Dt 8:8 - A Txꞌan Biblia Yin Kꞌanjobal 1989

⁸ A bay tx'otx' tx'otx' tu' caw wal chi je' ixim trigo, ixim cebada, an uva, te higo, te granada c'al te olivo. Ay c'apax no yalcab.

Dt 8:8 Iomraidhean Croise

Gn 49:11

A' ok c'alban oc is burro yin junok moc'an uva yelxac'al watx', cax ok tx'ajon is pichil yuj yal uva.

Yet Is Cab Libroal Cham Samuel 4:6

Axa pax ix taynem ti' puerta xin, c'uxanc'al aytok ix xuoj trigo, axa max yunajok, max wayaj ix bay tu', a wal yet tu' max octok Recab yetok yuẍtak bay chi way Is-boset yin tol c'am junok mac max iloni.

Babel Libroal Yabixal Eb Rey 5:11

cax max yak'on Salomón jantak tzet chi oc yuj Hiram: 75,000 quintal ixim trigo c'al 115,000 galón aceite yet olivo yin junjun abil.

Yet Is Cab Libroal Yabixal Eb Rey 18:32

Chi lajwi tu xin, cax ok ex yiontok bay yul jun conob lajan axca e yet ti', bay ay uva, ay trigo, cax ok e watx'nen e pan c'al e vino, jun lugar bay ay aceite, c'al olivo, c'al no yal cab, cax watx' ok yun yec' e yuj, man ok ex cam yuj wajil. Palta manchak e yaoc yin e c'ul tzet chi yal Ezequías tu', toc'al chex yetnej yin tzet chi yal tu': A Jehová chon coloni, ẍi.

Salmos 147:14

A Cham chi ak'on junc'ulal bay co makbej, cax chi yak'on noj co c'ul yuj trigo watx'.

Salmos 81:16

Palta chi mi wak' miman loj ayex, a mi wal ixim trigo watx' ay ayex, chi mi tzaloj e c'ul e yuq'uen yalcab ay bay satlak ch'en, ẍi Jehová.

Is 7:23

A yet tu', a bay awbejalben uva, eltzab q'uixxa ok yuncantok, cax ac'unlak ok yunej. A yet yalantok, mil moc'an an uva ay bay tu', cax mil siclo plata is tojol.

Jeremías 2:7

Ayin max witek eb bay jun tx'otx' caw wal yax sat ti', yet watx' chi lo eb sat awoj caw wal watx' chi el sat tx'otx'. Axa pax ayex yinatil ex eb tu', cajan ex bay sat in tx'otx' ti', cax max e yetnen elok. E yuj wali xan c'amxa chi cha' in c'ul jun in tx'otx' ti'.

Jeremías 5:17

Ok loaytok eb sat e yawoj, c'al e lobej, toltax eb e c'ajol, c'al eb e cutz'in ok mak'cam eb. Ok chion aytok eb e calnel, c'al e wacax; ok loon c'apax aytok eb sat e yuva c'al sat e yigo. A yetok yarma eb tu' ok yak' lajwok ay eb e conob watx' yoc is murallail tol ayoc yipok e c'ul, ẍi Jehová.

Ez 27:17

A eb aj Judá, c'al eb aj israel max manji eb bay tu'. A yetok trigo chi el bay Minit, yetok pastel, yetok no yalcab, yetok aceite, c'al yetok bálsamo max tojlanej eb.

Os 2:22

axa yak'on tx'otx' tx'otx' ixim trigo, yetok vino c'al aceite. Caywal tu' ok yun in paktzen txaj in conob tz'unbil wuj.

Os 2:8

Palta maj yojtaknej elok, tatol ayin chi wak' is trigo, is vino, c'al is yaceite; tol ayin chi wiaj can plata c'al oro chi yak' bay Baal.

Miqueas 4:4

Masanil anima ok ayjok ec' yin c'amxac'al xiwc'ulalil. Junjunxac'al ok je' xew bay yalan yenel k'ab is yuva, c'al bay yalan yenel k'ab is yigo. A Jehová Cham Yajaw yin Masanil chi yak' is ti' yin jun ti'.

Habac 3:17

Caw wal ay in tzalojc'ulal yuj Dios in Colomal. Caxc'al c'am chi yak' te higo is xumaquil. Caxc'al c'am chi satni an uva, tamwal te olivo; caxc'al c'am chi satni awoj; caxc'al chi lajwi ay masanil no calnel, c'al no wacax, c'amxa no' yul corral, palta ok in bitnokc'al bay Jehová.

Nm 13:23

A yet max apni oc eb bay jun ac'al chi yik Escol, a tu' max tzoq'uil eb jun chaan an uva, max c'alon oc eb yin jun te te'. Cawan eb max iontok, max yaon ajtok eb jolom is xic', cax max yion c'apaxtok eb granada c'al higo.

Jn 6:13

A yet max lajwi ec' yion aj eb ixim, lajcawebto motx max nojcan yuj sobrail ixim oyeb pan cebada tu'.

Jn 6:9

—Ay jun nak unin ayic' co xol ti', ay oyeb is pan cebada nak ibil, yetok cac'on is yaliẍ txay, palta tokwal ok yab jab ti' xol masanil anima. Ilab caw wal xiwil eb, ẍi bay Jesús.

Dt 32:13

Max yaoc Jehová tx'otx' siquilal tx'otx' yul k'ab is conob. Max low eb yuj Cham yuj tzet chi ch'ibaj sat tx'otx', c'al yuq'uen eb yalcab chi eltek bay yulak ch'en ch'en, c'al aceite chi el yin te olivo chi ch'ibaj bay satlak ch'en ch'en.

Dt 32:14

Ay leche c'al queso max yak' is wacax eb, c'al is chiwo eb. Ay no ach'ejtak calnel caw wal watx' max chi' eb, c'al no calnel ay bay Basán, c'al no chiwo. A wal ixim trigo caw wal watx' max lo eb, cax max yuq'uen eb vino, yal an uva.

Dt 6:3

Yuj tu xin ex wet conob Israel, abek cax aek wal oc yin e c'ul e yiken juntzan chekbanilej ti', yet watx' watx'c'al ok ex elocok, yelxac'al mimek conob ok ex eloc bay sat tx'otx' tx'otx' yax sat tu', axca max yun yalon Jehová co Diosal yetok eb jichmam.

Dt 8:7

Yujtol a Jehová ok ex ion apnok bay sat tx'otx' tx'otx' manxa watx'ilok; ay a' aej tol ay is nuk', c'al mimek aej chi tit bay mimek witzlak.

Dt 8:9

A yet ayexxa ec' bay sat tx'otx' tu', c'amxa tzet ok majax aj ayex, c'amxa e bilc'ulal yuj e lobej c'al yuj junokxa tzet yetal. A xol ch'en ch'en ay bay tu' ay hierro, axa bay yinlak witz ay ch'en cobre.