Jeremías 5:3 - A Txꞌan Biblia Yin Kꞌanjobal 1989

³ Mamin, a mactxel cha saya', a ton eb anima yelc'al chi yala'. Max a wal oc yailal yiban eb a conob, palta c'am yelapnok yul sat eb. Max aoc yailal yiban eb, palta maj nachaj el yuj eb. Caw wal pit is nabal eb, yelxac'al caw eb yintak junok ch'en ch'en. Maj yochej eb max bekcan is yob beybal.

Jeremías 5:3 Iomraidhean Croise

Jeremías 7:28

Al bay eb axca ti': A wal ayex ti' junelnej tol tenomtak ex, c'am chi yal e c'ul chex ak'lay cuenta yuj co Diosal. C'amxa chi binaj yikemal e xol, cachi bay eb.

Jeremías 2:30

Nabaxac'al chi waoc yailal e yiban, c'am chi yal e c'ul che yikej cuybanilej chi wak'a'. Lajan ex wal axca no coj yelxac'al ay is may, max e mak'cam eb in chekbej.

Sofonías 3:7

Max in na': Talaj a eb aj Jerusalén ti' ay welapnok yul sat eb, yet chi wak'on cuenta eb. Ta axca tu', man ok wuchay cajlobal eb, tamwal waon oc yailal yiban eb axca in naoni, quin chi. Palta a eb xin, yelc'ulal max aj can eb yunen masanil pojanil yobtakilal.

Is 9:13

Palta a eb conob tu xin, maj wal meltzoj eb bay Dios caxc'al max alay oc yailal eb yuj Cham. Majc'al yaoc ba eb yul k'ab Jehová, Cham Yajaw yin Masanil.

2 Cr 16:9

Yujtol chi yilc'al Jehová masanil tzet yetal chi uj bay yulyibank'inal ti', chi yak' tec'anil eb tol chi yawal oc c'ul yin sic'libil. Akxa tinani', a jun tzet max on tu', lajan wal axca chi yun junok tol c'am is nabal; yuj tu', a tinani' c'al yet ok beytok, xiwil owal ok ujok, ẍi bay.

Is 42:25

Yuj wal tu xin, xan max tit yowal Cham, cax max yaon oc yailal yiban eb. Owal max oqui axca wal yaj chulnaj xak junok k'ak'ej, axca tu' max yun yin eb, palta tamwal yuj tu' max na ba c'ul eb jabok.

Hebreos 12:9

A yet max con yak'on cuenta eb co mam yulyibank'inal ti', maj jintaknej el is cuenta eb tu'. Yuj tu', yelokab yikem chi jut co ba bay co Mam bay satcan, yet watx' ok co cha' k'inalej tol ayc'al yin tojbalk'inal.

Ro 2:2

Jojtak, ta ayon axca tu' chi jut co ba, a Dios ok on beyc'ulnen yin bayc'al ijanilal, cax ok yak'on low jin.

Ez 24:13

A jun k'uxtakil ti', chi tx'oxon el yajmulal conob Jerusalén. Max wak' wip in sakbanen el yobtakilal tu'; palta c'amc'al chi sakbi elok. A tinani' xin, c'amxa tzet watx' chi yun sakbi elok, masantac'al ok yal lajwok wion el yowal in c'ul yin, catatu' ok sakbokcanok.

Jeremías 32:19

Caw wal mimanbil ach yin tzet cha na', c'al yin tzet cha watx'nej. Ach ti', chel masanil tzetak chi el yunen eb anima, cax cha paktzen bay eb axca wal is mojalil is yunben.

Jeremías 19:15

A Jehová co Diosal, Cham Yajaw yin Masanil chi alon axca ti': Ok watok yailal yiban jun e conob ti', c'al yiban juntzanxa conoblak ay e cawilal; ok jayoc masanil juntzan yailal mayal wal ti' e yiban, yujtol max e pitnejxac'al e ba, c'amxa che yikej tzet chi wala', ẍi Jehová ẍi cham Jeremías.

Jeremías 7:26

Palta ayex ti', tokwal max e cha e yabej. Tenomtakc'al che yut e ba. Yelxac'al yob max e yut e ba yintak eb e yichmam tu'.

Is 48:4

Wojtak tol caw wal pit ex, c'am che yiay e ba, tamwal chex q'uixwi jabok in satak.

Pr 27:22

Caxc'al coc'xac'al chi yun chiplay eb yob is nabal yetok chipbal, tok chi el is yob nabalilal eb yin.

Pr 23:35

Cax ok alon axca ti': Max in is mak' eb, palta maj wab yail; max wik tz'um, palta maj wabej; axa yet chi el lenaj chi wila', chin toj pax in sayon an junelxa, cachi mi.

Pr 22:12

Taynebilc'al eb aj nabal yuj Jehová, palta chi tenic' Cham tzet yetal chi yal eb lek'ti'.

Pr 21:29

A eb yobtakwom, chi tz'ak tx'oxil eb tol watx' yayji eb; a pax mac watx' is nabal xin, watx' ton yayji oc yin is beybal.

Salmos 51:6

Wal yel, chi cha a c'ul mactxel tol yin masanil is c'ul chi yochej tojolal. Yuj tu' ak' jelanilal bay wanimail.

2 Cr 28:22

Caxc'al miman yailal max jayoc yiban, palta a Acaz tu', max ajc'al can yaon oc is yobtakil satak Jehová.

