Dt 8:2 - A Txꞌan Biblia Yin Kꞌanjobal 1989

² A tinani' naektek jantak yatakil max tx'ox Jehová co Diosal ayon bay takin tx'otx' yin cawinak abil, yet chi yil Cham, c'al yak'on porobal co nabal yin tzet chi co na', ta yel chi jikej is chekbanil ma c'amak.

Dt 8:2 Iomraidhean Croise

Gn 22:1

Yet max ec' janic'ok tiempoal, max ak'lay porobal cham Abraham yuj Dios, max awtelay cham yuj, axa tak'wi tu': —Tix in ti', ẍi cham:

2 Cr 32:31

Axa eb yajaw bay Babilonia max chektek eb is chekbej, yet max ul k'anlej eb tzet yayji jun milagro c'ayubtakxac'al max uj bay Judá. Max beklay Ezequías yuj Dios yunen bay chi cha c'ul, yuj yak'lay porobal c'al yilon Cham tzetbil yayji is nabal.

2 Cr 33:12

Axa yet max yaben wal yailal tu xin, max tewi bay Jehová is Diosal; caw wal yelc'ulal max yiay ba bay satak Cham is Diosal yetok eb yichmam.

2 Cr 33:19

Tz'ibbil c'apax can is txaj, c'al is paktzebal max cha'. A masanil yabixal is tenomtakil, c'al bay max watx'nej aj lugarlak ayilal bay can ayajok, c'al bay max watx'nej ay yechel Asera c'al juntzanxa yechelej, yet c'amto chi na ba c'ul yion ay ba bay Dios, a tu' tz'ibbilcan ay bay max tz'ibejcan eb chekbej Dios.

Nehemías 9:19

palta ach ti' yetok a mimanc'ulal, majc'al a bekcan eb bay takin tx'otx'. A jun miman asun maj el satak eb yet c'ualil yuj yikbelay eb yuj bay yulak be, tamwal jun miman k'ak'ej maj el satak eb yet ak'balil yuj tzektelay eb yuj bay max ca toj eb.

Job 33:17

Axca tu' chi yunej yet watx' chi yiel ba eb anima yin is yobtakil, yet c'am chi yiaj can ba eb.

Salmos 103:2

Yin masanil in c'ul chi wal watx' k'anej bay Jehová, cax man ok tok c'ayc'ulal wuj is watx'c'ulalil Cham ayin.

Salmos 106:7

A yet max ec'lej eb jichmam bay Egipto, c'am yelapnok is mimek yunben Jehová yul sat eb. Max tojcan c'ayc'ulal is miman camc'ulal yuj eb. Max oc eb yin tenomtakil bay Cham bay ti a' Cakyin Mar.

Salmos 136:16

A Cham max ion bey is conob bay tz'inan tx'otx', yujtol ayc'al is camc'ulal Cham yin tojbalk'inal.

Salmos 77:11

A tinani' xin, ok in natek onben c'ayubtak yoqui max ak' ayon yet yalantok.

Salmos 81:7

Max in e yawtej yet ayextok xol e yailal, cax max ex in coloni. Max in tak'wi ayex xol asun bay chi bil c'u. Max ex wak' porobal bay a' aej yet Meriba.

Ex 15:25

Yuj tu xin, max k'anon Moisés is colwal Jehová, max tx'oxon Cham jun te te', cax max yaon aytok cham Moisés te' yul a', cax max watx'ji el a' yuj te'. A bay tu' max yak' Jehová jun is ley bay, tol chi beybalnej eb c'al yiloni ta yikem eb.

Ex 16:35

Yin cawinak abil max lo eb israel maná, masantac'al max apni oc eb bay cajlobal tx'otx' bay is mojonal Canaán.

Ex 16:4

Yuj tu xin, max yalon Jehová bay cham Moisés: —Ok wak' tit bay satcan tzet ok lo eb anima ti'. Junjunc'al c'u ok eltok eb wajon aj tzet ok lo' yet jun c'u tu', xan ok wila' tatol ok yikej eb in chekbanil, ma c'amak.

Ex 20:20

Max tak'wi cham Moisés: —C'am chex xiwi, toc'al chi ulic' Cham yet chex yak' porobal, yet watx' ayc'al e xiwc'ulal bay, cax c'amc'al chi oc e mul, ẍi Moisés.

Pr 17:3

A ch'en oro yetok ch'en plata, xol k'ak'ej chi il-layi tzetbil yayji ch'en; axa pax nabalej xin, a Jehová chi beyc'ulnen elok.

Is 2:17

Ok lajwok ay masanil tzet yetal chi maynej ba eb anima yuj. A luesalil eb anima, ok ilay ayok. Asannej ton Jehová ok ilay aj can yet jun c'ual tu'.

Jeremías 2:6

C'amxa wal janic'ok max na' eb meltzojtek ayin, caxc'al ayin max wieltek eb bay Egipto, cax max wikban eb bay takin tx'otx', a ton bay takin tx'otx' jotx'lak yeq'ui, bay c'am aej, ayxa is may yeq'ui. C'am mac chi ec' bay tu', c'am mac cajan.

Ez 20:19

Max waloni, tol ayin Jehová in is Diosal in eb, tol yikejokab wal eb in chekbanil c'al in ley.

Am 2:10

Palta ayex ti', max ex wieltek bay Egipto, cax max ex wiontok yin cawinak abil bay takin tx'otx', yuj wak'on is tx'otx' eb amorreo tu' ayex.

