Dt 4:4 - A Txꞌan Biblia Yin Kꞌanjobal 1989

⁴ A pax ayex tol max exocc'al tzakan yintak Cham, ilab tol iquis ex toc'al ec' tinani'.

Dt 4:4 Iomraidhean Croise

Salmos 63:8

Max in k'ay en sic'libil. C'am chin beklay el yuj a watx' k'ab.

Is 26:20

Ex wet conob, ocanektok yul e na, cax che makchencan eltek e puerta e yintak. C'ubajek el e ba janic'ok, masantac'al ok yal yec'tok yowal c'ul Jehová.

Ez 9:4

Max wab yalon Cham bay axca ti': Ec'an bay masanil yul conobal Jerusalén, cax chaon oc yechel yin is nan sat masanil mac chi ok' yuj yobtakil tol yajbejtak chi yun eb conob, ẍi Cham bay.

Tzetak Yetal Max El Yunen Eb Chekbej Jesús 11:23

A yet max apniocok, max yiloni, xiwil watx'c'ulal Dios max yak' yiban eb tu'. Yuj tu', caw wal max yi' is tzalojc'ulal yin eb, max c'oli yiptzelay eb masanil yuj. Max yalon bay eb, tol caw wal tec'anc'al chi yut ba eb, cax chi yaonc'al oc eb c'ul yin Cham Jajawil.

Ro 12:9

Co camc'ulnelej co ba yetok acaw camc'ulal. Tzanc'al tzet man watx'ok, co yajcan elok. Axa yin tzetak yetal watx' chi jaoc co nabal.

Dt 10:20

Asanokab Jehová co Dios miman yelapnok yul co sat. Asan bay Cham chon oc ayilal, cax yikemc'al chi jut co ba bay. Ta ay bay chi jak' co ti' yin junok tzet yetal asannejokab yin bi Cham chi jak'a'.

Dt 13:4

Tzaklojanek yintak Cham cax ayokab yelapnok yul e sat. Ikejek is chekbanil. Abek tzet chi yala', ocanek yin ayilal bay, cax junejokabc'al e yayji yetok Cham.

Dt 30:20

Camc'ulnejek Jehová co Diosal. Yikemc'al che yut e ba bay, yujtol a yuj e yikemal tu', ok e yi' e cawil. Yuj tu' xan ok ex ayjok ec' yin mimantak tiempoal bay sat tx'otx' tx'otx' max yak' Cham is ti' yak'on bay eb jichmam, a ton bay Abraham, bay Isaac, c'al bay Jacob, ẍi cham Moisés.

Dt 4:3

Max e yil wal tzet max yun Cham yetok eb max oc yin ayilal bay Baal bay Peor; e satak wali max c'aylay el eb yuj Cham.

Dt 4:5

Caw wal chi cam e yaben canok tol a is ley c'al chekbanilej yet Jehová co Diosal, chi walcan el ayex, yet watx' ok e beybalnej bay sat tx'otx' tx'otx', yet ok e chaon tx'otx' e satakok.

Josué 22:5

Asan wal jun tzet chin k'an ayex, tol wal che yikej masanil chekbanilej max yak'can cham Moisés is chekbej Jehová. Chi yal elapnok jun tu' tol wal che camc'ulnej co Diosal, chex tzaklojc'al yintak, c'al e yiken masanil is chekbanil, tzakan exc'al yintak yin e yak'on serbil yin masanil e c'ul, c'al yetok masanil e yanimail, ẍi cham bay eb.

Josué 23:8

Palta tol tzaklojanekc'al yintak Jehová co Diosal, axcac'al max yun co beytek ti'.

Ap 14:4

A eb tu', c'am junelok max say eb yix. C'am bay max el yunen eb jun yobtakil tu'. Tzakanc'al eb yintak jun chi yik Calnel tu' bayc'al chi ca toji. Max colchaj el eb xol anima. Yuj tu', lajan eb axca junok babel sat awoj chi ak'lay bay Dios, c'al bay jun chi yik Calnel tu'.

Ap 20:4

Axa max wiloni, ay juntzan tronolak. Chotan ay juntzan eb ak'bil yikbej beyc'ulnewi. Max wilon c'apax is pixan juntzan eb xikbil el jolom, yujc'al tol yak'nak ba eb testigoal yin Jesús, cax yalnak el eb k'anej Dios. A eb tu', maj yiay ba eb bay jun chi yik No' tu', c'al bay yechel. Maj chaoc eb yechel yin is nan sat, ma yin is k'ab. Axa max wiloni, max ictzoj aj eb, max yak'on eb yajawilal yetok Cristo yin mil abil.