Josué 7:3 - A Txꞌan Biblia Yin Kꞌanjobal 1989

³ Max lajwi tu' max meltzoj eb nak, cax max yalon eb bay cham Josué: C'am chi ajtok masanil eb conob, palta tol c'uxan oxebok mil eb nak chi toji cax chi yak'on owal yetok conob Hai tu', yet watx' man toc'alok chi yetnej eb c'ul masanil, yujtol txennej eb chi taynen conob tu', ẍi eb.

Josué 7:3 Iomraidhean Croise

Pr 13:4

A mac isaj ay tzet chi yochej, palta c'am chi makchaj yuj; a pax mac chi mulnaj xin, chi aj can bay.

Pr 21:25

A eb isaj, chi cam eb yin yochen tzetak yetal, yujtol c'am chi yal c'ul eb chi mulnaji.

Lc 13:24

—Ak'ek e yip e yoc bay jun axca yaliẍ puerta, yujtol chi wal ayex, xiwil eb chi yak'lej yoqui, palta maj je' yoc eb.

Hebreos 4:11

Yuj tu', jak'ek jip joc bay jun xewilal tu', yet watx' c'am junok on chi jut co ba axca yutnak ba eb maj iken tu'.

Josué 7:2

A yet ayic' cham Josué yetok eb israel bay Jericó, max yaontok jaywan eb winak yet chi toj beytzej eb tzetbil yayji oc conob Hai. A tu' ay bay sataktek Betel bay is cawilal Bet-avén. Cax max toj eb yiloni tzetbil wal yayji jun lugar tu'.

Josué 7:4

Yuj tu' xan asan mi oxebok mil eb soldado max toj yin owal yin eb Hai tu'. Palta axa max yun xin, max ayc'ay eb nak soldado israel yuj eb aj Hai tu'.

Yet Is Cab Carta San Pedro 1:10

Yuj tu' ex wuẍtak, ex wanab, caw jak'okab jip jojtaknencan el sic'libil tol yel awtebil onxa, c'al sic'bil onxa el yuj Cham. Tatol axca tu' chi jut co ba, c'am bak'in ok etax el co nabal.

Yet Is Cab Carta San Pedro 1:5

Yuj tu xin, man k'okbilok tol chi jaoc co c'ul yin. Yowalil chi jak' c'apax jip co watx'nen oc co beybal. Chi cam wal co cuyon jelanil Dios.