Nm 14:33

A eb e yuninal ti', ok ec' eb iloj calnel bay takin tx'otx' ti' yin 40 abil, axca tu' ok yun tojlanen el eb e tenomtakil, masantac'al ok yal e cam cayti' e masanil bay takin tx'otx' ti'.

Lc 18:14

Chi wal ayex, a jun tekom el tojlabal tu', yet-xac'al jun bek tu', max al-lay watx'il yuj Dios, yet c'amto chi pax bay yatut. Axa jun fariseo tu xin, maj yal Dios tatol watx' yul sat Cham. Yujtol a mac chi yiaj can ba, chi ilay ayok. Axa mac chi yiay ba, chi ilay aj can, ẍi Jesús.

Jn 2:25

Man yowalilok ay mac chi alon bay Cham yuj tzet chi na junok mactxel, yujtol yojtak tzet chi ec' yul co c'ul junjun on.

Dt 1:3

A yet ayxa oc yin 40 abil yel eb conob Israel bay Egipto, yet babel c'ual yet 11 xajaw, a yet tu' max yalon cham Moisés bay conob Israel masanil tzet max yal Jehová yin eb.

Dt 1:33

a wal caw Cham babel toj co satak. A yet ak'balil chon tzektanelay yuj junok axca k'ak'ej, axa yet c'ualil xin, chi tx'ox c'apax yetok jun asun bay chi ca co toji, c'al baytal chi je' jayji ec'ok.

Dt 13:3

Manchak e yaoc yin e c'ul caxc'al chi eloc axca wal yalon tu', yujtol a Jehová co Diosal chi ilon oc e nabal yet chi yila' ta yel ay e camc'ulalil yin, yetok masanil e c'ul, c'al yetok masanil e yanimail.

Dt 2:7

A Jehová co Diosal max yak' wal watx'c'ulal jiban yin masanil tzet max junej. A yin jun 40 abil ti', ayc'al oc Cham jetok, cax chon taynenc'al bay chon ec' bay jun miman takin tx'otx' ti'. C'amc'al tzet max majax ayon yuj.

Dt 29:5

Ayin max ex wikbaj yin cawinak abil bay takin tx'otx'. A yet jun tiempoal tu', maj lajwok el e pichil, tamwal max lajwi el e xanab.

Dt 32:7

Naektek is yunben Jehová cax che naon yin juntzan tiempo max ec'can elok. K'anlejek e yabej bay e mam c'al bay e txutx. Abek c'apax bay eb cham icham winak.

Dt 7:18

¡Manchak ex xiw bay eb anima tu'! Naektek tzet max yut Jehová eb anima bay Egipto yetok is reyal.

Dt 8:16

Max yak'on maná co lo' bay takin tx'otx', jun loj tol maj yojtaknej el eb jichmam. Max oc yailal jiban c'al yak'lay porobal co nabal, yet watx' watx'xac'al chon eloc yuj.

Santiago 1:3

Ay wal bay chon ak'lay porobal, yet watx' chi txecloj elok tatol yel asannej wal yin Dios chi jaoc co c'ul. Jojtak wali, tol a ton yuj tu' chi ji' co tec'anil.

Santiago 4:10

Iek ay e ba satak Cham Jajawil, catatu bian, ok ex ilay aj can yuj Cham.

Santiago 4:6

Yuj tu' xan caw miman is watx'c'ulalil Dios chi yak' ayon, yujtol chi yal tx'an Un Tz'ibbilcan tu' axca ti': A Dios chi tenic' is nabal eb mimek winak chi yut ba, axa bay eb yaynakil chi yut ba xin, a is watx'c'ulal Cham chi yak' bay eb, ẍi.

Is Babel Carta San Pedro 1:7

Ilab ch'en oro tinani', yowalil chi ak'lay porobal ch'en xol k'ak'ej, yet watx' chi txecloj elok ta watx' ch'en, ma yob ch'en. Cayon c'apax tu', yowalil chon ak'lay porobal, cax chi txecloj elok, tatol yel wali chi jaoc Dios yin co c'ul ma c'amak. Ta chi techaj juntzan porobal ti' juj, ec'ban yelapnok jaon oc co c'ul yin Dios yintak ch'en oro chi yal tu', yujtol a ch'en oro tu', txennej tiempoal ch'en. Ta chi techaj porobalil tu' juj, ok on al-lay watx'il yet ok jay Jesucristo. Mimanbil ok junej, miman ton ok yun jelapnok yet tu xin.

Ap 2:23

Yetok c'apaxok, ok wak' c'apax cam eb yune' ix. Axca tu xin, ok yojtaknej el junjun iglesia tol ayin ti', wojtak masanil tzet chi ec' yin e nabal c'al yin e yanimail. Ok in paktzej ayin ti', atac'ala' tzet chi el e yunen junjun ex.

Eb Juez 2:22

Ok canc'al can eb, yuj wak'on porobal is nabal eb israel ti', ta chi tzakloj eb wintak, axca max yun eb yichmam eb, ma c'amak, ẍi Cham.

Eb Juez 3:4

A yuj juntzan eb tu', xan max ak'lay porobal eb israel yuj Jehová, yet watx' chi yil Cham, ta chi yikej eb masanil chekbanilej max cheklay yal Moisés yuj Cham bay yichmam eb.