Dt 8:3 - A Txꞌan Biblia Yin Kꞌanjobal 1989

³ Max jil yailal c'al wajil yuj Jehová. Max lajwi tu', max yak'on maná co lobejok, juntzan loj tol man jojtakok, tamwal eb jichmam max ojtakneni. Max on yut axca tu' yet watx' chi jojtaknej elok tol man asanok yuj loj chi je' jiquisbi, palta chi je' c'apax jiquisbi yuj masanil k'anej chi yal Jehová.

Dt 8:3 Iomraidhean Croise

Salmos 105:40

Max k'anon eb chibej, xan max yatek Cham no ub bay eb. A ton loj yet satcan max ak'on noj c'ul eb.

Salmos 37:3

Aoc Jehová yipok a c'ul, cax un tzet yetal watx'. Cajayan bay tx'otx' tx'otx' cax ok ach ak'lay low yin masanc'ulal.

Mt 4:4

Axa tak'wi Jesús, max yaloni: —Chi yal yul tx'an Un Tz'ibbilcan axca ti': Man asannejok yuj loj chi je' jiquisbi; palta chi je' c'apax jiquisbi yuj masanil k'anej chi yal Dios, ẍi yul tx'an Un Tz'ibbilcan tu', ẍi Cham bay.

Lc 4:4

Axa yalon bay nak diablo tu': —Chi yal tx'an Un Tz'ibbilcan axca ti': Man asannejok yuj loj chi je' jiquisbi, ẍi tx'an, ẍi Cham bay.

1 Co 10:3

Masanil eb, max lo eb jun loj axca tol yin esalil ak'bil bay eb yuj Dios.

Dt 29:5

Ayin max ex wikbaj yin cawinak abil bay takin tx'otx'. A yet jun tiempoal tu', maj lajwok el e pichil, tamwal max lajwi el e xanab.

Dt 29:6

Maj e lo' pan, maj e yuc' vino, tamwal max e yuc' vino pajbinakxa, yet watx' chi nachaj el e yuj tol a Jehová a ton co Diosal.

Dt 32:47

Man comon k'anejok yayji juntzan ti', palta tol e cawil yayji ocok. Tatol che yikej masanil, najatil ok yun e k'inal bay sat tx'otx' tx'otx' ok e sataknej bay k'axepal ec'tok a' Jordán, ẍi cham Moisés.

Dt 9:9

A yet max in ajtok bay jun witz tu' yuj in chaon ch'en cab jenan ch'en bay tz'ibbil oc chekbanilej, a ton is trato Cham jetok, cawinak c'u c'al cawinak ak'bal max in ayji ec' bay tu', c'am jabok tzet max in lo', tamwal ay jabok tzet max wuq'uej.