Dt 5:1 - A Txꞌan Biblia Yin Kꞌanjobal 1989

¹ Lajwi tu' max wajban oc cham Moisés masanil eb yet israelal, max yalon bay eb: Abek wal tinani' xin ex wet conob, tol ok walcan juntzan ley, c'al chekbanilej ayex, tol chi cam wal e cuyoni, cax che beybalneni.

Dt 5:1 Iomraidhean Croise

Salmos 78:7

Yet watx' a Dios chi yaoc eb yipok c'ul, cax c'am chi tojcan c'ayc'ulal is yunben Cham yuj eb, yet watx' yikem eb bay is chekbanil Cham.

Ex 15:26

Max yalon Jehová: Ta che yikej tzet chi wal ayin Jehová in ti', cax che yunen bay tzet chi yal in chekbanil ti', c'al masanil in ley, catatu' man ok watek ilya' e yiban axca juntzan max waoc yiban eb aj Egipto, yujtol ayin Jehová in, chex wantej, ẍi Cham.

Ex 18:20

Watx' tol cha cuy eb yin ley Jehová, cax chaloni tzet chi yun beytok eb, c'al tzet chi yun eb.

Mt 23:3

Yuj tu xin, ikejek tzanc'al tzet chi yal eb, cax che beybalneni. Palta a beybal eb xin, man e beybalnej, yujtol a tzet chi yal eb, tok chi beybalnej eb.

Dt 1:1

A ton juntzan k'anej ti' max yal cham Moisés bay masanil eb conob Israel bay k'axepal ec'tok a' Jordán bay tz'inan tx'otx', bay Arabá satak a' Cakyin Mar, bay nan xol Parán yetok Tofel, Labán, Hazerot, c'al Dizahab.

Dt 11:1

Camc'ulnejek Jehová co Diosal, ikejek masanil tiempo tzet chi chek e yunej, is cuybanil c'al is chekbanil c'al is ley.

Dt 12:1

A ton wal juntzan chekbanilej c'al cuybanilej ti' yowalil tol ok e beybalnej yet ayex ec' bay tx'otx' tx'otx' ok yak' Jehová co Diosal e sataknej, a ton c'apax is Diosal eb jichmam jetok.

Dt 17:19

Yowalil tol ibilc'al oc copiail jun cuybanilej tu' yuj cham, cax chi cuyonc'al yin junjun c'u, yet watx' ay yelapnok Jehová co Diosal yul sat, yetok c'apaxok tol ayokab yelapnok yul sat beybalnen juntzan chekbanilej ti'.

Dt 28:15

Palta ta man ok e yikej masanil is chekbanil, c'al ley Jehová co Diosal, lanan walon ayex ti' tinani', tol ok jay wal oc juntzan catab ti' e yiban:

Dt 29:10

A wal tinani', ti wal wajan ex ec' satak Jehová co Diosal. Masanil eb yajaw yin e tribual, eb yicham winakil conob, yetok eb ay yopiso, yetok masanil eb jet israelal:

Dt 29:2

Max wajbaj oc cham Moisés masanil eb yet conob, max yalon axca ti': Ayex ti', max cam wal e yilon tzet max yun Jehová yetok cham reyal Egipto, yetokc'al eb ayoc yin yajawilal yetok, c'al yetok masanil eb bay yul nación tu'.

Dt 4:1

A tinani' xin ex wet conob Israel, abek chekbanilej c'al ley tol ok wal ayex, yet watx' ok e yikej c'al e beybalneni, yet ok ex octok cajan bay tx'otx' tx'otx' ok yak' Jehová is Diosal eb jichmam jetok ayex.

Dt 4:49

c'al masanil yul yet Arabá, bay is k'axepal a' Jordán, masantac'al bay a' Mar Muerto bay yich witzal Pisga.

Dt 4:5

Caw wal chi cam e yaben canok tol a is ley c'al chekbanilej yet Jehová co Diosal, chi walcan el ayex, yet watx' ok e beybalnej bay sat tx'otx' tx'otx', yet ok e chaon tx'otx' e satakok.

Dt 5:2

A Jehová co Diosal max yak' jun is trato jetok bay tx'otx' witz Horeb.

Dt 6:17

Ikejek wal is ley c'al is chekbanil Cham, a ton wal jantak is chekbanil max yala'.

Josué 1:8

C'amc'al cha bek awten tx'an yunal ley ti', cha naobtanejc'al, yet c'ualil c'al yet ak'balil, yet ok je' eken masanil tzet chi yala'. Ta ok ekejc'al, a masanil tzet ok onej, watx'c'al ok yun yelocok.