Dt 6:2 - A Txꞌan Biblia Yin Kꞌanjobal 1989

² Ikejek masanil is chekbanil, chi wal ayex ti' c'al bay eb e yuninal c'al bay eb e yi e txiquin, yet watx' ayc'al yelapnok Jehová co Diosal yul e sat yet ayex ec' bay yulyibank'inal ti'. Axca tu' xiwil abilal ok e yil bay sat tx'otx' ti'.

Dt 6:2 Iomraidhean Croise

Gn 18:19

Ayin max in siq'uilok yet watx' chi yal masanil in chekbanil bay masanil is yuninal c'al is yinatil, yet watx' chi yikej eb, c'al beybalnen eb masanil tzet yetal watx', c'al tojolal, yet watx' chi wak' c'apax yun bay tzet max wak' in ti' bay, ẍi Cham.

Gn 22:12

Max yalon Cham ángel tu': —Manchak a mak'cam a c'ajol. A tinani' wojtakxa tol ay welapnok yul a sat, ilab tol bekan a c'ul ak'on nak jun c'otan a c'ajol tu' ayin, ẍi Cham ángel tu'.

Babel Libroal Yabixal Eb Rey 8:40

Axca tu' ok on xiw co masanil yoc co mul yak'ban iquis on bay sat tx'otx' max ak' bay eb jichmam on ti'.

Job 28:28

Max yalon Dios bay eb anima axca ti': Ta miman welapnok yul e sat, a ton wal jelanilal tu'; ta che poj wal el e ba xol yobtakilal, a ton wal aj nabalil tu xin, ẍi Cham, ẍi cham Job.

Salmos 111:10

A yichbanil jelanilal, tol ayokab yelapnok Jehová yul co sat. A eb chi beybalnen is cuybej Cham, caw wal tx'ijan is nabal eb. Toc'alta' chi al-lay watx' k'anej bay Cham.

Salmos 128:1

Watx' et, mac ach ay yelapnok Jehová yul a sat, cax ikem ach bay.

Salmos 91:16

Miman is k'inal eb ok wak'a', yet watx' chi yak' eb nabal yiquisbi. Ok wak' yil eb in colwal, ẍi Cham.

Ex 20:12

Ayokab yelapnok e mam c'al e txutx yul e sat, yet watx' chi najatilbi e k'inal bay sat tx'otx' tx'otx' ok wak' ayex.

Ex 20:20

Max tak'wi cham Moisés: —C'am chex xiwi, toc'al chi ulic' Cham yet chex yak' porobal, yet watx' ayc'al e xiwc'ulal bay, cax c'amc'al chi oc e mul, ẍi Moisés.

Pr 16:6

Yuj watx'c'ulal, c'al ikemal, xan chi ak'lay tan yobtakilal; tatol ay yelapnok Jehová yul co sat, chon el xol yobtakilal.

Pr 3:16

Yuj jelanilal ok najatilbok a k'inal, yuj xan ok e c'apax a beyomal c'al a mimanbilal.

Pr 9:11

A wal yuj jelanilal tu' xan ok ach ayjok ec' miman tiempo, caw wal xiwil yabilal ok yun a k'inal.

Ec 12:13

Caytu' chi yun lajwi jun k'anej ti'. Mayal al-lay masanil. Ayokab yelapnok Dios yul co sat, jikejokab is chekbanil, yujtol a jun ti' yowalil chi junej.

Jeremías 32:39

Ok wak'on yun eb tol junxanej ok yun is nabal eb, lajanxac'al ok yun quin yak'on serbil eb yin tojbalk'inal, yet chi occ'al is watx'ilok eb, c'al is watx'ilok yinatil eb.

Ez 20:19

Max waloni, tol ayin Jehová in is Diosal in eb, tol yikejokab wal eb in chekbanil c'al in ley.

Lc 12:5

Palta ok wal ayex bay moj chex xiwi. A bay Dios, a tu' chex xiwi, Cham tol chi xew e yak'lay cam yuj, ay pax is yikbej ex yaontok bay infierno. A ton bay Cham tu' moj wal chex xiwi.

Dt 10:20

Asanokab Jehová co Dios miman yelapnok yul co sat. Asan bay Cham chon oc ayilal, cax yikemc'al chi jut co ba bay. Ta ay bay chi jak' co ti' yin junok tzet yetal asannejokab yin bi Cham chi jak'a'.

Dt 11:9

Yetok c'apaxok yet watx' najatil ok ex ec' cajan bay tx'otx' tx'otx' caw wal yax sat tu', a ton tx'otx' max yak' Jehová is ti' yak'on bay eb jichmam c'al bay yinatil eb.

