Dt 7:10 - A Txꞌan Biblia Yin Kꞌanjobal 1989

¹⁰ Palta chi paktzej Cham bay mac chi yajon Cham; tojolc'al c'ayil eb yuj.

Dt 7:10 Iomraidhean Croise

Ex 20:5

C'am chex ay nojan bay, tamwal che yak' ayilal bay, yujtol ayin Jehová e Diosal in, caw wal chi tit wowal e yin, tatol chex oc ayilal bay junokxa mactxel; cax ok waon oc yailal eb mamej, eb tol chin yajoni, cax ay yowal in c'ul yiban eb uninalej, c'al yiban eb yet is yox c'al yet is can itxiquinej.

Ex 34:7

A tzet max walcan bay eb ichmamej, chi yunc'al bay yinatil eb yin tojbalk'inal, chi wak' tan is mul eb anima yet chi yak'on eb yobc'ulalil win, c'al is tenomtakil eb, c'al yet yob tzet chi yun eb; palta c'am cha na', tatol toc'al chi eq'uel mulej tu'. A yuj is mul eb mamej txutxej, chi waoc yailal tol chi beyc'altok yiban eb uninalej, c'al eb itxiquinej, masantac'al yin yet is can makanil, ẍi Jehová.

Pr 11:31

Tatol chi cha' eb tojol is nabal paktzil bay sat tx'otx' ti', akxam wal eb c'am yelapnok Dios yul sat, c'al eb ajmul, ¿tzet xa mi wal ok yun eb?

Is 59:18

A ok paktzen bay junjun, atac'ala' is yunben; ok ya wal oc yailal eb ajc'ul oc yin. A bay mac chi chichon oc c'ul yin, ok paktzej wal bay axca wal is mojalil, mawal eb conoblak cajan bay junxa k'axepal a' mar.

Jeremías 32:18

Ach ti', cha tx'ox a camc'ulal bay xiwil makquiltakil anima chi eq'uelok, palta xin, cha c'apax oc yailal yiban eb anima yuj mul is mam eb. Ach Dios caw wal mimanbil ach, caw wal chi je' oj. A a bi, Jehová Yajaw yin Masanil.

Nahum 1:2

A Jehová Dios toni, tol chi paktzej yetok yowal c'ul bay eb chi ion ec' satak. Chi paktzej bay eb yob chi yut ba bay, caw wal chi tit yowal yin eb ajc'ul.

Nm 10:35

A yet chi ilaytok te caẍa tu' chi yalon cham Moisés axca ti': ¡Ajan wan Mamin Jehová! ¡Uch saklem eb ajc'ul oc en! ¡Elokab aj eb c'am chach ocheni a satak! ẍi cham.

Nm 14:18

tol c'am chi tit owal yin ayman, yujtol ay a camc'ulal c'al a mimanc'ulal yiban eb yob, c'al eb tenomtak, palta chaoc yailal yiban mac ay is mul, c'al yiban yuninal eb c'al yitxiquin eb c'al yuninal eb yitxiquin eb tu'.

Ro 12:19

Ex in camc'ulnebil, c'am chi je' co pakon co ba bay junok mactxel. Yowalil chi jechbanej, yet watx' munil chi yak' Dios pak bay. Yujtol yalnak Cham yul tx'an Un axca ti': Ayin ti' ay walon wet waon oc is yailal eb. Ayin ok wiec' pak bay eb, ẍi Cham Jajawil, ẍi tx'an.

Dt 32:25

A bay yulak calle ok cam is yuninal eb yuj espada, ok ayjok ec' eb bay yatut yin xiwc'ulal. Ok cam eb ach'ej c'al eb ix k'opoj, eb icham anima c'al eb unin chi txutxwi.

Dt 32:35

Ayin ay walon wet waon oc is yailal eb. Ayin ok wiec' pak bay eb. Ay jun c'ual ok ayc'ay eb. Cawilxa chi jayoc is c'ual yet ok lajwok ay eb. Cawilxa chi jayoc yorail yet ok chaon eb is paktzebal, ẍi Jehová.

Dt 32:41

tol a yet ok in nikon ajtek ye wespada toxac'al chi jopopi, ok in watx'nej el jun owal ti'. Ok in pakon in ba bay eb ajc'ul oc win, cax ok wak'on yailal axca is mojalil is sawenal eb win.

Dt 5:9

Manchak ex ay nojan bay, tamwal che yak' ayilal bay, yujtol ayin Jehová e Diosal in caw wal chi tit wowal e yin tatol chex oc yin ayilal bay junokxa mactxel, cax ok waon oc yailal eb mamej, eb tol chin yajoni cax ay yowal in c'ul yiban eb uninalej c'al yiban eb yet is yox c'al yet is can itxiquinej.

Dt 7:11

Yuj tu xin, chi cam wal e yiken masanil chekbanilej c'al cuybanilej chi walcan el ayex ti' tinani'.

Dt 7:9

Ojtaknejek elok tol a Jehová co Diosal asannej oc Dios. A bay mac chi camc'ulnen Cham c'al yiken is chekbanil, chi yunc'al Cham bay chi yala' c'al ay is camc'ulal Cham yin, c'al yin eb is yinatil yet ok beyc'altok.