Dt 9:2 - A Txꞌan Biblia Yin Kꞌanjobal 1989

² A eb anima cajan bay tu', mimek tel eb, yinatil Anac eb. Max e yab yal-layi: ¿Mac wal junok chi je' tec'ban ba bay satak eb yinatil Anac? ẍi eb.

Dt 9:2 Iomraidhean Croise

Job 11:10

Ta a Dios chach iontok bay satak beyc'ulal, ¿mac wal junok chi je' tenon oc wanaj Cham?

Ex 9:11

Axa eb tz'akan c'ul, majxa je' tx'oxon ba eb satak Moisés, yujtol ya'ay eb yuj yabil axca yayji masanil eb anima bay Egipto.

Dn 11:16

A jun ok je' yuj tu', ok yunxac'al tzet chi cha c'ul yin jun ok ayc'ay yuj tu'. C'amxa mactxel ok je' tec'ban ba satak. Ok oc bay tx'otx' yelxac'al watx', a ton Israel, cax ok yak'on c'ayil jantakc'al ok yochej c'ul.

Dn 8:4

Axa max wiloni a jun calnel tu', max yak' lajwok yetok yuc'a' tzetak yetal ay bay yayubc'u, c'al bay norte, c'al bay sur. C'am junokxa no' chi je' tec'ban ba satak, c'al colon ba bay is yowal. Caw wal chi yunc'al tzet chi yochej is c'ul. Junjuntakc'al el chi ajc'al can is yipalil.

Am 2:9

Chi yal Jehová: Ayin Jehová in chi wala', tol max wak' lajwok eb amorreo, yuj wak'on is tx'otx' eb ayex. Junelnej max wak' lajwok eb, caxc'al mimek tel eb axca tel te c'ute', cax caw eb axca te ji'.

Nahum 1:6

¿Mactxel chi je' tec'ban ba satak yowal c'ul Cham? ¿Mactxel chi je' tenon oc wanaj yowal c'ul? A yowal c'ul tu', chi ay jopnaj axca k'ak'ej; satak wal Cham chi pojtok ch'en ch'en.

Nm 13:22

Max oc eb bay Néguev masantac'al max apni eb bay Hebrón. A tu' ay is conob Ahiman, Sesay, c'al Talmai, is yinatil Anac. Ukebxa abil tz'unchaj Hebrón tu' yet max watx'ji conob Zoán bay Egipto.

Nm 13:28

Palta a eb anima cajan bay tu' caw wal tol tec'an eb, caw wal mimek conob yayji is conobal eb; ayoc is murallail yinlak is conob eb tu'. Yetok c'apaxok, max jil yin eb nak winak puch mimek is tel, a ton eb yinatil Anac.

Nm 13:33

Cax max jilon c'apax eb mimek is tel, is yinatil Anac. A yet chon oc lecan c'atan eb, lajanxac'al ch'an chi juncan axca no chapulín xol yakan eb. Ac'ala' caytu' chon yut yilon c'apax oc eb, ẍi eb.

Dt 1:28

Axa tinani' xin, ¿baytal ok ca co toji? A eb jet conob chi aloni, tol a bay tu' ay eb winak tol tec'an, mimek winak, mimek is tel eb jintak, mimek yayji oc is conobal eb, tol ayoc mimek muralla yinlak. Max yilon c'apax eb juntzan mimek winak yinatil Anac. A yuj masanil juntzan tu', junelnej max cabax aj co c'ul yuj, quex chi.

Dt 2:21

A jun tu', caw wal miman conob, xiwil anima ay bay, caw wal mimek is tel eb axca eb yinatil Anac. A Jehová max ak'on lajwok el eb yuj eb amonita. A eb max ukten el eb tu', cax max cancan cajan eb bay tu'.

Dt 7:24

A Cham ok aon oc is reyalil eb yul e k'ab, cax che c'ayon el eb, c'amxa bay ok binaj eb bay yulyibank'inal ti'. C'am mactxel ok je' tec'ban ba e satak, ok c'ayil eb e yuj.

Josué 11:21

A ton yet jun tiempoal tu' max yak' lajwok cham Josué masanil is conoblak eb anaquita cajan bay siquilal tx'otx': a ton bay Hebrón, bay Debir c'al bay Anab c'al yetok bay masanil siquilal tx'otx' yul yet Judá, c'al yul yet israel.

Josué 11:22

Xan c'amxa junok eb anima mimek tel yin is yinatil Anac maxto cancan bay yul is makbej israel; asanxanej bay Gaza, bay Gat c'al bay Asdod maxto cancan jaywanxa eb.

Josué 15:14

Oxwan is yinatil jun Anac tu' max yuktej el cham Caleb tu' bay Hebrón, a ton Sesay, Ahimán c'al yetok Talmai.