Ex 8:3 - A Txꞌan Biblia Yin Kꞌanjobal 1989

³ Ok wak' pitzc'oj no' yul a' aej masanil, axa no' ok yaoctok ba yul a despacho, c'al bay chach wayi, ok ajtok no' sat a tx'at, cax ok octok no' yulak is yatut eb ayoc yin opiso etok, c'al yulak yatut masanil anima, c'al yulak horno bay chi watx'ji ixim pan cha lo', c'al bay satlak ak'in bay chi somlay ixim.

Ex 8:3 Iomraidhean Croise

2 Cr 22:11

Palta a xal Josaba, is cutz'in cham rey Joram, a' max ion el Joás nan xol juntzanxa is c'ajol Ocozías, tol toxa ok camok, cax max c'uay el nak bay xal Atalía. A tu' max bet c'uay el nak yetok ix chi ilon ch'ibok bay jun cuarto bay chi way anima bay templo. Caytu' max yunej, xan maj cam nak. A xal Josaba cutz'in rey Joram, yanab Ocozías xal, yistzil cham sacerdote Joiada yayji, a max uten axca tu'.

Salmos 105:30

Max yak'on noj conob Egipto yuj no pekey, toltax max ajtok no' sat tx'at cham rey.

Ex 10:6

Ok nojcan el yul a despacho yuj no', c'al yulak is na eb ay yopiso etok, c'al masanil yulak is na eb anima bay nación Egipto ti', tol c'amc'al bay max yil eb e yichmam junok axca ti' yettax max jayoc cajan eb bay jun tx'otx' ti', ẍi Jehová, ẍi Moisés. A yet max lajwi yalon Moisés juntzan ti', max meltzoj eltek bay yul is despacho cham rey.

Ex 12:34

A ixim pan mayal alay oc yal, yinxa xilanil yayji aytok yul is cajonal, c'amto chi somlaytok yichpanil; toxac'al max pich oc eb yul sábana yetok is cajonal, max yikontok eb.

Ex 7:11

A yet max yilon cham rey axca tu', ayman max chek cham yawtelay eb nak tz'akan ay is c'ul, axca tu' max yut c'apax eb nak tu' yet.

Ex 8:11

Axca tu' ok yun yel no' bay a despacho, c'al bay yatut eb ayoc yin yajawilal etok, c'al xolak masanil anima, asanxanej no' ay yulak a' aej ok canok, ẍi Moisés.

Ex 8:2

Tatol man ok a bekil in conob ti', ok waoc yailal eban, ok wak' pitzc'oj aj no pekey bay masanil yul nación ti'.

Ex 8:4

Ok ajtok no' eban, c'al yiban eb ayoc yin opiso etok, c'al yiban masanil eb a conob, ẍi Jehová, cachi bay.