Ex 8:1 - A Txꞌan Biblia Yin Kꞌanjobal 1989

¹ max yalon Jehová bay Moisés axca ti': —Asi' as il jun rey tu', cax chalon bay: Tol chi yal Jehová: Bekil in conob yet chi toj eb oc yin ayilal ayin.

Ex 8:1 Iomraidhean Croise

Ex 3:18

Ok cha yab eb yicham winakil conob tu' tzet ok ala', cax ok tok eb etok bay satak reyal Egipto tu', cax chaloni: A Jehová co Diosal ayon hebreo on ti', a' max tx'ox ba ayon. Yuj tu xin, chon a chatok bay takin tx'otx' yet chi jak' xajanbal bay co Diosal on tu'. Ay mi oxebok c'ual tec'banil bay chon toj on tu', cachi.

Ex 3:12

Cax max tak'wi Cham bay: —Manchak ach oc il, ayin ok in oc etok. Ti' chi wak' junok seña ayach, tzetbil tol ayin chach in chektok: A yet mayal ecan eltek in conob bay Egipto tu' cax ok ex jayoc yin ayilal ayin bay jun witz ti', ẍi Cham.

Ex 5:1

A yet max lajwi yec'cantok juntzan tu xin, max toj cham Moisés yetok cham Aarón k'anjab satak cham reyal Egipto, max yalon eb cham: —Mamin rey, axca wal ti' yalon Jehová co Diosal ayon israel on ti': Tol cha chatok in conob bay takin tx'otx' yet chin yion aj can eb yetok junok k'in, ẍi Dios, ẍi eb cham.

Ex 7:16

A bay tu' chal bay axca ti': A Jehová co Diosal ayon hebreo on ti', a' max in chekontek ul wal ayach tol cha bekil eb is conob Cham, yet chi toj eb oc yin ayilal bay takin tx'otx'; palta tinani' c'amc'al cha cha abej.

Ex 4:23

Mayal wal ayach tol cha chatok in c'ajol yet chi yak' ayilal ayin; palta tutun c'am chochej cha bekilok, xan ok in mak' cam nak a babel c'ajol, ẍi Jehová, cachi bay.

Ex 5:3

Max yalon eb cham bay: —A co Diosal ayon hebreo on ti' max tx'oxaj ba ayon; yuj tu' xan chaontok bay takin tx'otx' yet chi toj jak' co xajanbal bay Jehová co Diosal on, oxeb c'ual tec'banil bay ok on tok tu'. Ta c'am chon toji, axa talaj ok yunej chon yak'on cam Cham yuj junok yailal, ma yuj owal, ẍi eb bay cham rey.

Ex 7:25

Yet is suk c'ualxa yetaxtok a' aej yuj Jehová,

Ex 8:2

Tatol man ok a bekil in conob ti', ok waoc yailal eban, ok wak' pitzc'oj aj no pekey bay masanil yul nación ti'.

Ex 8:20

Max yalon pax Jehová bay Moisés axca ti': —A yet yecal yet puch k'inibalilto chi toj jun rey tu' bay ti a' aej, yuj tu xin, chach pet aj wanok, cax chi toj alon bay: Axca ti' yalon Jehová: Cha bekil in conob yet chi oc eb yin ayilal ayin.

Ex 9:1

Max lajwi tu xin, max yalon Jehová bay Moisés: —Asi' bay jun rey tu' cax chalon bay: Axca wal ti' yalon Jehová co Diosal ayon hebreo on ti': Chatok in conob ti' yet chi oc eb yin ayilal ayin.

Josué 8:18

Lajwi tu', max yalon Jehová bay cham Josué: Etc'ulnejtok a lanza yin conob Hai, yujtol mayal waoc jun conob tu' yul a k'ab, ẍi Jehová. Yin aymanil max yetc'ulnejtok is lanza yin conob Hai tu'.

Salmos 105:30

Max yak'on noj conob Egipto yuj no pekey, toltax max ajtok no' sat tx'at cham rey.