Jonás 4:2 - A Txꞌan Biblia Yin Kꞌanjobal 1989

² Yuj tu xin, max txajli bay Cham, max yalon axca ti': —Ila wal Mamin Jehová, a ton wal jun ti' max in na' yet ayinto wal ec' bay in conobal, xan max wochej max in elaj a satak, cax max in tojcan bay Tarsis. Yujtol caw wal wojtak, tol Dios ach, caw wal ay a mimanc'ulal, man c'unok tit owal. A yet chaloni tol ok aoc junok yailal, jun bek chi na pax ba a c'ul, yujtol caw wal miman a yabenc'ulal.

Jonás 4:2 Iomraidhean Croise

Babel Libroal Yabixal Eb Rey 19:4

Axa cham xin, max tojc'al bay takin tx'otx', junto c'ual max bey toji. Max c'unbi aj xin, cax max xew bay yich jun te te'. A bay tu' max yochej max camxac'al. Yuj tu' xan max yal cham: K'okbilxa Mamin Jehová. Ak' inxac'al camok, yujtol man yelokxac'al watx' in yintak eb wichmam, toltax max cam eb, akxa ayin, ẍi cham.

Salmos 103:8

Caw watx' is c'ul Jehová cax c'un yok' is c'ul jin. Man c'unok tit yowal, xiwil is yabenc'ulal.

Salmos 145:8

Ach Jehová, watx' ton wal a c'ul, cax ay a yabenc'ulal, miman a c'ul Mamin, cax chi ok' a c'ul jin.

Salmos 78:38

Chi ok' is c'ul Cham yin eb, xan chi joc'ay is yobc'ulalil eb, c'am chi c'aylay el eb. Tx'ial el chi oc wanaj Cham yin is yowal, cax maj yal c'ul max tit yowal tu' yin eb.

Salmos 86:15

Axa ach Mamin, Diosal ach yabenc'ulal, cax miman a camc'ulal jin on. Yelxac'al tol man c'unok tit yowal a c'ul, palta caw wal watx' a c'ul, chak'c'al yun tzet chal ayon.

Salmos 86:5

Yujtol watx' ach Mamin, ak'om ach tan yobtakil. Toc'alta' ay a camc'ulal yin eb chi yal ba ayach.

Salmos 90:13

¡Mamin, occanc'al jetok! ¿Jantakto tiempo ok ach mayjok xin? Ok' wal a c'ul jin ayon a chekbej on ti'.

Ex 32:14

Yuj tu xin, max naon Jehová tol c'amxa chi yak' c'ayil is conob.

Jeremías 18:8

palta ta a jun nación tu' chi pojil ba xol yobtakilal, c'amxa chi watok jun yailal nabil wuj yiban.

Jeremías 20:7

Mamin Jehová, toc'al max quin a montej. Max wikej bay tzet max ala'. Yelxac'al tec'an a waayi, xan max in ayc'ay oj. Masanilc'al c'ual tzeyejtakbil inc'al. Masanilxac'al eb chin buchoni.

Jeremías 26:13

Watx'nejek e beybal c'al tzet che yunej, ikem che yut e ba bay Jehová co Diosal, yet watx' man ok yatek juntzan yailal mayal al-lay el tu' e yiban.

Jeremías 42:10

Ta chi yochej e c'ul chex cancan cajan bay jun tx'otx' ti', ok aj can watx'ilal ayex. Manxa ok ex wak' lajwok, yujtol ya' max wabej yuj max watok jun miman yailal tu' e yiban.

Am 7:3

Cax max naon Jehová yin jun ti', max yalon axca ti': —A jun ti' man ok yunej, ẍi Cham.

Am 7:6

Cax max naon Jehová yin tzet yetal nabil yuj, max yalon axca ti': —A jun ti', tamwal ok yunej, ẍi Cham.

Jonás 1:3

Palta a Jonás xin, maj yikej bay Cham. A ti yet, tol max na' tojcan bay Tarsis, xan max toj bay Jope. A bay tu' max ilchaj jun barco lananxa toj bay Tarsis tu'. Max manon is pasaje yet chi elaj najat satak Jehová yaloni.

Jonás 3:10

A yet max yilon Dios q'uexon eb aj Nínive is nabal, c'al bekoncan eb is yob beybalil, cax max naoni tol majto yak' lajwok jun conob tu', axca max yun chekon yal-lay elok.

Jonás 3:9

Talaj chito wal q'uex Dios is nabal, cax chi oc wanaj yowal c'ul; axca tu xin, c'am chon camek, ẍi jun ley tu'.

Miqueas 7:18

C'am junokxa Dios lajan etok, yujtol ach ti', ach chak' tancan is mul jantakto eb a conob chito cani; chi tojcan c'ayc'ulal is yec'nakilal eb oj. C'am chi ayji ec' yowal a c'ul yin tojbalk'inal, yujtol chi el wal yin a c'ul a tx'oxon a camc'ulal.

Lc 10:29

A cham tu', max yochej cham max colcan el ba yuj is k'anlebal tu', yuj tu' xan max yal pax bay Jesús axca ti': —¿Mac pax txel eb wet animail chi ali tu'? ẍi cham bay.

Dt 4:31

man ok ex bekcan Cham. Tamwal ok ex yak' c'ayilok, tamwal ok tok c'ayc'ulal is trato max yak' yetok eb jichmam, yujtol yabenc'ulnewom ton Jehová co Diosal.