Dt 9:3 - A Txꞌan Biblia Yin Kꞌanjobal 1989

³ Ojtaknejek el tinani' xin, tol a Jehová co Diosal, a babel toj e satak axca k'ak'ej c'aywajwom. Ok c'aylayel eb c'al yilay el eb e satak. Ayex ti' ok e yiel eb e satak, cax ok e c'ayon c'al el eb yin aymanil axca wal yalon Jehová.

Dt 9:3 Iomraidhean Croise

Ex 23:23

A wángel tu' ok babjok e satak, cax ok ex yiontok bay sat tx'otx' is tx'otx' eb amorreo, eb heteo, eb ferezeo, eb cananeo, eb heveo c'al eb jebuseo; junelnej ok in c'aycan el eb.

Ex 24:17

Max tx'ox ba Jehová yetok is mayk'ak'al bay jun witz tu' satak eb conob. A is mayk'ak'al tu', lajan yili axca junok k'ak'ej caw wal chon tz'a yuj.

Is 27:4

C'amtek wowal yin. Matawal ay q'uix, ma yobal ac'un ayaj in satak, chi mi in tec'ayok, chi wak'on tz'a yin junelnej.

Is 30:27

Ilabi, najatac'al chi tit Jehová. Yuj yowal is c'ul chi aj k'ak'ej c'al mub. A yet chi k'anjabi, cax chi tz'atok tzet yetal.

Is 30:30

Ok yak' Jehová ablay is nuk' can yel yaw, cax ok yaben eb yipalil yowal is c'ul yetok yin xak k'ak'ej c'aywajwom, c'al cakxuchum, c'al bil c'u, c'al sakbat tol mimek ch'enxac'al.

Is 30:33

Yujtol a tz'abal camnak yet is reyal Asiria, payxatax maxax watx'ji, ay jun bulan si' tol miman sat cax najat yich. A Jehová ok ak'on yowal is k'ak'al yuj is k'anej.

Is 33:14

A eb yobtakwom, max c'ayaj c'ul eb bay Sión, cax xiwilal max on eb c'am Dios yul sat. Chi yalon eb: A Jehová axca jun k'ak'ej c'aywajwom yayji, c'amc'al chi tani. ¿Mac on ok je' co cajay yetok? ẍi eb.

Miqueas 2:13

Babel in toj in jakon be e satak, cax tzakan ex oc wintak. Axa e yeltok bay is puertail miman conob yin bekanilal tu'. Ayin caw Jehová in, e Reyal in, babel chin toj e satak, ẍi Cham.

Mt 15:10

Catatu' max yawtentek eb anima c'atan, axa yalon bay eb tu': —Acbajek e txiquin bay ok wala', cax nachajokab el e yuj.

Mc 7:14

Max lajwi tu xin, max yawtenpaxtek Jesús eb anima tu' junelxa. Max yalon bay eb axca ti': —Abek e masanil tzet ok wala'. Nachajokab el e yuj.

Ro 8:31

Yuj juntzan chi wal ti', xan caw c'amxa tzet chi co na' tinani'. Caw wal ayoc Dios jetok. Yuj tu', ¿xin ta ay mac chi tzakay on yaoncan yalan?

Ef 5:17

Manchak jut co ba yin c'am nabalil. Jak'ek jip jojtaknen el tzet chi yochej Dios chi co beybalnej.

Dt 1:30

A Jehová co Diosal ok babjok co satak, a Cham ok yak' owal juj axca wal max yun e yilon tzet max yun juj bay Egipto,

Dt 20:1

A yet ok ex tok e yak'len owal yetok eb ajc'ul, ok e yila' tatol xiwil bisil chej eb, c'al carruaje yet owal, yetokc'al is soldado eb, xiwilxa bisil eb e yintak, manchak ex xiw bay eb, yujtol a Jehová co Diosal, Cham max on ion eltek bay Egipto, a' ok oc e yetok.

Dt 20:4

yujtol a Jehová co Diosal ayoc e yetok. A' ok yak' owal yin eb ajc'ul tu', xan ok ayc'ay eb e yuj, ẍiokab cham sacerdote tu'.

Dt 4:24

Caw wal ow Cham yin mac chi oc ayilal bay junokxa tzet yetal. Lajan wal yowal Cham axca k'ak'ej chi tz'acantok masanil tzetak yetal yuj.

Dt 7:16

Yuj wal tu xin, yowalil tol ok e c'ayil masanil juntzan conob tu'. A Jehová co Diosal ok aon oc eb yul e k'ab, c'am chi ok' e c'ul yin eb, tamwal e yak'on serbil is diosal eb, yujtol ta c'am che yikej, ok ex ayc'ay yuj.

Dt 7:22

A Cham ok ion el juntzan nacionlak ti' e satak yin c'ojanc'ulal. Man ok c'aylay el eb yin junnej tiempoal, yet watx' c'am chi aj can no chiwajwom no' cax chex chilay yuj no'.

Dt 9:6

Ojtaknejek el xin tol man yujok e watx'il xan chi yak' Jehová jun tx'otx' manxa watx'ilok tu' ayex yet chi oc e satakok, yujtol caw wal pit ex.

2 Ts 1:8

A yet tu' ok yaoc yailal eb maj ojtaknen el Dios, c'al eb maj iken k'anejal yet colbanilej aycan yuj Cham Jajawil Jesús.

Hebreos 12:29

yujtol a co Diosal, lajan axca junok k'ak' k'ak' chi lajwi masanil yuj.

Josué 11:12

Lajanc'al max yut juntzanxa conoblak max junanej ba yetok, tol max ayc'ay eb yuj. Max mak'on cam is reyal eb, cax max yak'on lajwok eb anima masanil, axca wal max yun yaloncan cham Moisés is chekbej Jehová.

Josué 11:8

A Jehová max aon oc eb yul k'ab Israel, yuj tu' xan max yak'c'al ayc'ay eb juntzan conob tu' yulak be, masantac'al max apni oc eb bay miman conob Sidón, c'al bay Misrefot-maim, axa bay yetc'ulal bay chi ajol c'u, masantac'al bay ac'al yet Mizpa, tok ayto junokxa max can yin iquisal bay tu'.

Josué 14:12

Yuj tu' xan chi wal ayach tol chak' tx'otx' siquilal tx'otx' tu' ayin, axca max yun yalon Jehová ayin yet tu'. Max ab yet tu', tol a tu' cajan eb mimek winak yinatil Anac, caw wal tol mimek conob yayji eb bay tu', caw wal watx' yayji is murallail conob eb tu', palta ayin ti', chi waoc Jehová yipok in c'ul tol a' ok colwaj wetok, yet ok je' wion el eb bay tu', axca max yut yaloni, ẍi cham Caleb.

Josué 3:11

Axa tinani xin, a te caẍail trato Cham Yajawil masanil tx'otx' tx'otx' ok babjok yaytok yul a' Jordán co satak.

Josué 3:14

Lajwi tu xin, max yion aj eb is tzetak yetal, axa k'axpoj eb bay yul a' Jordán tu', cax babel eb sacerdote inej oc te caẍail trato.

Eb Juez 4:14

Max lajwi tu', axa yalon xal Débora bay cham Barac axca ti': —Asi', babelxa toj Jehová a satak, cax a' ok aon oc cham Sísara yul a k'ab tinani', ẍi xal. Axa yaytek cham Barac yetok eb lajoneb mil soldado bay jolom witz Tabor tu'.