Dt 4:5 - A Txꞌan Biblia Yin Kꞌanjobal 1989

⁵ Caw wal chi cam e yaben canok tol a is ley c'al chekbanilej yet Jehová co Diosal, chi walcan el ayex, yet watx' ok e beybalnej bay sat tx'otx' tx'otx', yet ok e chaon tx'otx' e satakok.

Dt 4:5 Iomraidhean Croise

Salmos 71:17

Ach in Diosal, yintax uninal max in a cuyoni. Ipantoc'al walon el a mimek unben tinani'.

Ex 18:20

Watx' tol cha cuy eb yin ley Jehová, cax chaloni tzet chi yun beytok eb, c'al tzet chi yun eb.

Jeremías 11:6

Yuj tu' xan max yal Jehová ayin axca ti': Al jun k'anej ti' bay conoblak yul yet Judá, c'al bay yulak calleal Jerusalén. Al bay eb anima: Abek wal tzet chi yal jun trato ti', cax che yikeni, cachi.

Ez 20:11

A bay tu' max wak' yojtaknej el eb in ley c'al in chekbanil, tol a yuj chi beybalnej eb in ley tu', xan chi yi eb is k'inal.

Lv 19:19

Ikejek juntzan in chekbanil ti'. Manchak e cha ak'lay sakchok e jobbejal no' yuj junokxa no no' tol tx'ok yeli. Manchak e som e yinat che yaw bay e tx'otx'. Manchak e yaoc an pichilej tol soman is tx'alil yetok junokxa makan tx'al.

Lv 26:46

A bay jolom witz Sinaí max yak' Jehová juntzan ley yetok chekbanilej, c'al cuybanilej ti' bay cham Moisés tol yet conob Israel yayji.

Lv 27:34

A bay jolom witz Sinaí max yak' Jehová juntzan chekbanilej ti' bay cham Moisés, tol yet conob Israel yayji ocok.

Lv 7:38

A juntzan ley ti' max yak' Jehová bay Moisés bay jolom witz Sinaí, a ton wal yet jun c'ual tu' max al-layi, tol ok yak' eb israel xajanbal bay Cham.

Mt 28:20

Che cuycan eb, yet watx' masanil tzet max walcan ayex, ok yikej eb. Ojtaknejek el sic'libil, tol ayinc'al ec' e yetok masantac'al ok jay lajubal, ẍi Jesús bay eb.

Tzetak Yetal Max El Yunen Eb Chekbej Jesús 20:27

Yujtol pilan albil cuybej Dios ayex wuj. C'am junok tzet max in c'ubaj el ayex.

1 Co 11:28

Yuj tu xin, a yet c'amto chi co lo' ixim pan tu', c'al yet c'amto chi juc'balnej jun vaso tu', yowalil chi co beyc'ulnej co ba junjun on yul jet.

1 Co 15:3

A juntzan cuybanilej chabil wuj, a max babji walon ayex. Tol a Cristo max cam yuj co mul, axca tz'ibelaycan yul tx'an Un Tz'ibbilcanok.

Dt 11:32

yowalil tol ok e yikej masanil chekbanilej chi walcan ayex tinani'.

Dt 4:1

A tinani' xin ex wet conob Israel, abek chekbanilej c'al ley tol ok wal ayex, yet watx' ok e yikej c'al e beybalneni, yet ok ex octok cajan bay tx'otx' tx'otx' ok yak' Jehová is Diosal eb jichmam jetok ayex.

Dt 4:2

Man ok e yaoc tz'akil juntzan k'anej ok wal ayex ti', tamwal tol ok e yielok, palta tol ok e yikej is chekbanil Jehová co Diosal axca wal chi yun walon ayex ti'.

Dt 4:4

A pax ayex tol max exocc'al tzakan yintak Cham, ilab tol iquis ex toc'al ec' tinani'.

Dt 4:40

Yuj tu' ikejek is ley c'al is chekbanil chi walcan el ayex yet jun c'ual ti', yet watx' watx'c'al ok yun e beytok ayex ti' yetokc'al eb e yinatil, cax ok najatilbok e k'inal bay sat tx'otx' tx'otx' max yak' Jehová ayex yin tojbalk'inal, ẍi cham Moisés bay conob Israel.

Dt 5:1

Lajwi tu' max wajban oc cham Moisés masanil eb yet israelal, max yalon bay eb: Abek wal tinani' xin ex wet conob, tol ok walcan juntzan ley, c'al chekbanilej ayex, tol chi cam wal e cuyoni, cax che beybalneni.

Dt 6:1

A ton wal juntzan ley c'al juntzan chekbanilej ti' max chek Jehová co Diosal wal ayex, tol ok e yak' k'anabaxok yet ok e yion tx'otx' tx'otx' k'axepal a' Jordán e satakok.

Dt 7:11

Yuj tu xin, chi cam wal e yiken masanil chekbanilej c'al cuybanilej chi walcan el ayex ti' tinani'.

Dt 8:11

C'amokab chi toj Jehová co Diosal c'ayc'ulal e yuj. Yowalil che yikej is chekbanil c'al is ley, c'al is cuybanil chi walcan el ayex ti' tinani'.

Hebreos 3:5

A Moisés tu', yikemc'al yutnak ba yin yak'wi serbil nan xol eb yuninal Dios yetok. Ayokto max yak'oncan ba testigoal yin juntzan tzet tolto t'inan yalon Dios.