Dt 4:9 - A Txꞌan Biblia Yin Kꞌanjobal 1989

⁹ Yuj tu xin, ikejek cax c'ubajek yin e nabal, yet watx' c'am chi toj c'ayc'ulalil e yuj tzet max e yila', cax c'am che yiel juntzan ti' yin e nabal yet iquis ex ec' ti'. A ti' e yet tol ok e yal bay eb e yuninal c'al bay eb e yi e txiquin.

Dt 4:9 Iomraidhean Croise

Gn 18:19

Ayin max in siq'uilok yet watx' chi yal masanil in chekbanil bay masanil is yuninal c'al is yinatil, yet watx' chi yikej eb, c'al beybalnen eb masanil tzet yetal watx', c'al tojolal, yet watx' chi wak' c'apax yun bay tzet max wak' in ti' bay, ẍi Cham.

Salmos 119:11

Max cam wal in cuyon a k'anej, yet watx' c'am chi oc in mul ayach.

Salmos 71:18

Ach in Diosal, manchak in a bekcanok, mawal yet icham inxa yet sakxa xil in jolom. Oktoc'al je' wuj walon el yabixal a miman ipejal bay eb ok aljokc'al yet bak'in.

Ex 10:2

yet watx' chi je' e yalon bay eb e yuninal c'al bay eb e yi e txiquin masanil tzet yetal max yun wetnen eb bay Egipto ti', c'al juntzan tol c'ayubtak max wun xol eb anima. Axca wal tu' chi yun e yojtaknen elok, tol ayin ton Jehová in.

Ex 23:13

Ikejek masanil tzet max wal ayex ti'; c'am chex tewi, tamwal e yalon e ba bay junok tzet yetal chi al-lay oc diosal, tamwal che yak' binajok.

Pr 1:8

Ach in c'ajol, cha ab a cuybanil chi wala', cax manchak entaknej el a cuybanil chi yak' a txutx.

Pr 23:26

Ach in c'ajol, taynej ab tzet ok wala', chi cam wal elon in beybal;

Pr 3:21

Ach in c'ajol, manchak a bek c'ayil a jelanil c'al aj nabalil; manchak eil a sat yin.

Pr 7:1

Ach in c'ajol, cha wal ab in k'anej ti'; a juntzan in chekbanil ti', tol cha c'ubaj wal yin a nabal.

Is 38:19

Asan mactxel iquis chi je' yalon watx' k'anej ayach, axca wal chi yun walon ayach ti' tinani'. A eb mamej txutxej, chi yal eb bay yuninal tol a tzet chala', a ton chonej.

Is 42:20

Ex israel, caw ayc'al tzet che yila', palta c'am che camc'ulnej e yiloni; chi je' e yabeni, palta c'am che cha e yabej, ẍi Jehová.

Jeremías 17:21

A yet c'ual xewilal, manchak e yi' e yikatz, tamwal e yion octek bay puertail Jerusalén ti', talaj chi jay yailal e yiban yuj.

Lc 8:18

Yuj tu xin, chi cam wal e yaben tzet chi wala'. Yujtol a mac chi yochej chi nachaj el yuj, yelxac'al ok ak'lay nachaj el yuj. Axa eb c'am chi yochej chi nachaj el juntzan ti' yuj xin, a jabok tzet ijan chi nachaj el yuj eb, ok ilayxac'al ec' bay eb, ẍi Jesús.

Ef 6:4

Axa ayex ti' ex mamej, c'al ex txutxej, man comonok che tx'em caktzajtek yowal e yuninal. A ti' e yet, ilek ch'ib eb, ak'ek cuenta eb, che cuy eb yin is cuybej Cham Jajawil.

Dt 11:19

A juntzan ti' ok e yak' cuy eb e yuninal yin junjun c'u. Ayexc'al oc e yalon bay eb, yet ayex ec' bay e yatut, c'al bay yulak be yet chex ec'jabi, c'al yet chex waycan ajok, c'al yet chex aj wanok.

Dt 12:1

A ton wal juntzan chekbanilej c'al cuybanilej ti' yowalil tol ok e beybalnej yet ayex ec' bay tx'otx' tx'otx' ok yak' Jehová co Diosal e sataknej, a ton c'apax is Diosal eb jichmam jetok.

Dt 16:3

A no no' ok e yak' yin xajanbalil tu', ok e chi' no' yetok ixim pan c'am yich, a ton ixim chi tx'oxontek yuj yailal, yujtol yinxac'al aymanil max yun e yel bay Egipto. A yuj tu xin, masanil tiempo ok e nac'altek jun c'ual yet max on el bay Egipto tu'.

Dt 17:19

Yowalil tol ibilc'al oc copiail jun cuybanilej tu' yuj cham, cax chi cuyonc'al yin junjun c'u, yet watx' ay yelapnok Jehová co Diosal yul sat, yetok c'apaxok tol ayokab yelapnok yul sat beybalnen juntzan chekbanilej ti'.

Dt 29:29

Ay wal tzet yetal man jojtakok. A juntzan tu', yet Jehová co Diosal yayji ocok. Palta ay tzet yetal ak'bil jojtaknej elok, c'al yojtaknen el eb juninal yin tojbalk'inal, yet watx' chi jikej masanil juntzan ti', a ton masanil juntzan chekbanilej ti', c'al ley.

