Dt 4:2 - A Txꞌan Biblia Yin Kꞌanjobal 1989

² Man ok e yaoc tz'akil juntzan k'anej ok wal ayex ti', tamwal tol ok e yielok, palta tol ok e yikej is chekbanil Jehová co Diosal axca wal chi yun walon ayex ti'.

Dt 4:2 Iomraidhean Croise

Salmos 78:7

Yet watx' a Dios chi yaoc eb yipok c'ul, cax c'am chi tojcan c'ayc'ulal is yunben Cham yuj eb, yet watx' yikem eb bay is chekbanil Cham.

Pr 30:6

Manchak aoc tz'akil tzet yetal max yal Cham, axa talaj chi yunajok, chach tzulay yuj, cax yinxa lek'tial chi yun a cani.

Ec 12:13

Caytu' chi yun lajwi jun k'anej ti'. Mayal al-lay masanil. Ayokab yelapnok Dios yul co sat, jikejokab is chekbanil, yujtol a jun ti' yowalil chi junej.

Jeremías 26:2

Max yaloni: A tu' chach oc waan bay yamak'il templo, cax chalon masanil tzet max wal ayach bay eb anima petoj bay Judá, chi ul yiay ba eb yin ayilal bay templo tu'. C'am junok k'anej tol c'am chala',

Mt 5:18

Wal yel chi wal ayex, tol yowalil ok yun masanil tzet tz'ibbilcan yul tx'an ley tu'. Yet aytoc'al ec' yulyibank'inal ti', c'al satcan, tamwal jabok tzet yul tx'an Un Tz'ibbilcan tu' tol man ok yunej. Tamwal junok letra, tamwal junok punto, tol ok ec' tzet chi yala', masantac'al ok yun masanil tzet tz'ibbilcan tu'.

Mt 5:43

Ay bay max jab tzet albilcan yet payxa, tol chi yal axca ti': A eb watx' e yak'on yetok, camc'ulnejek eb. Axa eb yob e yak'on yetok xin, chichonokab oc e c'ul yin eb, ẍi.

Gl 3:15

Ex wuẍtak ex wanab, chi wochej ok wak' binaj co beybal ayon anima on ti'. A yet chi co watx'nen junok co trato yetok junok jet animail, chi co watx'nejcan yunal, cax chi jaoncan ay co k'ab yin jun un tu'. Yuj tu', c'am junok mactxel chi je' yetnentok, cax c'am c'apax mac chi je' yaon oc tz'ak.

Dt 1:3

A yet ayxa oc yin 40 abil yel eb conob Israel bay Egipto, yet babel c'ual yet 11 xajaw, a yet tu' max yalon cham Moisés bay conob Israel masanil tzet max yal Jehová yin eb.

Dt 12:32

Ikejek e beybalnen masanil tzet chi walcan ayex ti'. C'am che yiel janic'ok, tamwal e yaon oc tz'akil juntzan chekbanilej ti'.

Dt 13:1

Ta ay junok mactxel chi aj wan e xol tol chekbej Dios yaloni, cax chi c'oli yaloni tol ay ilwal chi yila', ma chi tx'oxon el e xol tzet yetal tol c'ayubtakxac'al yoqui, ma chi yalon yin ayoktoc'al yuj junok tzet yetal ok ujok,

Dt 33:4

A jun ley max wak'a', axca tol is beyomal conob Jacob yayji ocok.

Dt 4:14

Max yalon c'apax Jehová ayin tol chex in cuy yin is chekbanil c'al yin is ley tu', yet watx' che yikej e beybalnen bay sat tx'otx' tx'otx' ok e sataknej, k'axepal ec'tok a' Jordán tu'.

Dt 4:40

Yuj tu' ikejek is ley c'al is chekbanil chi walcan el ayex yet jun c'ual ti', yet watx' watx'c'al ok yun e beytok ayex ti' yetokc'al eb e yinatil, cax ok najatilbok e k'inal bay sat tx'otx' tx'otx' max yak' Jehová ayex yin tojbalk'inal, ẍi cham Moisés bay conob Israel.

Dt 4:5

Caw wal chi cam e yaben canok tol a is ley c'al chekbanilej yet Jehová co Diosal, chi walcan el ayex, yet watx' ok e beybalnej bay sat tx'otx' tx'otx', yet ok e chaon tx'otx' e satakok.

Dt 5:29

Matawal cac'al ti' is nabal eb, ayc'al welapnok yul sat eb, cax chi yikenc'al eb in chekbanil yet watx', watx'c'al ok yun beytok eb, c'al yuninal eb yin tojbalk'inal.

Dt 5:32

Yuj tu' xan beybalnejek masanil is chekbanil Jehová co Diosal. C'amokab wal janic'ok chex el q'uexnaj yin.

Josué 1:7

Asannej tol chi wal ayach, tol cha tec'baj a ba, tx'ijan chot a ba, cax chekenc'al masanil ley max yalcan in chekbej Moisés ayach. Watx'c'al chi yun eken masanil, xan watx'c'al ok ach elocok.