Jonás 4:5 - A Txꞌan Biblia Yin Kꞌanjobal 1989

⁵ Axa yeltok Jonás bay tiel conob bay yetc'ulal bay chi ajol c'u. A bay tu' max watx'nej aj xak te' yiban, axa yay chotan bay yenel tu', cax max yechbaneni tzet ok ec'tok bay yiban jun conob tu'.

Jonás 4:5 Iomraidhean Croise

Babel Libroal Yabixal Eb Rey 19:13

A yet max yaben cham tu', max yaon oc is jokan pichil yenelok is sat, max eltek cham, max oc lecan bay ti' ch'en nach'en tu', cax max yaben cham yoc jun k'anej, max yaloni: ¿Tzet chon cayti', Elías? ẍi.

Babel Libroal Yabixal Eb Rey 19:9

A yet max apni oc bay tu', max octok bay yul jun ch'en nach'en. A tu' max ec' ak'bal yuj cham. A bay tu' max k'anjab Jehová bay, max yalon axca ti': ¿Tzet chon cayti'? ẍi Jehová.

Is 57:17

A yuj is mul Israel tol asan yet yul yet chi saya', xan ow in yin jun tiempoal. Max waoc yailal yiban, max in bekoncanok, palta max pitnejxac'al ba yin tojxac'al bay chi yochej c'ul.

Jonás 1:5

Max oc ijan xiwaj eb chi ion bey te barco tu'. Junjunxac'al eb chi yal ba bay is diosal; axa c'oli k'okon aytok eb is yikatz te barco tu' bay yul a' mar, yet chi sebbi yalil te'. Axa pax Jonás tu xin, maxax aytok bay yalan yul te barco tu'. A bay tu' chi wayi.

Jeremías 20:9

Ta chi wala' tol c'amxa chach wak' binajok, majxac'al walil a k'anej junelokxa, ta quin chi; axa chi yunej, axcaxa k'ak' chi yut ba a k'anej win. Toxc'a chi tz'atok in bakil yuj, chi wabej. Chi wochej chin mitx' waay in ba walon a k'anej tu', palta c'amxa chi techaj wuj.

Jonás 4:4

Axa max tak'wi Jehová bay axca ti': —¿Tom watx'xac'al chot a ba, yuj chi tit owal? ẍi Cham.

Jonás 4:6

Max yak'on ch'ibaj Jehová jun moc'an te'. A jun te' tu' max ch'ibaj yenelok Jonás. Yuj tu' watx'xac'al max yun yayji ec'ok. Caw wal miman max yun tzalojbi aj c'ul yuj te'.