Dt 13:4

Tzaklojanek yintak Cham cax ayokab yelapnok yul e sat. Ikejek is chekbanil. Abek tzet chi yala', ocanek yin ayilal bay, cax junejokabc'al e yayji yetok Cham.

Dt 15:5

Tatol ok e yikej e beybalnen juntzan chekbanilej lanan waloncan ayex ti',

Dt 22:7

Chi je' e yiontok no' yune', axa no' txutxej che bekcantok, axca tu xin watx' ok ex elocok, ok najatilbok e k'inal.

Dt 30:19

A wal yet jun c'ual ti' chi waoncan oc satcan c'al tx'otx' tx'otx' ti' yin testigoal e yin, tol max wak' e sic'lej e cawil ma e camichal, watx'ilal ma uchlejbail. Palta siq'uek el cawilej, yet watx' watx'c'al chi yun e beytok yetok eb e yinatil.

Dt 30:20

Camc'ulnejek Jehová co Diosal. Yikemc'al che yut e ba bay, yujtol a yuj e yikemal tu', ok e yi' e cawil. Yuj tu' xan ok ex ayjok ec' yin mimantak tiempoal bay sat tx'otx' tx'otx' max yak' Cham is ti' yak'on bay eb jichmam, a ton bay Abraham, bay Isaac, c'al bay Jacob, ẍi cham Moisés.

Dt 4:10

Naektek yet jun c'ual yet ayon ec' satak Jehová co Diosal bay witz Horeb, yet max yalon Cham ayin axca ti': Wajbaj oc masanil eb et conob yet watx' ok wak' yojtaknej el eb in k'anej, c'al cuyoncan eb, yet watx' ay welapnok yul sat eb yet iquis ec' eb bay sat tx'otx' ti', c'al cuyoncan eb is yuninal, ẍi Cham ayin.

Dt 4:40

Yuj tu' ikejek is ley c'al is chekbanil chi walcan el ayex yet jun c'ual ti', yet watx' watx'c'al ok yun e beytok ayex ti' yetokc'al eb e yinatil, cax ok najatilbok e k'inal bay sat tx'otx' tx'otx' max yak' Jehová ayex yin tojbalk'inal, ẍi cham Moisés bay conob Israel.

Dt 4:9

Yuj tu xin, ikejek cax c'ubajek yin e nabal, yet watx' c'am chi toj c'ayc'ulalil e yuj tzet max e yila', cax c'am che yiel juntzan ti' yin e nabal yet iquis ex ec' ti'. A ti' e yet tol ok e yal bay eb e yuninal c'al bay eb e yi e txiquin.

Dt 5:16

Ayokab yelapnok e mam c'al e txutx yul e sat, axca wal max yun walon ayex, yet watx' chi najatilbi e k'inal, c'al e yayji ec' yin watx'il bay sat tx'otx' tx'otx' ok wak' ayex tu'.

Dt 5:33

Beybalnejek beybalej max tx'oxcan Jehová co Diosal, yet watx' watx'c'al ok yun e beytok, cax ok najatilbok e k'inal bay sat tx'otx' tx'otx' ok yak' ayex tu'.

Dt 6:1

A ton wal juntzan ley c'al juntzan chekbanilej ti' max chek Jehová co Diosal wal ayex, tol ok e yak' k'anabaxok yet ok e yion tx'otx' tx'otx' k'axepal a' Jordán e satakok.

Dt 6:24

Yuj tu' xan max chek Jehová jikej juntzan chekbanilej ti' yin co naontek Cham, c'al jiquisbi ec' yuj, axca ton jayji tinani'.

Dt 6:7

A juntzan ti' ok e yak'c'al cuy eb e yuninal yin junjun c'u. Ayexc'al oc e yaloni yet ayex ec' bay e na, yet ipan e beyi, yet chex waycan ajok, c'al yet chex ajwanok.

Josué 4:24

Axca tu' chi yun yojtaknen el masanil anima ay bay yulyibank'inal ti', tol miman yayji oc is yipalil Jehová, yuj wal tu xin, ayokab yelapnok Jehová yul e sat yin tojbalk'inal, quex chi bay eb, ẍi cham Josué.

Is Babel Carta San Pedro 1:17

A Dios ok beyc'ulnej junjun anima, atac'ala' is beybal junjun. Man tx'ok tx'okok ok yun beyc'ulnelay junjun yuj. Yuj tu xin, tatol chi jaloc Cham co Mamok, xiwokonek bay yet ayon ec' bay yulyibank'inal ti'.