Dt 4:1 - A Txꞌan Biblia Yin Kꞌanjobal 1989

¹ A tinani' xin ex wet conob Israel, abek chekbanilej c'al ley tol ok wal ayex, yet watx' ok e yikej c'al e beybalneni, yet ok ex octok cajan bay tx'otx' tx'otx' ok yak' Jehová is Diosal eb jichmam jetok ayex.

Dt 4:1 Iomraidhean Croise

Salmos 105:45

Cay wal tu' max yun Cham, yet watx' ikem eb bay is leyal, c'al bay is cuybej. ¡Al-layokab watx' k'anej bay Jehová!

Salmos 119:4

Mamin Jehová, ach max ala', tol chi ikelay a chekbanil, cax tol yowalil chi yuncan elok.

Ex 18:20

Watx' tol cha cuy eb yin ley Jehová, cax chaloni tzet chi yun beytok eb, c'al tzet chi yun eb.

Jeremías 11:6

Yuj tu' xan max yal Jehová ayin axca ti': Al jun k'anej ti' bay conoblak yul yet Judá, c'al bay yulak calleal Jerusalén. Al bay eb anima: Abek wal tzet chi yal jun trato ti', cax che yikeni, cachi.

Ez 11:20

Caywal tu' ok yun yayjok ec' eb axca wal yalon in ley, c'al beybalnen eb in chekbanil; in conob wal ok yun eb, ayinxa is Diosal eb ok wunej.

Ez 20:11

A bay tu' max wak' yojtaknej el eb in ley c'al in chekbanil, tol a yuj chi beybalnej eb in ley tu', xan chi yi eb is k'inal.

Ez 20:21

Palta ac'ala' max oc eb yuninal eb tu' yin tenomtakilal ayin. Maj yikej eb in ley, tamwal max beybalnej eb in chekbanil, tol a ton juntzan tu' chi ak'on is k'inal eb chi beybalneni. Ac'ala' max yetnej el eb jun c'ual xewilal tol wet yayji ocok. Yuj tu' xan max in na' tol chi wiel yowal in c'ul yin eb, cax chi wak'on lajwok el eb bay takin tx'otx' tu'.

Ez 36:27

Axa waon oc Wespíritu e yin tu', yuj e yiken in chekbanil, c'al in ley.

Ez 37:24

A ton in chekbej David ok oc e reyalok c'al e yilomalok e masanil, axa e yiken in chekbanil c'al in ley tu'.

Lv 18:5

Beybalnejek in chekbanil c'al in ley. A mactxel ok ikenok, ok iquisbokc'al yuj. Ayin ton Jehová in chi wala'.

Lv 19:19

Ikejek juntzan in chekbanil ti'. Manchak e cha ak'lay sakchok e jobbejal no' yuj junokxa no no' tol tx'ok yeli. Manchak e som e yinat che yaw bay e tx'otx'. Manchak e yaoc an pichilej tol soman is tx'alil yetok junokxa makan tx'al.

Lv 19:37

Yuj wal tu xin, tol che yikej in ley c'al masanil chekbanilej ti'. Ayin ton Jehová in chi wala', ẍi Jehová, cachi bay eb, ẍi Cham.

Lv 20:8

A wal in ley che beybalnej c'al e yikeni, yujtol ayin Jehová in chex waoc wetok.

Lv 22:31

Beybalnejek in chekbanil c'al e yikeni. Ayin Jehová in chi wala'.

Mt 28:20

Che cuycan eb, yet watx' masanil tzet max walcan ayex, ok yikej eb. Ojtaknejek el sic'libil, tol ayinc'al ec' e yetok masantac'al ok jay lajubal, ẍi Jesús bay eb.

Lc 1:6

Watx' beybal eb cawanil yul sat Dios. Yikem eb bay is chekbanil c'al bay is ley Cham Jajawil; yuj tu' xan c'am wal junok mac chi je' yaloni tol ay yobtakil eb.

Jn 15:14

Ta che yikej in chekbanil, wamigo ex toni.

Ro 10:5

Albilcan yuj Moisés tzetbil chi jut co ba, ta chi jochej chon oc watx'il yul sat Dios yuj jun ley tu'. Chi yal axca ti': A mactxel ok iken tzet chi yal ley, ok iquisbokc'al yuj, ẍi.

Dt 1:3

A yet ayxa oc yin 40 abil yel eb conob Israel bay Egipto, yet babel c'ual yet 11 xajaw, a yet tu' max yalon cham Moisés bay conob Israel masanil tzet max yal Jehová yin eb.

Dt 1:8

Yujtol mayal wak' tx'otx' tx'otx' tu' yul e k'ab. Ocanek, cajayanek bay tx'otx' tol max wak' in ti' wak'on bay eb e yichmam, a ton Abraham, Isaac c'al Jacob, c'al bay is yinatil eb, ẍi Jehová.

