Ex 8:4 - A Txꞌan Biblia Yin Kꞌanjobal 1989

⁴ Ok ajtok no' eban, c'al yiban eb ayoc yin opiso etok, c'al yiban masanil eb a conob, ẍi Jehová, cachi bay.

Ex 8:4 Iomraidhean Croise

Babel Libroal Yabixal Eb Rey 13:6

Xan max yal cham rey bay is chekbej Dios tu': —Chin tewi ayach tol chach txajli bay Jehová a Diosal wuj, yet chi watx'ji in k'ab ti', ẍi. Axa txajli cham chekbej tu' bay Jehová, max watx'ji pax is k'ab cham rey tu' junelxa, axcac'alta' yayji.

Salmos 107:40

C'am yelapnok eb mimek winak yul sat Jehová, max yak'on c'aytok eb bay tz'inan tx'otx' bay c'amxa be.

Ex 10:17

Chin tewi ayex, ta che yak' mimanc'ulal win yuj in mul, asanxanej yet junel ti', cax che k'anon bay Jehová e Diosal, yet chi el jun yailal tol ibil oc camich yuj, ayic' bay in nación ti', ẍi cham.

Ex 8:24

Axca wal tu' max yut Jehová. Axcaxac'al mub yec' no aja' tu', max apni oc no' yul is despacho cham rey c'al bay yulak yatut eb ay yopiso yetok cham, c'al bay masanil yul is makbej Egipto. Junelnej max yetnejtok no aja' tu' yul conobal tu'.

Ex 8:3

Ok wak' pitzc'oj no' yul a' aej masanil, axa no' ok yaoctok ba yul a despacho, c'al bay chach wayi, ok ajtok no' sat a tx'at, cax ok octok no' yulak is yatut eb ayoc yin opiso etok, c'al yulak yatut masanil anima, c'al yulak horno bay chi watx'ji ixim pan cha lo', c'al bay satlak ak'in bay chi somlay ixim.

Ex 8:5

Max yalon pax Jehová bay Moisés: —Al bay Aarón, tol chi yatok is k'okoch yiban masanil a' aej, a' coc'lak aej, c'al a' mimek najablak, yet chi ajol bulnaj no pekey, cax chi nojcan el yul yet Egipto yuj no', cachi bay Aarón.

Ex 9:28

Mayal ec' yiban mak'waj c'u c'al yayc'ay mimek sakbat. Yuj tu xin, majxa wiec' e tiempo, chi je' chex toj bay chi yal e c'ul: asan xin, matawal chi el yin e c'ul che k'an bay Jehová cax chi yion el jun yailal ti', ẍi cham rey.

Is 19:11

Yelxac'al c'am nabal eb yajaw yayji bay conob Zoán. A eb aom oc nabalej bay Egipto, c'amxa jabok yopiso nabal eb tu'. Tzet-xac'al yuj xan chi tec'baj ba eb yalon bay cham reyal Egipto: Ayon ti' yinatil on eb aj nabal, yinatil on eb rey yettaxc'al payxa, ẍinaj eb.

Is 19:22

Ok yatek Jehová junok miman yailal bay Egipto, ok lajwok tu', ok yak'on watx'jok ajok. Ok meltzojtek eb yul k'ab Jehová, cax ok yabenc'ulnelay eb yuj Cham.

Is 23:9

A Jehová, Cham Yajaw yin Masanil max naoni, yuj yilay ay masanil eb chi maynej ba, yuj yayc'ay eb ay yipalil sat tx'otx'.

Dn 4:37

A wal tinani' xin, ayin wal caw chi wiaj can Cham Reyal satcan, yujtol a masanil tzet chi yunej, watx'c'al elok, cax tojolc'al yin masanil, cax chi je' yion ay mac chi yaloc ba tol miman yelapnok, ẍitok cham Nabucodonosor.

Nm 21:7

A yet max yilon eb axca tu', max toj eb yalon bay cham Moisés axca ti': —Mayal oc co mul on, max jal yobal k'anej yin Jehová c'al en ach ti'. A tinani' xin, k'an bay Jehová tol chi yiel Cham no labaj ti' co xol, ẍi eb. Cax max k'anon cham Moisés bay Jehová ta chi yak' mimanc'ulal yiban eb anima tu'.