin ton Gabriel in, yak'omal in serbil Dios. Ayin max quin cheklaytek ul wal jun watx' abix ti' ayach.

Lc 1:28

Max octok jun ángel tu' bay ayic' ix, max yalon bay ix axca ti': —Tzalojan, ayoc Cham Jajawil Dios etok. Yelc'al miman is watx'c'ulal Cham max yak' ayach, ẍi.

Lc 2:10

Axa yalon jun ángel tu' bay eb axca ti': Manchak ex xiwi, yujtol watx' abix jun chi ul wal ayex, caw wal ok tzaloj aj masanil anima yuj.

Lc 2:9

Jacẍic'al max tx'oxaj ba jun yángel Cham Jajawil bay eb, max ay c'apax ul jopnaj tzekekial Cham Jajawil tu' yiban eb. Caw wal max xiw eb yuj.

Tzetak Yetal Max El Yunen Eb Chekbej Jesús 5:19

Palta axa yet ak'balil xin, ay jun yángel Cham Jajawil max ul jakon te preso tu'. Max ilay eltek eb yuj, max yalon bay eb axca ti':

Hebreos 1:14

Masanil eb ángel tu', espírituc'al el eb, yak'omal serbil Dios yayji eb. Chekbiltek eb yuj on is coloni, ayon mac on ok co cha' co colbanil.

Ap 9:13

A yet max xuon jun yet is wak ángel is trompeta, max wab yoc jun aw nan xol caneb is txiquin jun altar oro ayic' satak Dios.

Eb Juez 13:3

Max tx'ox ba Cham yángel Jehová bay xal, max yaloni: Ach ti' wal yel c'amc'alta' junok one' chela'. Palta tinani', ok ach oc yobixal, cax ok elon yin jun winak unin.

Eb Juez 13:9

Cax max yaben Dios is txaj Manoa tu', max tx'oxon pax ba jun ángel tu' bay xal yetbi junelxa bay xol mulnajil, palta c'amic' Manoa bay tu'.