Dt 7:1 - A Txꞌan Biblia Yin Kꞌanjobal 1989

¹ A yet ok ex yiontok Jehová bay sat tx'otx' bay max yak' is ti' yak'on ayex, a' ok ion el eb nacionlak e satak, a ton eb heteo, eb gergeseo, eb amorreo, eb cananeo, eb ferezeo, eb heveo c'al eb jebuseo; ukeb wal nación tol caw wal mimek e yintak.

Dt 7:1 Iomraidhean Croise

Babel Libroal Yabixal Eb Rey 16:31

C'am wal jabok max cus is c'ul yunenc'al yobtakil max tz'un Jeroboam is c'ajol Nabat. Caw wal yelxac'al yob max yut ba yet max yion xal Jezabel is cutz'in Et-baal reyal Sidón, xan max oc yin ayilal bay jun comon dios chi yik Baal.

1 Cr 1:14

Yinatil c'apax Canaán tu' eb jebuseo, eb amorreo, eb gergeseo,

2 Cr 8:7

Axa masanil eb yinatil eb anima, maj yak' c'ayil eb israel, a ton eb hitita, eb amorreo, eb heveo, eb ferezeo, c'al eb jebuseo, tol cajan xol eb Israel, max ak'lay pural eb yoc yin mulnajil yuj cham Salomón; cayc'al tu' yayji eb tinani'.

Esdras 9:1

A yet max lajwi juntzan tu' max jayoc eb yajaw yayji bay tu' in c'atan, max yalon eb ayin axca ti': Xiwil eb jet israelal, toltax ajun eb sacerdote c'al eb levita yetok eb, c'am chi pojil ba eb xol eb tx'ok conobal cajan bay jun nación ti', palta chi beybalnej eb is yob beybalil eb cananeo, eb hitita, eb ferezeo, eb jebuseo, eb amonita, eb moabita, eb egipcio c'al eb amorreo.

Nehemías 13:23

Ac'ala' yet juntzan c'ual tu' max wilon c'apaxok tol ay eb wet israelal tu' max yi eb eb ix ix aj Asdod, eb ix aj Amón, c'al eb ix aj Moab.

Salmos 78:55

Max yican el Cham eb nacionlak co satak, cax max pojlaycan ec' tx'otx' tx'otx' tu' yin parcelail bay co tribulak, cax max cajon eb is conoblak eb ajc'ul tu'.

Ex 15:7

A yetok a miman ipejal max a mak' ayc'ay eb chi yochej chi yak' owal etok. A wal yet chi tit owal, axcaxac'al tz'atok an ch'im, cayxac'al tu' chi yun lajwican el eb oj.

Ex 23:28

Ok wak' somchaj c'ul eb e yajc'ul e satak yuj xiwilal yet c'amto chex apni ocok, xan ok elaj eb heveo ayex, c'al eb cananeo, yetokc'al eb heteo.

Ex 23:32

C'amc'al junok e k'anej che watx'nej yayji yetok eb, tamwal e yoc yin ayilal bay is diosal eb.

Ex 23:33

Cax c'amxa che chacan eb yul e conobal, yet watx' c'am chex yikbaj eb e yunen yobtakil ayin. Ta chex ay nojan bay is diosal eb tu', ayex wal che yetnejtok e ba chi yal tu', ẍi Jehová bay cham Moisés.

Ex 33:2

Ayin ok in chek babjok wángel e satak. A' ok ex ikbanok; ok wiel eb conob bay sat tx'otx' tx'otx' tu', a ton eb cananeo, eb amorreo, eb heteo, eb ferezeo, eb heveo yetokc'al eb jebuseo.

Ex 6:8

Cax chex wiontok bay sat tx'otx' tx'otx' bay max wak' in ti' wak'on bay Abraham, bay Isaac c'al bay Jacob; cax ayin Jehová in ti' chi wak' c'apax ayex, tol e yet ok yunej, ẍi Jehová, cachi.

Lv 14:34

A yet ayexxa ec' bay tx'otx' Canaán, a ton tx'otx' ok wak' ayex e satakok, talaj c'uxan ok watok junok tzet yetal k'uxtak yili ok el lebebok bay yul e na bay tu',

Nm 13:29

Axa eb amalecita cajan sat tx'otx' Néguev, axa pax bay siquilal tx'otx' c'al bay tzalanlak, a tu' cajan eb heteo c'al eb jebuseo yetokc'al eb amorreo. A bay tilak a' mar c'al bay tilak a' Jordán, a eb cananeo cajan bay tx'otx' tu'.

Nm 14:31

Axa pax eb e yuninal max e yala' tol ok ayc'ay yul is k'ab eb ajc'ul, ok wioctok eb bay tx'otx' maj e yochej tu'; a eb ok yak' tzalojbok c'ul bay tu'.

