Dt 7:9 - A Txꞌan Biblia Yin Kꞌanjobal 1989

⁹ Ojtaknejek elok tol a Jehová co Diosal asannej oc Dios. A bay mac chi camc'ulnen Cham c'al yiken is chekbanil, chi yunc'al Cham bay chi yala' c'al ay is camc'ulal Cham yin, c'al yin eb is yinatil yet ok beyc'altok.

Dt 7:9 Iomraidhean Croise

Gn 17:7

A jun in trato chi wak' etok ti', c'al yetok masanil eb enatil tu' yin tojbalk'inal, tol a Diosal in, c'al is Diosal in eb.

Gn 28:15

Ayinc'al oc etok, cax ok ach in taynejc'al bayc'al ok ach tok, cax ok ach wion meltzojtek bay jun tx'otx' ti' junelxa. Manc'al ok ach in bekcanok, palta ok wunc'al bay max wak' in ti' ayach, ẍi Cham.

Gn 9:15

a ton yin jun tu', chin natek in trato chi wak' e yetok, c'al yetok no no'; yuj tu' c'amxa owal aej mukwajwom ok ex c'ayon elok.

Babel Libroal Yabixal Eb Rey 8:23

max yaloni: Mamin Jehová co Diosal, ¿macto wal junokxa Dios axca ach ti' bay satcan c'al bay sat tx'otx' ti', tol chic'al yun a trato cax cha tx'oxon a watx'c'ulal bay mac chi iken bay tzet chala' yin masanil is c'ul?

1 Cr 16:15

Naanc'al is trato yuj yin tojbalk'inal; toltac'a chi yun is yalben Cham yin milal is makquiltakil anima chi ec'lej,

2 Cr 6:14

Max yaloni: Mamin Jehová ach co Diosal ayon israel on ti': Tokwal ay junokxa Dios bay satcan, c'al bay sat tx'otx' ti' lajan etok ach ti'. Ach ti' chi yun a trato, cax cha tx'oxon a camc'ulal yin mactxel chach ak'on serbil yetok masanil is c'ul.

Nehemías 1:5

Max waloni: Mamin Jehová Diosal satcan, tol miman yayji a mayk'ak'al, chic'al yun a trato yetok eb chach ocheni c'al eb chi iken a chekbanil.

Nehemías 9:32

Yuj wal tu', ach co Diosal tol miman ayji ocok, ay epalil, a moj tol ay co xiwc'ulal ayach, tol c'amc'al chi toj c'ayc'ulal a trato oj yuj a miman camc'ulal. Manokab yaynakilok yayji oc yul a sat is yatakilal eb co reyal on, c'al eb co yajawil on, eb sacerdote, eb a chekbej, c'al eb jichmam on c'apaxok, c'al yetok masanil eb jet conob on. Max yabc'al yail eb yettaxc'al yul is tiempoal eb reyal Asiria masantac'al yet tinani'.

Salmos 103:18

cax c'am chi bekay eb yikemal bay Cham.

Salmos 105:8

Toc'alta' chi yun is trato Cham. Toc'alta' chi yun is yalben bay xiwil milal is makquiltakil anima chi ec'lej.

Salmos 119:75

Mamin Jehová, wojtak tol tojol yayji a beybal. A yet chin aon oc yin bilc'ulal, ay ton wal yuj, xan caytu' chotej.

Salmos 146:6

A Cham max watx'nej satcan, tx'otx' tx'otx' c'al a' mar, yetok masanil tzet yetal ay bay junjun makan tu'. Chic'al yun tzet chi yal Cham.

Salmos 36:6

A a tojolc'ulalil ec'ban yintak mimek witzlak. A a beyc'ulal axca wal yayji a' miman mar caw najat yich. A wal ach ti' Mamin, ilbil eb anima oj yetokc'al no no'.

Ex 20:6

Axa pax eb chi camel c'ul win xin, cax chi yiken eb in chekbanil, ok in camc'ulnej eb, c'al is yinatil eb yet ok beyc'altok.

Is 49:7

A Jehová Cham Dios chi ak'on bekchaj el Israel tol Asanxanej ocok, a' chi alon axca ti' bay jun tol intaknebil elok, c'al tol yajbil yuj masanil nacionlak, a ton jun chekbej yayji bay eb rey: A yet ok ach yilon eb rey, ok aj wan eb, axa yay nojan eb a satak tu', yujtol ayin Jehová, Diosal in Israel, Asanxanej in Ocok, max ach in siq'uilok, cax chi wunenc'al bay max wak' in ti', ẍi Cham.

Jeremías 32:18

Ach ti', cha tx'ox a camc'ulal bay xiwil makquiltakil anima chi eq'uelok, palta xin, cha c'apax oc yailal yiban eb anima yuj mul is mam eb. Ach Dios caw wal mimanbil ach, caw wal chi je' oj. A a bi, Jehová Yajaw yin Masanil.

Lm 3:23

Caw wal miman yayji ocok, axca tol ac' chi jil yet junjun k'inibalil.

Dn 9:4

Max in txajlic'al bay Jehová in Diosal, max walon in ba bay axca ti': Mamin, Wajawil ach, mimanbil ach, c'al tol ay a may. Chi yunc'al a trato, cax cha tx'oxon a camc'ulal bay eb ay is camc'ulal en, a ton eb chi iken a chekbanil.

Nm 14:18

tol c'am chi tit owal yin ayman, yujtol ay a camc'ulal c'al a mimanc'ulal yiban eb yob, c'al eb tenomtak, palta chaoc yailal yiban mac ay is mul, c'al yiban yuninal eb c'al yitxiquin eb c'al yuninal eb yitxiquin eb tu'.

