Dt 6:3 - A Txꞌan Biblia Yin Kꞌanjobal 1989

³ Yuj tu xin ex wet conob Israel, abek cax aek wal oc yin e c'ul e yiken juntzan chekbanilej ti', yet watx' watx'c'al ok ex elocok, yelxac'al mimek conob ok ex eloc bay sat tx'otx' tx'otx' yax sat tu', axca max yun yalon Jehová co Diosal yetok eb jichmam.

Dt 6:3 Iomraidhean Croise

Gn 12:2

A enatil ok oc yin miman nacional wuj, cax ok in tx'oxon in watx'c'ulal ayach. Yelxac'al miman ok yun a binaji; oj ok chaon eb anima watx'c'ulal.

Gn 13:16

Axca wal yatakil bischaj pokokal tx'otx' tx'otx', caytu' yatakil ok yun bischaj enatil, cax manc'alta' ok bischajok.

Gn 15:5

Axa yilay eltok Abram tu' yina yuj Cham, cax max yalon bay axca ti': —Ilab wal yili ajtok satcan; bisto wal juntzan waycan tu', ta chi bischaj oj. Axca ton tu' ok yun bisil eb enatil, ẍi Cham.

Gn 22:17

tol wal yel ok wak' in watx'c'ulal eban, tol ok wi wal aj can bisil enatil axca wal waycan bay satcan, c'al axca yarenail ti a' mar, caytu' ok yunej; yetok c'apaxok, ok yak' c'al ayc'ay eb enatil tu' eb ajc'ul yin.

Gn 26:4

Xiwil ok wut is bisil eb enatil axca waycan bay satcan, cax ok wak'on masanil jun tx'otx' ti' bay eb. Yetok c'apaxok yujc'al enatil tu' ok cha masanil naciónlak in watx'c'ulalil,

Gn 28:14

A enatil tu' xiwil ok yun bisil axca pokokal tx'otx', cax ok tojc'al leeok eb bay yetc'ulal bay chi ajol c'u, bay yetc'ulal chi tojcan c'u bay norte, c'al bay sur; masanil nacionlak yulyibank'inal ti' ok cha eb watx'ilal oj ach ti', c'al yuj eb enatil.

Salmos 119:4

Mamin Jehová, ach max ala', tol chi ikelay a chekbanil, cax tol yowalil chi yuncan elok.

Ex 1:7

Palta xiwilto yinatil eb max elcanok, cax max aj wal can bisil eb. Yelxac'al ay is may max yun eb. Max nojil masanil yul nación Egipto tu' yuj eb.

Ex 3:17

Max yalon ayin tol ok ex colil bay ayex oc yin yatakil cayti', cax ok ex yiontok bay jun tx'otx' caw wal watx', caw wal ay yaxil sat, bay ay eb cananeo, heteo, amorreo, ferezeo, heveo c'al eb jebuseo, cachi bay eb.

Ex 3:6

Ayin ti', is Diosal in a mam, is Diosal in c'apax Abraham, Isaac c'al Jacob, ẍi Cham. A yet max yaben Moisés axca tu' max makchen el is sat yujtol max xiw yoc t'anan yin Cham.

Ex 3:8

Yuj tu xin, max quin ayolok, cax chi ul in colon el eb yul k'ab eb aj Egipto tu'. Ok wiel eb bay jun lugar tu', cax ok wiontok eb bay jun tx'otx' caw wal watx', lean, caw wal xiwil tzet ay sat tx'otx'. A eb cananeo cajan bay sat jun tx'otx' tu' c'al eb heteo, eb amorreo, eb ferezeo, eb heveo, yetokc'al eb jebuseo.

Ec 8:12

Caxc'al mi ay anima tol chi occ'al is mul, caw wal miman pax yabilal chi yila'; palta wojtak wali tol a mactxel ay yelapnok Dios yul sat, watx'c'al chi elocok.

Is 3:10

Al bay eb anima watx' nabal tol watx' ok yun yeloc eb, yujtol ok tzalojbok eb yuj paktzil is watx' unben.

Jeremías 42:6

Caxc'al ok cha' co c'ul, ma man ok cha' co c'ul tzet ok yun paktzen ayach, ok jikej bay Jehová co Diosal, bay max co k'an ayach tol ok a k'an bay, yet watx' watx' ok on elocok, ẍi eb.

Jeremías 7:23

A tzet max wal bay eb yin babelal, tol yikem eb ayin. Catatu xin, ayin ton is Diosal in eb, axa eb ok occan in conobok. Cax max waloni tol chi yikej eb axca wal tzet max wala', yet watx'c'al chi eloc eb.

Tzetak Yetal Max El Yunen Eb Chekbej Jesús 7:17

Axa yet lananxa jay tiempoal yunen tzet yalnak Dios bay Abraham xin, caw wal max aj can ch'ib bisil yinatil bay Egipto tu'.

Dt 11:9

Yetok c'apaxok yet watx' najatil ok ex ec' cajan bay tx'otx' tx'otx' caw wal yax sat tu', a ton tx'otx' max yak' Jehová is ti' yak'on bay eb jichmam c'al bay yinatil eb.

Dt 26:15

Ilon aytek bay satcan, bay lugar tol et yayji ocok, ak' a watx'c'ulal jiban ayon a conob Israel on ti', c'al yiban bay sat tx'otx' tx'otx' tol caw wal yax sat bay cajan on, axca wal max yun ak'on a ti' bay eb jichmam on, quex chi.

Dt 26:9

c'al on yiontek Cham bay sat jun tx'otx' caw wal yax sat ti'.

Dt 27:3

cax ok tz'ibelay oc masanil juntzan chekbanilej ti' yin ch'en. Caywal tu' ok e yun yet ok ex apnok oc bay jun tx'otx' tol caw wal watx' tu'. Xiwil tzet ay sat tx'otx', a ton bay tx'otx' ok yak' Jehová co Diosal ayex tu', axca max yun yak'on is ti' bay eb jichmam.

Dt 31:20

A yet ok lajwok wion octok eb anima ti' bay sat tx'otx' tx'otx' max wak' in ti' wak'on bay eb e yichmam, caw wal tol yax sat tx'otx', ok low eb, ok noj c'ul eb, c'al bak'echbi eb. A wal yet tu', cax ok tok eb yintak yechelej tu'. Ok oc eb yin ayilal bay juntzan tu'. Ok in yintaknen can el eb, cax ok yetnentok eb in trato max in watx'nej yetok.

Dt 4:40

Yuj tu' ikejek is ley c'al is chekbanil chi walcan el ayex yet jun c'ual ti', yet watx' watx'c'al ok yun e beytok ayex ti' yetokc'al eb e yinatil, cax ok najatilbok e k'inal bay sat tx'otx' tx'otx' max yak' Jehová ayex yin tojbalk'inal, ẍi cham Moisés bay conob Israel.

Dt 4:6

Ikejek xin, cax che yaon oc yopiso juntzan chekbanilej ti', yujtol a yuj xan aj nabal ex, c'al jelan ex satak juntzanxa nación. A yet ok yaben eb, cax ok yalon eb axca ti': Wal yel caw wal tol jelan, c'al aj nabal jun conob ti', miman nación ton wali, ẍi mi eb.

Dt 8:8

A bay tx'otx' tx'otx' tu' caw wal chi je' ixim trigo, ixim cebada, an uva, te higo, te granada c'al te olivo. Ay c'apax no yalcab.