Dt 31:19

A tinani' xin, tz'ibej jun bit ok wal ayach, cax ok a cuyon eb et conob Israel ti' yin, cax ok bitnen eb, yet chi oc yin testigoal wuj yin eb.

Dt 32:46

Naek wal yin masanil tzet max wal ayex ti', cax aek oc yin e c'ul, ikbajek eb e yuninal yet watx' yelc'ulal chi yikej eb jun ley ti'.

Dt 4:10

Naektek yet jun c'ual yet ayon ec' satak Jehová co Diosal bay witz Horeb, yet max yalon Cham ayin axca ti': Wajbaj oc masanil eb et conob yet watx' ok wak' yojtaknej el eb in k'anej, c'al cuyoncan eb, yet watx' ay welapnok yul sat eb yet iquis ec' eb bay sat tx'otx' ti', c'al cuyoncan eb is yuninal, ẍi Cham ayin.

Dt 4:15

A yet max tx'oxon ba Jehová ayon bay tzalan Horeb, yet max k'anjab co nan co xol, a yet jun c'ual tu', c'am junok tzet yetal max e yil bay xol k'ak'ej tu'.

Dt 4:23

Ikejek xin, manchak toj c'ayc'ulal e yuj is trato Jehová co Diosal max yak'can e yetok. C'amokab wal junok yechelej tol chi al-lay oc diosal che watx'nej, yujtol ay yowalil yuj Cham.

Dt 6:12

A yet ok yunen masanil juntzan tu', tojta wal Jehová c'ayc'ulal e yuj. Naektek tol a Cham max ex ion eltek bay Egipto, bay ayex oc yin mosejal.

Dt 6:2

Ikejek masanil is chekbanil, chi wal ayex ti' c'al bay eb e yuninal c'al bay eb e yi e txiquin, yet watx' ayc'al yelapnok Jehová co Diosal yul e sat yet ayex ec' bay yulyibank'inal ti'. Axca tu' xiwil abilal ok e yil bay sat tx'otx' ti'.

Dt 6:20

A yet yajtok tu' ok k'anlej eb e yuninal ayex: ¿Tzet yuj xan chi jikej juntzan ley c'al chekbanilej max yal Jehová co Diosal? ta ẍi eb.

Dt 6:7

A juntzan ti' ok e yak'c'al cuy eb e yuninal yin junjun c'u. Ayexc'al oc e yaloni yet ayex ec' bay e na, yet ipan e beyi, yet chex waycan ajok, c'al yet chex ajwanok.

Dt 8:11

C'amokab chi toj Jehová co Diosal c'ayc'ulal e yuj. Yowalil che yikej is chekbanil c'al is ley, c'al is cuybanil chi walcan el ayex ti' tinani'.

Dt 8:14

axa talaj chi yunajok chi aj can maynejbail yin e nabal cax chi tojcan Jehová co Diosal c'ayc'ulal e yuj, Cham max on ion eltek bay Egipto bay ayon oc yin mosejal.

Hebreos 2:1

Yuj tu', yowalil chi jaoc co nabal yin juntzan cuybej abbilxa juj. Ta c'amak, ay is may jab jabil ok on c'aycantok.

Hebreos 2:3

Ta max alay oc yailal eb tu', ¿tzet wal ok jut co colon co ba ayon ti', ta chi jiel co nabal yin co colbanil caw miman yelapnok ti'? A wal Cham Jajawil babel alnej yabixal co colbanil ti'. Axa eb max abeni, tx'oxnak el eb, tol yel jun abix ti', cax max yalon eb ayon.

Santiago 2:22

Co naek xin, tol max yaoc Abraham is c'ul yin Dios, yuj tu' xan max je' yiken tzet max ak'lay yunej. Ato wal yet max yun cham jun tu', max txeclojcan el sic'libil tol ay ton wal oc Dios yin c'ul.

Josué 1:18

Ta ay mac ok tenon tzet chala' cax man ok yikej, a eb tu' tojolc'al cam eb. Asan wal chi jochej tol cha tec'baj a ba cax tx'ijan chot a ba.

Josué 23:11

Asan tol che taynej e ba ayex ti', che camc'ulnen wal Jehová co Diosal.

Josué 4:21

Max yalon cham Josué bay eb yet conob: Ta ay bak'in ok k'anlej eb e yuninal ayex: ¿Tzet yelapnok juntzan ch'en ch'en ti'? ta ẍi eb,

Ap 3:3

Yuj tu', naektek juntzan cuybanilej max e yaoc yin e c'ul yet yalan. Naek e ba, aek oc e nabal yin junelxa. Ta c'am chex makwaji, ok in jay ayex. Axca chi yun jay junok elk'om, tol c'am mac ojtakneni janic' chi jayi, axca tu' ok yun in jay ayex.

Eb Juez 3:7

Caw wal yob tzet max yun eb israel satak Jehová is Diosal eb, yujtol max tojcan Cham c'ayc'ulal yuj eb, axac'al bay yechel Baal, c'al bay yechel Astarté max oc eb ayilal.

Eb Juez 8:34

Max tojcan Jehová is Diosal eb c'ayc'ulal yuj, caxc'al a' max colon eb bay eb ajc'ul oyan oc yinlak eb.