Ro 8:28

Jojtak tol a Dios chi yak'balnej masanilc'al tzet chi jay jiban, yuj co watx'ilok, ayon ay co camc'ulal yin ti', ayon awtebil on yuj ti', yuj jelapnok axcatac'a naoni.

1 Co 1:9

A Dios chic'al yun masanil tzet chi yala'. A Cham max on awten oc yetok, yet watx' ay jalon jet yetok Cham is C'ajol, a ton Cham Jajawil Jesucristo.

1 Co 10:3

Masanil eb, max lo eb jun loj axca tol yin esalil ak'bil bay eb yuj Dios.

1 Co 8:3

Palta eb chi camc'ulnen Dios, ojtakbil eb yuj.

2 Co 1:18

Yojtak Dios, tol c'am junelok chi jal ayex axca ti': Ja' con chinaji, palta tekan chi yal elapnok, C'amak.

Dt 32:39

Asannej in Dios in. C'am jaywanokxa dios in satak. Ayin chi wak' cam junok mactxel, cax ayin chi wak' c'apax iquisbok. Ayin chi wak' yasjok eb anima, cax chi wanten paxok. C'am mactxel chi je' colon el ba yul in k'ab.

Dt 32:4

A Cham ayoc jenelok axca junok ch'en miman ch'en. Tz'akan chi eloc tzet chi yunej c'al tojol yayji. A Dios chi k'anjabi, chic'al yun bay chi yala'. C'am junok lek'tial chi yala', tojol Cham yin masanil tzet chi yunej.

Dt 4:35

A juntzan ti' max tx'oxlay wal jila', yet chi jojtaknej wal elok tol c'am junokxa Dios, palta asannej Jehová.

Dt 4:39

Yuj wal tu xin, canokab yin e nabal tol asannej Jehová, Diosal satcan c'al sat tx'otx' ti' yayji, c'am junokxa.

Dt 5:10

Axa pax eb chi camil c'ul win xin, cax chi yiken eb in chekbanil, ok in camc'ulnej eb c'al is yinatil eb yet ok beyc'altok.

1 Ts 5:24

A Cham awtenej on elok, chic'al yun bay chi yala'. Ok yun masanil juntzan ti' yuj Cham.

2 Ts 3:3

Palta chic'al yun bay chi yal Cham Jajawil. A Cham chi ak'on e tec'anil. Chex colon c'apax el bay yobtakil.

2 Ti 2:13

Ta ayon c'am chi yun tzet chi jala', palta a Cham chic'al yun tzet chi yala'. Yujtol c'am chi je' q'uexon Cham is ti' yin tzet chi yala'.

Tito 1:2

Cayton tu' wopiso axca tu', yet watx' chi yaoc eb yipok c'ul, tol ok co cha' k'inalej tol ayc'al yin tojbalk'inal. A Dios c'am bay chi yak' lek'tial junelok. A yet manto watx'nej yulyibank'inal ti', max yak'on is ti' tol ok yak' co k'inal tol ayc'al yin tojbalk'inal tu'.

Hebreos 10:23

Tec'an chi jut jaon oc yipok co c'ul jun co cuybanil chabil juj. C'amokab co cabc'ulalil, yujtol a Dios, ok yunc'alta' is ti' yak'nakcan ayon.

Hebreos 11:11

A xal Sara, yanak oc Dios yin c'ul. Yuj tu', caxc'al man uniwomixok, palta maxto ak'lay yip yet ixnamxa, maxto jay yune'. Yuj tu', ay jun yune' maxto alji, yujtol yanak oc yin c'ul, tol a Cham yak'nak ti' bay, chic'al yun bay chi yala'.

Hebreos 6:18

Yak'nak Dios is ti', cax max locban is bi, yuj tu', a tzet yalnakcanok, c'am bak'in tol man ok yunej, yujtol a Dios, c'am chi je' yak'on lek'tial. A tzet yalnakcanok, chi jaoc yipok co c'ul, yujtol janak oc co ba yul k'ab yuj on is coloni. Lanan jechbanen tzet ok yak' ayon, cax ayoc yipok co c'ul.

Santiago 1:12

Tatol chi techaj juj yet chon ak'lay porobal, caw wal watx' jet. A yet chi xew jak'lay porobal tu', ok co cha' is pak, a ton k'inalej tol ayc'al yin tojbalk'inal. A ton jun tu' altebilcan yuj Dios bay eb chi camc'ulneni.

1 Jn 1:9

Ta chi jalajtek co yobtakil bay Dios, chi joc'ay Cham co yobtakil tu' jiban, cax chi yion c'apax el Cham masanil tzet man watx'ok jin. Yujtol tojol ton Cham, cax chic'al yun bay chi yala'.

Eb Juez 2:1

A bay Boquim max tx'oxaj ba Cham Yángel Jehová, petoj Cham bay Gilgal, max yalon bay eb conob Israel: Ayin max ex wieltek bay Egipto, cax max ex wiontek bay sat tx'otx' tx'otx' bay max wak' in ti' wak'on bay eb e yichmam, cax max waloni, tol c'am bak'in ok c'ayil jun in trato max wak' e yetok ti',

Eb Juez 5:31

Axcaokab tu' chi yun c'ayil eb ajc'ul oc en Mamin Jehová. Lajanokab eb mactaktxel chach ocheni, axca wal jopopial yakan c'u yet chi ajolok, ẍi xal Débora, c'al cham Barac yin is bit. A yet max lajwi jun owal tu', c'amxa owal yin cawinak abil.