Dt 7:6 - A Txꞌan Biblia Yin Kꞌanjobal 1989

⁶ Ayex ti' is conob ex Jehová Dios, sic'bil ex el yuj bay xol xiwil conoblak bay sat tx'otx' tx'otx' ti', yet watx' yet Cham che yuncanok.

Dt 7:6 Iomraidhean Croise

Babel Libroal Yabixal Eb Rey 3:8

Palta ayinxa oc yilomalok a conob max a sic'can el ti'. A wal jun a conob ti' caw wal miman conob, c'amxa chi bischaj eb anima.

Esdras 9:2

A eb tu' yetokc'al is c'ajol, lanan yilen aj ba eb yetok is cutz'in juntzan anima tu'; yuj tu' xan a is conob Dios mayal somtok ba xol juntzanxa tx'ok conobal tu'. A wal eb babel max yaoc is mul tu', a ton eb yajaw yayji co xol, ẍi eb ayin.

Salmos 114:2

a Judá max occan cajlobalok Jehová, axa yin Israel max yajawbi Cham.

Salmos 135:4

A conob Israel, yinatil Jacob max siq'uil Cham yet chi oc axca wal is beyomalok.

Salmos 50:5

Chi yal Cham: Wajek aj eb wet-xa ayin, eb max ak'on jun xajanbal ayin yuj yak'on eb trato wetok, ẍi Cham.

Ex 6:7

cax chex waon oc in conobok; axa ex ayex ti' e Diosal in. Axca tu' ok yun e yojtaknen elok, tol ayin Jehová in, e Diosal in, chex in colcan el yul k'ab eb nak aj Egipto ti' bay ayex oc yin yailal yuj mulnajil.

Is 41:8

Chi yal Jehová axca ti': Ayex israel ex ti', abxalwanek. Ex conobal Jacob, in chekbej ex toni, ayex ton max ex in siq'uilok, conob tol yinatil ex wamigo Abraham.

Is 41:9

Ayin ton max ex witek bay tilak el tx'otx', bay najat elok. Max walon ayex, tol in chekbej ex. Ayin max ex in siq'uilok cax c'am bay chex wintaknej elok.

Is 6:13

Ta wal ayto jaywanokxa anima chito can yul conob, ok uchlay c'apax ay jun conob tu' junelxa. Palta ilab te ji', c'al te c'olol, a yet chi k'aklay te', chi tit wol is k'ojal, caywal tu' ok yun jaywanokxa eb sic'bil el wuj yet chi lajwi ay in conob, ẍi Cham.

Is 62:12

A eb Israel ok ak'lay yik eb conob Dios, a ton eb mayal bekchajcan el yuj Jehová. Axa Jerusalén xin, ok yik Conob Ochebil, C'amxa Yechel Ok Beklaycanok, caytu' yoc is bi.

Jeremías 2:3

A yet tu' wetc'al e yayji ayex israel ex ti', axca wal babel sat awoj. Ayin caw Jehová in chi wala' tol tzanc'al mac max low k'ab e yin, max oc is mul. Ayin max waoc yailal yiban, ẍi Jehová, cachi bay eb, ẍi Cham.

Ez 20:5

Al bay eb tol ayin chi wal juntzan ti': A yet max in sic'on el eb e yichmam tu', max wak' in ti' bay eb, cax max in tx'oxon in ba bay eb bay Egipto. A bay tu' max wak' in ti' bay eb, max waloni: Ayin ton Jehová e Diosal in.

Lv 20:24

Ayin wal caw max wak' in ti', tol e yet ok yuncan is tx'otx'al eb tu'; ayin ok wak' e sataknej jun tx'otx' caw wal yax sat tu'. Ayin Jehová e Diosal in, yelxac'al tx'ok e yel wuj, yintak juntzanxa conob.

Lv 20:26

Palta yowalil watx' che yut e ba in satak, yujtol watx' inc'al ayin ti'. Ayin Jehová in ti' max ex wut yin tol tx'ok e yel yintak juntzanxa conob, yet watx' in conob e yayji ocok.

Am 3:2

Chi yal Cham axca ti': Asannej wal ayex ti' max ex in sic'can el xol masanil juntzanxa conob ay bay masanil yulyibank'inal ti'. Yuj tu' xan ok waoc yailal e yin yuj masanil yobtakilal che yunej, ẍi Cham.

Malaquías 3:17

Axca ti' yalon Jehová, Cham Yajaw yin Masanil: A yet jun c'ual ok in beyc'ulnej el eb anima, ok in sic'can el eb ay welapnok yul sat, yet chi occan eb wetok. Axca junok mamej chi cus c'ul yin yuninal chi ak'on serbil, axca wal tu' ok yun cusoc in c'ul yin eb.

