Dt 9:4 - A Txꞌan Biblia Yin Kꞌanjobal 1989

⁴ Manchak e na tol yuj e watx'il xan max yiel Jehová masanil eb anima ti' e satak yuj e sataknen jun tx'otx' tu'. A juntzan nación tu' ok ilay el eb e satak yuj Cham, palta yuj is yobtakil eb.

Dt 9:4 Iomraidhean Croise

Gn 15:16

Can makanxa inatilej mayal eq'uelok, catatu' ok meltzoj paxtek eb junelxa cayti', yujtol c'amto chi tz'aknaj ajapnok is yobtakil eb amorreo cayti', ẍi Jehová.

Ez 36:22

Yuj tu xin, al bay eb et conob Israel: Axca wal ti' yalon Jehová Cham Yajaw: A tzet ok wunej, man e yujok ayex israel ex ti' ok wunej, palta a wuj ayin ti', yujtol e yuj xan yob max yun in binaj xol juntzan nacionlak bay max quex apni oc tu'.

Ez 36:32

Ayin wal caw Jehová Yajaw in chi wala'. Ojtaknejek el ex israel, man yujok tol watx' ex xan chi wun jun ti'; palta e moj wal e q'uixwi aj yuj e yob beybalil.

Lv 18:3

Manchak e beybalnej beybal eb anima bay Egipto, a ton jun nación bay max quex ec'lej cajanok. Man ok e beybalnej c'apax beybal eb anima bay Canaán bay lanan ex wiontok.

Ro 11:20

Yel toni, axca ton tol tzoc'bil el eb wet conob tu', yujtol maj yaoc eb c'ul yin Dios. Axa ex pax xin, yuj che yaoc e c'ul yin, xan max quex occan q'uexelok eb. Yuj tu', xe yi talaj aj can e ba, taynejekc'al e ba.

Ro 11:6

Yuj is watx'c'ulal Cham, xan max sic'lay el eb yuj, man yujok tzet max el yunen eb. K'inalok ta yuj tzet chi el yunen eb, xan chi sic'lay el eb, tita tol man yujok watx'c'ulal Dios chi yal tu'.

1 Co 4:4

Ta ay junok in paltail, man wojtakok, palta maj je' waloni tol c'am jabok in paltail, yujtol asan Cham Jajawil chi je' in is beyc'ulneni.

1 Co 4:7

C'am junok on chi je' jion can co ba, yujtol lajanc'al jelapnok co masanil. Tzanc'al tzet chi je' juj, a Dios chi ak'on ayon. Yuj tu', c'am chi je' jion can co ba yuj. C'am chi je' jaloni, tol jet yul jet, yujtol a Dios chi ak'on ayon.

Dt 12:31

Manchak ex oc ayilal axca tu' bay Jehová co Diosal, yujtol a masanil tzet yetal tol yajbil el yuj Cham, c'al c'am chi techaj yuj, a' chi beybalnej eb yin ayilal bay is diosal. Toltax chi yak' tz'a eb is yuninal yin xajanbalil bay is diosal tu'.

Dt 31:27

Yujtol wojtak tol pit ex ayex ti', cax tol tenomtak ex. Yet ayinto ec' e yetok ti', tenomtak exc'al, akxam wal yet ok in camok.

Dt 8:17

Xe yilc'al e ba ta che yak' c'aytok e nabal che yaloni: A jantak co beyomal ti' yetok wal co mulnajil c'al yetok jipalil max jioni, ta quex chi.

Dt 9:24

Atax yet max ex wojtaknen elok max c'oli wiloni tol caw wal pitc'al che yut e ba bay Jehová.

Dt 9:5

Man yujok e watx'il, tamwal yuj watx'il e beybal xan ok ex apnok cajan bay sat tx'otx' tu'. Palta yuj is yobtakil juntzan conob tu', xan ok c'aylay el eb e satak, yet watx' chi yuncan el tzet max yal Jehová bay eb jichmam, a ton bay Abraham, Isaac c'al bay Jacob.

Dt 9:7

Naektek, tojta c'ayc'ulal e yuj, tol max e tx'emtek yowal Jehová e yiban bay takin tx'otx'. Yettax max ex eltek bay Egipto masantac'al max ex jayoc bay jun lugar ti', caw wal pitc'al max e yut e ba bay Cham.

2 Ti 1:9

Colbil on el yuj Dios, cax awtebil on c'apax el yuj, yet watx' watx'c'al chi jut co beybal. Man yujok jabok tzet watx' max el juneni xan max on colchaji, palta yujtol axca ti' max el yin c'ul Dios chi juncan elok, c'al yuj is camc'ulal jin, yujtol junxanej jayji yetok Cristo Jesús. Ayxac'alta' camc'ulal Dios jin yet c'amto chi tz'unchaj yulyibank'inal.