Tzetak Yetal Max El Yunen Eb Chekbej Jesús 13:19

Yetok c'apaxok, max yak' c'ayil ukeb conobal anima yul yet Canaán, cax max yak'can tx'otx' eb max c'aylay el tu' bay eb jichmam.

Dt 11:29

A yet mayal quex yioctok Jehová co Diosal bay sat tx'otx' tx'otx' tol ok yak' ayex tu', ok e yalon el watx' k'anej bay yich witz Gerizim, c'al catab k'anej bay yich witz Ebal.

Dt 20:1

A yet ok ex tok e yak'len owal yetok eb ajc'ul, ok e yila' tatol xiwil bisil chej eb, c'al carruaje yet owal, yetokc'al is soldado eb, xiwilxa bisil eb e yintak, manchak ex xiw bay eb, yujtol a Jehová co Diosal, Cham max on ion eltek bay Egipto, a' ok oc e yetok.

Dt 20:16

Axa juntzan nación ay bay tx'otx' tx'otx' ok yak' Jehová co Diosal e sataknej, c'amxa junok mactxel che yak'can yin yiquisal.

Dt 31:20

A yet ok lajwok wion octok eb anima ti' bay sat tx'otx' tx'otx' max wak' in ti' wak'on bay eb e yichmam, caw wal tol yax sat tx'otx', ok low eb, ok noj c'ul eb, c'al bak'echbi eb. A wal yet tu', cax ok tok eb yintak yechelej tu'. Ok oc eb yin ayilal bay juntzan tu'. Ok in yintaknen can el eb, cax ok yetnentok eb in trato max in watx'nej yetok.

Dt 31:3

Palta xin, a Cham ok babjokc'al e satak cax ok c'ayonc'al el masanil nacionlak ayic' bay ok ex apnok. Ayexxa ok ex cajay bay is tx'otx'al eb. Axa cham Josué ok oc e yajawilok c'al ex yikbani, axca yalon Jehová.

Dt 4:38

Max yion el co satak juntzan mimek nación tol ay yip jintak, ayonxa chi co makcan is tx'otx'al eb, chi occan jetok axca wal lanan yunen tinani'.

Dt 6:1

A ton wal juntzan ley c'al juntzan chekbanilej ti' max chek Jehová co Diosal wal ayex, tol ok e yak' k'anabaxok yet ok e yion tx'otx' tx'otx' k'axepal a' Jordán e satakok.

Dt 6:10

A Jehová co Diosal, a' ok ex ion octok bay jun tx'otx' max yak' is ti' yak'on bay eb jichmam, a ton Abraham, Isaac c'al Jacob. Ay wal conoblak manxa watx'ilok bay jun tx'otx' tu' tol mayexnak max e watx'nej ajok.

Dt 6:19

Ok elaj eb ajc'ul e satak yuj Jehová, axca max yut yaloni.

Dt 6:23

Max on yion eltek bay tu', cax max on yiontek cayti' bay tx'otx' tx'otx' max yak' is ti' yak'on bay eb jichmam.

Dt 9:1

Ex wet conob Israel, abek. Mayal ajapnok tiempoal yet che k'axponej a' Jordán, yet ok e yion el juntzan nación caw mimek c'al caw tec'an e yintak, mimek conob tol caw wal can yayji tel is murallail.

Dt 9:3

Ojtaknejek el tinani' xin, tol a Jehová co Diosal, a babel toj e satak axca k'ak'ej c'aywajwom. Ok c'aylayel eb c'al yilay el eb e satak. Ayex ti' ok e yiel eb e satak, cax ok e c'ayon c'al el eb yin aymanil axca wal yalon Jehová.

Dt 9:4

Manchak e na tol yuj e watx'il xan max yiel Jehová masanil eb anima ti' e satak yuj e sataknen jun tx'otx' tu'. A juntzan nación tu' ok ilay el eb e satak yuj Cham, palta yuj is yobtakil eb.

Josué 11:3

yetok eb cananeo ay bay yetc'ulal bay chi ajol c'u c'al bay chi toj c'u, yetok eb amorreo, eb hitita, eb ferezeo, eb jebuseo; a ton eb ti' ay bay siquilal tx'otx', yetok eb heveo bay Hermón yul yet Mizpa.

Josué 24:11

Max lajwi tu' axa e yec'tok bay yul a' Jordán tu', max ex apni oc bay Jericó. A eb ay bay Jericó tu', c'al eb amorreo, eb ferezeo, eb cananeo, eb heteo, eb gergeseo, eb heveo yetokc'al eb jebuseo, max yak' eb owal e yetok, ayinxa max wak' e yipalil, max ayc'ay eb e yuj.

Josué 3:10

A yuj tzet ok e yil tinani', a yin tu' ok nachaj el e yuj, tol ayic' Cham Dios iquis co xol. A Jehová ok ion el eb amorreo, eb heteo, eb heveo, eb ferezeo, eb gergeseo, eb cananeo, yetokc'al eb jebuseo co satak.