Dt 11:1

Camc'ulnejek Jehová co Diosal, ikejek masanil tiempo tzet chi chek e yunej, is cuybanil c'al is chekbanil c'al is ley.

Dt 11:32

yowalil tol ok e yikej masanil chekbanilej chi walcan ayex tinani'.

Dt 13:1

Ta ay junok mactxel chi aj wan e xol tol chekbej Dios yaloni, cax chi c'oli yaloni tol ay ilwal chi yila', ma chi tx'oxon el e xol tzet yetal tol c'ayubtakxac'al yoqui, ma chi yalon yin ayoktoc'al yuj junok tzet yetal ok ujok,

Dt 16:20

Asanokabc'al tojolal che yunej, yet ok ex ayjok ec' bay tx'otx' tx'otx' ok yak' Jehová co Diosal ayex.

Dt 30:16

Ta che yikej masanil tzet chi walcan ayex ti' yin e camc'ulnen Jehová co Diosal, cax chex tzaklojc'al yintak, cax che yikenc'al is chekbanil, c'al is cuybanil, caytu' ok yun e beytok yin watx'il, c'al xiwil ok yun bisil e yuninal. Catatu' ok yak'on Jehová co Diosal yaxilal e yiban bay sat tx'otx' tx'otx' ok ak'lay ayex tu'.

Dt 30:19

A wal yet jun c'ual ti' chi waoncan oc satcan c'al tx'otx' tx'otx' ti' yin testigoal e yin, tol max wak' e sic'lej e cawil ma e camichal, watx'ilal ma uchlejbail. Palta siq'uek el cawilej, yet watx' watx'c'al chi yun e beytok yetok eb e yinatil.

Dt 30:20

Camc'ulnejek Jehová co Diosal. Yikemc'al che yut e ba bay, yujtol a yuj e yikemal tu', ok e yi' e cawil. Yuj tu' xan ok ex ayjok ec' yin mimantak tiempoal bay sat tx'otx' tx'otx' max yak' Cham is ti' yak'on bay eb jichmam, a ton bay Abraham, bay Isaac, c'al bay Jacob, ẍi cham Moisés.

Dt 4:40

Yuj tu' ikejek is ley c'al is chekbanil chi walcan el ayex yet jun c'ual ti', yet watx' watx'c'al ok yun e beytok ayex ti' yetokc'al eb e yinatil, cax ok najatilbok e k'inal bay sat tx'otx' tx'otx' max yak' Jehová ayex yin tojbalk'inal, ẍi cham Moisés bay conob Israel.

Dt 4:8

¿Baytal ay junokxa nación tol ay is ley c'al chekbanilej tol tojol yayji oc axca jun ley chi walcan el ayex ti' tinani'?

Dt 5:1

Lajwi tu' max wajban oc cham Moisés masanil eb yet israelal, max yalon bay eb: Abek wal tinani' xin ex wet conob, tol ok walcan juntzan ley, c'al chekbanilej ayex, tol chi cam wal e cuyoni, cax che beybalneni.

Dt 5:33

Beybalnejek beybalej max tx'oxcan Jehová co Diosal, yet watx' watx'c'al ok yun e beytok, cax ok najatilbok e k'inal bay sat tx'otx' tx'otx' ok yak' ayex tu'.

Dt 6:1

A ton wal juntzan ley c'al juntzan chekbanilej ti' max chek Jehová co Diosal wal ayex, tol ok e yak' k'anabaxok yet ok e yion tx'otx' tx'otx' k'axepal a' Jordán e satakok.

Dt 6:24

Yuj tu' xan max chek Jehová jikej juntzan chekbanilej ti' yin co naontek Cham, c'al jiquisbi ec' yuj, axca ton jayji tinani'.

Dt 7:11

Yuj tu xin, chi cam wal e yiken masanil chekbanilej c'al cuybanilej chi walcan el ayex ti' tinani'.

Dt 8:1

Chi cam wal e yiken masanil chekbanilej chi walcan el ayex ti' tinani', yet watx' watx' chex elocok c'al yajcan e bisil, cax ok ex octok e sataknen tx'otx' tx'otx' max yak' Jehová is ti' yak'on bay eb jichmam.

Dt 8:11

C'amokab chi toj Jehová co Diosal c'ayc'ulal e yuj. Yowalil che yikej is chekbanil c'al is ley, c'al is cuybanil chi walcan el ayex ti' tinani'.

Dt 9:1

Ex wet conob Israel, abek. Mayal ajapnok tiempoal yet che k'axponej a' Jordán, yet ok e yion el juntzan nación caw mimek c'al caw tec'an e yintak, mimek conob tol caw wal can yayji tel is murallail.

Josué 3:9

Axa yalon cham Josué bay conob Israel tu' axca ti': Jitzektek e ba, cax ok e yaben tzet ok yal Jehová co Diosal.