Tzetak Yetal Max El Yunen Eb Chekbej Jesús 13:17

A co Diosal ayon israel on ti', a' sic'nakcan el eb jichmam. A yet ayic' eb nan xol eb tx'ok conobal bay Egipto, a' ak'nej ch'ib bisil eb, max occan eb mimek conobal. Lajwi tu', max yion eltek eb bay Egipto tu' yetok is yipalil.

Ro 9:4

Yinatil israel eb wetok. A Dios max on ion oc yuninalok on. Max tx'ox is tzekekial ayon on. Ay juntzan is trato max yak' jetok on. Max yak' c'apax is ley ayon. Yalnak c'apax ayon tzet chi jut jion ay co ba bay. Ay juntzan tzet yetal max yak' Dios is ti' yak'on ayon.

Dt 14:2

yujtol ayon ti', is conobal Jehová co Dios jayji. A Cham max on sic'on el bay xol juntzanxa conoblak bay sat tx'otx' ti', yet chon occan is conobok.

Dt 14:21

C'am che chi' junok no' toc'al chi camaj axcac'al tu', yujtol a jun conobal on ti', sic'bil on el yuj Jehová co Diosal. Palta chi je' e yak'on bay eb tx'ok conobal cajan ec' e xol tu'. A eb tu' chi je' chioni, ma xin, chi je' c'apax e txonon bay eb tx'ok conobal, toc'al chi ec'jab e xol. Manchak e txic no yune' chiwo xol yal yim is txutx.

Dt 26:18

Mayal yal Jehová tinani' tol ayon conob Israel on ti', is conob onxa axca max yun yaloni, xan yowalil chi jikej is chekbanil.

Dt 26:19

A Cham ok ex aon oc yin miman nacional, tol ok ex binaj yin watx'il c'al miman e yelapnok yintak juntzanxa nación max watx'nej, cax is conob ex Cham, axca max yun yaloni, ẍi cham Moisés.

Dt 28:9

Ta ok e yikej masanil is chekbanil, c'al e tzakloj yintak, a Jehová ok ex yic'al oc is conobok, axca max yun yaloni.

Dt 33:3

Caw wal chi camc'ulnej Cham is conob, chi taynej Cham eb yet-xa yayji. A eb tu' chi oc eb ayilal satak Cham, cax chi yiken eb is chekbanil.

Dt 4:20

Palta a Jehová max on ion eltek bay jun conob tol axca junok horno bay chi ak'lay uljok ch'en ch'en yayji, a ton Egipto. Yet watx' conobxa Cham max juncanok, axca ton jayji tinani'.

Dt 4:37

A wal caw Cham max camc'ulnen eb jichmam, xan max sic'can elok. Lajwi tu' max on col-lay eltek yuj bay Egipto yetok wal is mayk'ak'al.

Tito 2:14

Max yak' cam ba Cham juj, yuj on is colon el yul k'ab yobtakil. Max yiel Cham masanil co mul, yet watx' asan Cham ay yalon yet jin, cax asanokab tzet watx' chi jochej chi junej.

Is Babel Carta San Pedro 2:9

Palta ayon ti', axca tol junxanej inatilej jayji, sic'bil on oc yin sacerdoteal, yuj jak'on serbil co Reyal, chi yal elapnok a ton Dios. Conobxa Dios jayji, pojbil on el yuj joccan yetok, yuj jalon el is watx'ilal Cham. Yujtol a' max on ion eltek xol k'ekk'inal, cax max on yaoncan oc bay is sakk'inalil c'ayubtak yoqui.

Yet Is Cab Carta San Pedro 2:5

Yetok c'apaxok, maj yak' Dios mimanc'ulal yin eb anima yet payxa. Yanaktek jun owal aej mukwajwom yiban eb yobtakwom tu'. Asan Noé colchajnakcan el yetok ukwan is familia. A Noé tu', yalnak el xol anima tu', tol watx'okabc'al chi yut eb is nabal.

Yet Is Cab Carta San Pedro 2:9

Cac'apax tu' tinani'. Yojtak Cham Jajawil tzetbil chi yut colon el eb ayoc nabal yin, yet chi ak'lay porobal eb. Yojtak c'apax tzet chi yut yaoncantok eb man watx'ok is nabal bay yailal, bay chi tojcan eb, masantac'al ok jay jun c'ual yet ok beyc'ulnelay eb.

Babel Libroal Cham Samuel 12:22

A Jehová ok yun tzet max yala', man ok ex bekcanok, yujtol chi yochej c'ul tol is conob ex.