Dt 6:4 - A Txꞌan Biblia Yin Kꞌanjobal 1989

⁴ Ex wet conob Israel, abek wal xin: Asannej Jehová co Diosal, c'am junokxa.

Dt 6:4 Iomraidhean Croise

Babel Libroal Yabixal Eb Rey 18:21

Max lajwi tu xin, max jitzontok ba cham Elías bay is c'atan eb anima tu', max yalon cham axca ti': —¿Bak'in wal ok e bekc'al yayi, c'al yaj e nabal? Tatol a Jehová, Dios toni, asannejokab bay chex oc yin ayilal, palta tatol a Baal tu' Dios xin, asannejokab c'apax bay chex oc yin ayilal, ẍi cham. C'am wal jabok max tak'wi eb anima tu'.

Yet Is Cab Libroal Yabixal Eb Rey 19:5

A yet max yaben cham Isaías tzet max yal is chekbej cham rey Ezequías,

1 Cr 29:10

Xan max yal cham rey David watx' k'anej yin Jehová satak masanil conob tu', max yalon axca ti': Mamin Jehová, co Diosal ach, yetok jichmam Israel, al-layokab watx' k'anej en yin tojbalk'inal,

2 Cr 17:9

Max cheklaytok eb ti' yetok tx'an yunal ley Jehová, yet chi toj cuylay eb anima bay masanil conoblak yul yet Judá.

Nehemías 9:6

Mamin Jehová, asannej ach toc'al ta ayach ec'ok, c'am junokxa. Ach ti' max a watx'nej satcan tol txequel, c'al man txequelok, masanil waycan ach max a watx'nej. Ach max a watx'nej c'apax tx'otx' tx'otx' ti' c'al yetok masanil tzet yetal ay bay. Max a watx'nej c'apax a' mar yetokc'al masanil tzet yetal ay bay a'. Ach wal chak' yiquisal masanil tzet yetal, yuj tu' xan chi oc eb ángel yin ayilal ayach.

Salmos 78:5

A Dios max pitz'c'onen jun beybalej ayon, ayon yinatil Jacob on ti', max yak'on jun cuybanilej ayon Israel on ti'; max yaloncan bay eb jichmam tol chi cuy eb is yuninal ok jayok,

Salmos 86:10

Yujtol asan wal ach Dios ach, cax miman ayji ocok, cax c'ayubtakxac'al yoc tzet chonej.

Is 42:8

Ayin ton Jehová in, a ton in bi ti', man ok in cha' al-lay watx' k'anej bay junokxa yuj tzet max wunej, man ok in cha' ilay aj can yechelej tu' in q'uexelok.

Is 44:6

A Jehová Cham Rey chi ak'on bekchaj el Israel. A ton Jehová, Cham Yajaw yin Masanil chi alon axca ti': Ayinc'alta' ec' yettax yichbanil, ac'ala' ayinc'al ec' yet lajubal, asannej in Dios in, cax c'am junokxa.

Is 44:8

Manchak ex xiw xin, tokwal maj wal jun ti' ayex yettaxc'al payxa. In testigo ex ayex ti'. ¿Tokwal ay junokxa dios c'al junokxa colwajwom? Ayin ti', c'am junokxa wojtak, ẍi Cham.

Zacarías 14:9

A yet jun c'ual tu', asannej Jehová ok yajawbok bay masanil yulyibank'inal ti', asannej Cham Dios. A Dios, asanxanej Jehová is bi ok ak'lay binajok.

Mt 22:37

Max yalon Jesús: —Camc'ulnejek Cham Jajawil co Diosal yin masanil e c'ul, c'al yin masanil e yanimail, c'al yin masanil e nabal, ẍi.

Lc 10:27

Max yalon axca ti': —Camc'ulnejek Cham Jajawil co Diosal yin masanil e c'ul, yin masanil e yanimail, yetok masanil e yip, c'al yin masanil e nabal, cax che ya'ilnen e yet animail axca wal che yut e ya'ilnen e ba junjun ex, ẍi bay.

Jn 10:30

Ayin ti', junnej animail wayji yetok co Mam Dios, ẍi Jesús bay eb aj Judea tu'.

Jn 17:3

A k'inalej yin tojbalk'inal, chi yal elapnok tol chach yojtaknej el eb anima, ach jun c'otan acaw Dios, c'al in yojtaknen el eb, ayin Jesucristo in, tol chekbilintek oj.

Ro 3:30

Yujtol junnej Dios ay. Tzanc'al mactxel, caxc'al israel, caxc'al c'amak, tatol chi jaoc co c'ul yin Jesús, watx' on yul sat Dios.

Ef 4:6

Yetok c'apaxok, junnej Dios, Cham co Mam co masanil. A ton Cham Yajaw yin masanil. A Cham chon k'anbalnen junjun on. A c'apax Cham ayoc jin co masanil.

Dt 4:39

Yuj wal tu xin, canokab yin e nabal tol asannej Jehová, Diosal satcan c'al sat tx'otx' ti' yayji, c'am junokxa.

Dt 5:6

Ayin Jehová e Diosal in, max ex wieltek bay Egipto, bay ayex ec' yin mosejal.

1 Ti 2:5

Asan jun Dios ay, cax asan c'apax jun yaomal oc co ti' bay, a ton Jesucristo, a ton Cham max oc animail,

Santiago 2:19

Ay mactxel chi yaoc yin c'ul, tol junnej Dios; watx' ton tzet chi na' tu'. Ac'ala' eb espíritu yob chi ya c'apax oc eb jun tu' yin c'ul, cax chi bilaj eb yuj xiwilal yuj.