Dt 5:2 - A Txꞌan Biblia Yin Kꞌanjobal 1989

² A Jehová co Diosal max yak' jun is trato jetok bay tx'otx' witz Horeb.

Dt 5:2 Iomraidhean Croise

Yet Is Cab Libroal Yabixal Eb Rey 17:35

A yet max watx'nen Jehová jun is trato yetok eb max yaloni: Manchak ex oc ayilal bay juntzanokxa comon dios, tamwal e yak'on serbil yin e yak'on xajanbal bay juntzan tu'.

Ex 19:1

A wal tz'aknaj oxeb xajaw yel eb israel bay Egipto, max apni oc eb bay takin tx'otx' yet Sinaí.

Ex 24:8

Max lajwi tu xin, max yiontek cham chiq'uil no no' maxax yacan ay cham yul juntzan net tu', axa tiẍontok cham yiban eb anima tu'. Max yalon axca ti': —A chiq'uil no no' ti' chi aon oc yip is trato Jehová max watx'nej jetok, a ton wal ayoc yichbanilok juntzan k'anej ti', ẍi cham.

Ex 34:10

Max yalon Jehová bay cham Moisés: Taynej abej: A tinani', chin watx'nejcan jun in trato ti' bay satak masanil eb et conob. Ok in watx'nej tzet yetal puch c'ayubtak, tol c'amtoc'al bay chi uj bay junokxa nación bay sat tx'otx' tx'otx' ti'. Ok yil masanil eb et conob ibil oc oj tzet yetal ok wunej, yujtol yel c'ayubtakxac'al tzet ok wun e yuj.

Jeremías 11:4

a ton jun trato max in watx'nej yetok eb e yichmam, yet max wion eltek eb bay Egipto, a ton jun nación tu' tol lajan wal yayji bay eb axca wal junok horno bay chi tz'a ch'en hierro. Max wal bay eb: Ikejek ayin; watx'nejek masanil tzet yetal chi wala'. Ta caytu' che yunej, ayex ti' in conob ex, ayinxa e Diosal in, quin chi.

Jeremías 31:32

A jun trato tu', man lajanok yetok jun max in watx'nej yetok yichmam eb yet max wion eltek eb bay Egipto; axca tol ocnak in quetzan yin k'ab eb max wion eltek eb. Ayin wal caw Jehová in chi wala', tol a eb tu' maj yikej eb in trato max in watx'nej yetok eb, caxc'al axca tol wetbi max wut eb.

Jeremías 34:13

Ayin Jehová e Diosal in, max wak' jun in trato yetok eb e yichmam ayex ti', yet max wion eltek eb bay Egipto, bay chi ak'wi serbil eb axca wal mosejal. A yet tu' max wala',

Malaquías 4:4

Naektek cuybanilej max wak' bay in chekbej Moisés, yet ayic' bay jolom witz Horeb. A juntzan ley c'al chekbanilej tu', moj wal tol che yikej e masanil ayex israel ex ti'.

Dt 1:6

A Jehová, Cham co Diosal max k'anjab ayon bay Horeb, max yalon axca ti': Mimanxa tiempo ayex ec' bay jun tzalan ti'.

Dt 29:1

A juntzan k'anej tz'ibbilcan ti': a ton trato max yal Jehová bay cham Moisés, tol chi watx'ji yetok conob Israel bay yul is makbej Moab, is tz'akil trato max watx'nej Cham yetok eb bay witz Horeb.

Dt 4:13

Yet max yaloncan el is trato jetok, max yala' tol chi jikej lajoneb mandamiento max tz'ibej oc yin cab jenan ch'en.

Dt 4:23

Ikejek xin, manchak toj c'ayc'ulal e yuj is trato Jehová co Diosal max yak'can e yetok. C'amokab wal junok yechelej tol chi al-lay oc diosal che watx'nej, yujtol ay yowalil yuj Cham.

Dt 5:1

Lajwi tu' max wajban oc cham Moisés masanil eb yet israelal, max yalon bay eb: Abek wal tinani' xin ex wet conob, tol ok walcan juntzan ley, c'al chekbanilej ayex, tol chi cam wal e cuyoni, cax che beybalneni.