Lv 26:23

Ta manc'al ok jay e nabal yuj masanil juntzan ti', palta tenomtakc'al ok e yut e ba ayin,

Yet Is Cab Libroal Yabixal Eb Rey 1:13

Lajwi tu' max chekontok cham rey junxa capitán yetok junxa 50 eb soldado yet yoxelal. Palta a jun capitán tu' max ajtok bay ayic' cham Elías, max ay jajan satak, cax max tewi oc yin: —Mamin chekbej Dios, elokab yin a c'ul chak' mimanc'ulal win yetok eb nak 50 soldado a chekbej ti'.

Jeremías 8:5

Palta ayex ti' ex aj Israel, ¿tzet yuj xan che pojil e ba ayin? Ex aj Jerusalén, ¿tzet yuj xan c'amxa chex meltzoj ayin? ¿Tzet yuj xan chex ocxac'al yin etnewomal, c'amxa chi yal e c'ul chex meltzojtek ayin?

Jeremías 35:13

Ayin Jehová, Yajaw in yin Masanil, Diosal in Israel, chi wala' tol chi toj al bay masanil eb anima bay Judá c'al bay Jerusalén: Ayin wal caw Jehová in chi wala' tol chi cuy wal eb cuybanilej c'al yoc eb yin ikemal bay in chekbanil.

Ez 2:4

axca c'apax tu' pital is yinatil eb. A tinani', chach in chektok al bay eb: Axca ti' yalon Jehová Cham Jajawil, cachi bay eb.

Dn 9:13

Masanil wal juntzan yailal tz'ib yayjican bay tx'an libro yuj cham Moisés, max jayoc jiban tinani'. Palta ayon ti' majxac'al wal on tzakloj entak ach Jehová co Diosal. Axac'al yintak yobtakil, max on tojcanok, majxac'al jikej a k'anej.

Am 4:6

Yuj tu', ayin max wak' e yab yail wajil bay masanil yul e conobal ti'. Tokwal yuj tu' max ex meltzojtek ayin.

Gn 19:34

Axa yet junxa c'ual max yalon ix babel ix tu' bay ix tzunan: —Ilabi, a yet ma'i ak'balil, max in way yetok co mam ti'; a tinani xin jak' pax uc'wok an, yet watx' chach way yetok ach ti'. Axca tu' ok el yuninal ayon co cawanil, ẍi ix.

Babel Libroal Yabixal Eb Rey 13:33

Caxc'al mi max yun axca tu', palta a cham rey Jeroboam majc'al bekcan is yob beybalil, palta max yac'al oc eb comon anima yin sacerdoteal bay juntzan lugar yet ayilal tol can ayajok. Tzanc'al mactxel chi yochej chi oc yin sacerdoteal chic'al yaoc cham.

Salmos 51:8

Iaj can in tzalojc'ulal in k'ana'. Ak' tzaloj in c'ul junelxa, caxc'al max quin ak' cuenta sic'libil.

Salmos 55:20

A wuc'leb tu' chi tx'ox is k'ab bay eb is watx'il anima, tokwal chi yikej yalben yin amigoal.

Is 26:11

Mamin Jehová, ach ti' watx'xa yayji yailal eb oj, palta c'am chi nachaj el yuj eb. A yet ok yilon eb a camc'ulal yin a conob, a ton wal yet ok aon oc yailal yin eb ajc'ul tu', toxac'al ok q'uixwokcan aj c'ul eb. Lajwokokab el eb Mamin, yuj jun c'aybanil watx'xa yayji oj yuj eb ajc'ul oc en.

Jeremías 3:3

Yuj wal tu' xan c'amxa nab yin is tiempoal. Axca wal ajmul ix wal yili e sat, c'am jabok chi cakbi e sat yuj q'uixwilal.

Jeremías 15:7

Max ex wieltok bay conoblak yul nación ti', max ex in saklemnejtok, axca chi yun xulay saklem matz'il trigo yuj cak'ek'. Max wak' c'ayil in conob ti'. C'amxa junok e yuninal max wak'canok, yujc'al tol maj yal e c'ul che bekcan e yob beybalil.

Jeremías 17:23

Palta a eb tu', maj cha' yab eb tzet max wala', tamwal max yikej eb, palta tol wal max yak' pitbok el eb c'ul, caw wal maj yikej eb bay max in tenchanej eb.

Jeremías 44:10

Toltax tinani', c'amtoc'al che q'uex e beybal ayex ti', tamwal chi xiw e c'ul jabok. C'am che yikej in chekbanil c'al in ley max wak' ayex, c'al bay eb e yichmam.

Am 4:8

A jun cab conobal ex bay c'am chi yak' nab, max ex toj sayoj aej bay junxa conob bay chi yak' nab; palta maj yab a' yet chi ec'tok e takintial. Tokwal yuj tu' max ex meltzojtek ayin.

Am 4:9

Max ex wak' wal cuenta yetok owal cak'ek', c'al yetok juntzanxa yailal, cax max wak'on etaxtok e yawoj c'al e yuva; axa no chapulín max loontok e yigo, c'al e yolivo. Tokwal yuj tu' max ex meltzojtek ayin, ẍi Jehová.

Am 4:10

Max watek juntzan yailal e yiban, axca wal max yun waontok yailal bay Egipto, cax max cam eb e yach'ej bay xol owal, axa eb e yajc'ul tu' max ion can e chej, cax max e yab jabil camnak ayic' bay e campamento. Tokwal yuj tu' max ex meltzojtek ayin, ẍi Jehová.

Am 4:11

Max ex wak' lajwok ay axca wal max yun wak'on lajwok ay Sodoma c'al Gomorra, xan ayex max exto cancan ti', axcaxac'al junok cux chi ilaycan eltek xol k'ak'ej, caywal tu' e yayji. Tokwal yuj tu' max ex meltzojtek ayin, ẍi Jehová.