Dt 4:10 - A Txꞌan Biblia Yin Kꞌanjobal 1989

¹⁰ Naektek yet jun c'ual yet ayon ec' satak Jehová co Diosal bay witz Horeb, yet max yalon Cham ayin axca ti': Wajbaj oc masanil eb et conob yet watx' ok wak' yojtaknej el eb in k'anej, c'al cuyoncan eb, yet watx' ay welapnok yul sat eb yet iquis ec' eb bay sat tx'otx' ti', c'al cuyoncan eb is yuninal, ẍi Cham ayin.

Dt 4:10 Iomraidhean Croise

Gn 18:19

Ayin max in siq'uilok yet watx' chi yal masanil in chekbanil bay masanil is yuninal c'al is yinatil, yet watx' chi yikej eb, c'al beybalnen eb masanil tzet yetal watx', c'al tojolal, yet watx' chi wak' c'apax yun bay tzet max wak' in ti' bay, ẍi Cham.

Salmos 145:4

A eb mamej, ok yal eb yabixal miman onben bay is yuninal eb; axa eb uninalej ok yal eb bay yitxiquin.

Ex 19:1

A wal tz'aknaj oxeb xajaw yel eb israel bay Egipto, max apni oc eb bay takin tx'otx' yet Sinaí.

Ex 19:11

Axa yet cabej tu' ok in ayolok, cax ok in tx'oxon in ba bay masanil conob bay jolom witz Sinaí.

Ex 19:16

Axa yet max sakbi el yet cabjial xin, ay rayo c'al mak'waj c'u, cax ay jun miman k'ek asun bay jolom witz tu'. Lajwi tu xin, cax max yaben eb anima yok' jun ch'en trompeta bay jolom witz yin ipejal. Masanil eb anima ayic' bay yul campamento tu' max xiwaj eb.

Ex 19:9

Max yalon Jehová bay Moisés: —A tinani', ok in tx'ox in ba ayach xol jun miman k'ek asun, cax ok in k'anjab ayach, yet watx' ok yab eb anima tol ok in k'anjab etok. Axca tu' ok yun yaon oc eb is c'ul en yet ok beyc'altok ti', ẍi Jehová. Max yalon cham Moisés tzet max yut yalon eb conob tu'.

Ex 20:18

Masanil eb israel, max yab wal eb mak'waj c'u, c'al yilon eb yec' joplabok rayo, c'al yaben eb xulay ch'en trompeta yin ipejal, cax max yilon wal eb yaj is mubal witz Sinaí, max bilaj eb yuj xiwilal, cax max jitzon el ba eb.

Ex 20:20

Max tak'wi cham Moisés: —C'am chex xiwi, toc'al chi ulic' Cham yet chex yak' porobal, yet watx' ayc'al e xiwc'ulal bay, cax c'amc'al chi oc e mul, ẍi Moisés.

Ec 12:13

Caytu' chi yun lajwi jun k'anej ti'. Mayal al-lay masanil. Ayokab yelapnok Dios yul co sat, jikejokab is chekbanil, yujtol a jun ti' yowalil chi junej.

Is 38:19

Asan mactxel iquis chi je' yalon watx' k'anej ayach, axca wal chi yun walon ayach ti' tinani'. A eb mamej txutxej, chi yal eb bay yuninal tol a tzet chala', a ton chonej.

Lc 1:50

Masanil tiempo chi ok' is c'ul yin masanil mac chi xiw bay.

Dt 11:19

A juntzan ti' ok e yak' cuy eb e yuninal yin junjun c'u. Ayexc'al oc e yalon bay eb, yet ayex ec' bay e yatut, c'al bay yulak be yet chex ec'jabi, c'al yet chex waycan ajok, c'al yet chex aj wanok.

Dt 12:1

A ton wal juntzan chekbanilej c'al cuybanilej ti' yowalil tol ok e beybalnej yet ayex ec' bay tx'otx' tx'otx' ok yak' Jehová co Diosal e sataknej, a ton c'apax is Diosal eb jichmam jetok.

Dt 14:23

A ton diezmo che yiel yin e trigo, yin e vino, c'al yin e yaceite, yetok c'apax yin babel yune' e wacax, c'al yin babel yune' e calnel. A no' tu' che chi' ayex ti' bay satak Jehová co Diosal, a ton bay jun lugar, tol a Cham ok sic'on el yet chi oc ayilal bay, yet watx' miman yelapnok Cham yul e sat.

Dt 17:19

Yowalil tol ibilc'al oc copiail jun cuybanilej tu' yuj cham, cax chi cuyonc'al yin junjun c'u, yet watx' ay yelapnok Jehová co Diosal yul sat, yetok c'apaxok tol ayokab yelapnok yul sat beybalnen juntzan chekbanilej ti'.

Dt 4:9

Yuj tu xin, ikejek cax c'ubajek yin e nabal, yet watx' c'am chi toj c'ayc'ulalil e yuj tzet max e yila', cax c'am che yiel juntzan ti' yin e nabal yet iquis ex ec' ti'. A ti' e yet tol ok e yal bay eb e yuninal c'al bay eb e yi e txiquin.

Dt 5:2

A Jehová co Diosal max yak' jun is trato jetok bay tx'otx' witz Horeb.

Dt 5:29

Matawal cac'al ti' is nabal eb, ayc'al welapnok yul sat eb, cax chi yikenc'al eb in chekbanil yet watx', watx'c'al ok yun beytok eb, c'al yuninal eb yin tojbalk'inal.

Dt 6:2

Ikejek masanil is chekbanil, chi wal ayex ti' c'al bay eb e yuninal c'al bay eb e yi e txiquin, yet watx' ayc'al yelapnok Jehová co Diosal yul e sat yet ayex ec' bay yulyibank'inal ti'. Axca tu' xiwil abilal ok e yil bay sat tx'otx' ti'.

Dt 6:7

A juntzan ti' ok e yak'c'al cuy eb e yuninal yin junjun c'u. Ayexc'al oc e yaloni yet ayex ec' bay e na, yet ipan e beyi, yet chex waycan ajok, c'al yet chex ajwanok.

Hebreos 12:25

Yuj tu' jilekc'al co ba, yet watx' manchak jintaknejek el Cham chi k'anjab ayon tu'. A eb max intaknen el Dios yet payxa, yet max tenchelay eb yuj bay yulyibank'inal ti', majxa uj yel eb bay yailal. Akxam wal ayon ti', majc'alta' uj jel bay yailal, ta chi jintaknej el Cham chi k'anjab aytek satcan ayon.

Ap 19:5

Max waben yoc jun k'anej chi eltek bay is despacho Dios tol max yal axca ti': ¡Alek watx' k'anej bay co Diosal e masanil ex che yak' serbil, a ton ex chex xiw bay, caxc'al yaynakil ex, ma miman e yelapnok! ẍi.

Babel Libroal Cham Samuel 12:24

Ayex ti' asan tol che yikej c'al e yoc yin ayilal bay Cham yetok masanil e c'ul, cax che yojtaknen elok, tol xiwil tzet yetal watx' max yun Cham e yin.