Dt 8:16 - A Txꞌan Biblia Yin Kꞌanjobal 1989

¹⁶ Max yak'on maná co lo' bay takin tx'otx', jun loj tol maj yojtaknej el eb jichmam. Max oc yailal jiban c'al yak'lay porobal co nabal, yet watx' watx'xac'al chon eloc yuj.

Dt 8:16 Iomraidhean Croise

Gn 22:1

Yet max ec' janic'ok tiempoal, max ak'lay porobal cham Abraham yuj Dios, max awtelay cham yuj, axa tak'wi tu': —Tix in ti', ẍi cham:

2 Cr 32:31

Axa eb yajaw bay Babilonia max chektek eb is chekbej, yet max ul k'anlej eb tzet yayji jun milagro c'ayubtakxac'al max uj bay Judá. Max beklay Ezequías yuj Dios yunen bay chi cha c'ul, yuj yak'lay porobal c'al yilon Cham tzetbil yayji is nabal.

Job 42:12

Max yak' wal Dios mimek yaxilal bay cham Job yin tzunanil ti' yintak yet yalantok. Max ajapnok bisil is calnel yin 14,000; 6,000 max yun no camello, 1,000 mojan no buey c'al 1,000 no burro.

Salmos 119:68

Watx' ach ach ti', cax watx'c'al tzet chonej. Cuyinc'al yin a beybal.

Ex 15:25

Yuj tu xin, max k'anon Moisés is colwal Jehová, max tx'oxon Cham jun te te', cax max yaon aytok cham Moisés te' yul a', cax max watx'ji el a' yuj te'. A bay tu' max yak' Jehová jun is ley bay, tol chi beybalnej eb c'al yiloni ta yikem eb.

Ex 16:15

Tutun wal man yojtakok eb israel juntzan tu'. A yet max yilon oc eb cax max yal-len eb bay junjun: ¿Tzet yetal juntzan ti'?*fn* ẍi eb. Max yalon cham Moisés: —A ton e lobej chi yak' Jehová ti'.

Ex 16:31

Maná max yak' eb israel yik juntzan is lobej eb max wajaj tu'; axca wal sat culantro sak yili, caw wal chi' loji, axca ixim k'oxox pan tol ayoc yalcab yin.

Ex 16:4

Yuj tu xin, max yalon Jehová bay cham Moisés: —Ok wak' tit bay satcan tzet ok lo eb anima ti'. Junjunc'al c'u ok eltok eb wajon aj tzet ok lo' yet jun c'u tu', xan ok wila' tatol ok yikej eb in chekbanil, ma c'amak.

Ex 20:20

Max tak'wi cham Moisés: —C'am chex xiwi, toc'al chi ulic' Cham yet chex yak' porobal, yet watx' ayc'al e xiwc'ulal bay, cax c'amc'al chi oc e mul, ẍi Moisés.

Pr 17:3

A ch'en oro yetok ch'en plata, xol k'ak'ej chi il-layi tzetbil yayji ch'en; axa pax nabalej xin, a Jehová chi beyc'ulnen elok.

Dn 11:35

Cax ok mak'lay cam jaywanok eb aj nabal max cuywaj bay xol a conob tu', yet watx' ok ak'lay porobal eb okto canok, yet watx' chi ilay el eb cabsat xol eb, c'al watx'nelay oc nabal eb, masantac'al chi apni oc lajub c'ual, axcatac'a tzet nabil yuj Dios.

Ro 8:28

Jojtak tol a Dios chi yak'balnej masanilc'al tzet chi jay jiban, yuj co watx'ilok, ayon ay co camc'ulal yin ti', ayon awtebil on yuj ti', yuj jelapnok axcatac'a naoni.

2 Co 4:17

A tzet chi jay jiban, jabnej yelapnok yul co sat on, aymanc'al chi eq'uelok, palta yuj tu' xan ok co cha' jun tzet caw miman yelapnok. A jun tzet tu', xiwil watx'il, cax ayc'al ec' yin tojbalk'inal.

Dt 13:3

Manchak e yaoc yin e c'ul caxc'al chi eloc axca wal yalon tu', yujtol a Jehová co Diosal chi ilon oc e nabal yet chi yila' ta yel ay e camc'ulalil yin, yetok masanil e c'ul, c'al yetok masanil e yanimail.

Dt 8:2

A tinani' naektek jantak yatakil max tx'ox Jehová co Diosal ayon bay takin tx'otx' yin cawinak abil, yet chi yil Cham, c'al yak'on porobal co nabal yin tzet chi co na', ta yel chi jikej is chekbanil ma c'amak.

Dt 8:3

Max jil yailal c'al wajil yuj Jehová. Max lajwi tu', max yak'on maná co lobejok, juntzan loj tol man jojtakok, tamwal eb jichmam max ojtakneni. Max on yut axca tu' yet watx' chi jojtaknej elok tol man asanok yuj loj chi je' jiquisbi, palta chi je' c'apax jiquisbi yuj masanil k'anej chi yal Jehová.

Santiago 1:12

Tatol chi techaj juj yet chon ak'lay porobal, caw wal watx' jet. A yet chi xew jak'lay porobal tu', ok co cha' is pak, a ton k'inalej tol ayc'al yin tojbalk'inal. A ton jun tu' altebilcan yuj Dios bay eb chi camc'ulneni.

Is Babel Carta San Pedro 1:7

Ilab ch'en oro tinani', yowalil chi ak'lay porobal ch'en xol k'ak'ej, yet watx' chi txecloj elok ta watx' ch'en, ma yob ch'en. Cayon c'apax tu', yowalil chon ak'lay porobal, cax chi txecloj elok, tatol yel wali chi jaoc Dios yin co c'ul ma c'amak. Ta chi techaj juntzan porobal ti' juj, ec'ban yelapnok jaon oc co c'ul yin Dios yintak ch'en oro chi yal tu', yujtol a ch'en oro tu', txennej tiempoal ch'en. Ta chi techaj porobalil tu' juj, ok on al-lay watx'il yet ok jay Jesucristo. Mimanbil ok junej, miman ton ok yun jelapnok yet tu xin.