Dt 3:2 - A Txꞌan Biblia Yin Kꞌanjobal 1989

² Yuj tu xin, max yalon Jehová ayin: Manchak ex xiw bay, yujtol a jun tu' yetokc'al is soldado c'al is conob mayal waoc yul e k'ab yet che yak' lajwok, axca max yun e yak'on lajwok Sehón is reyal eb amorreo cajan bay Hesbón, ẍi Cham ayin.

Dt 3:2 Iomraidhean Croise

2 Cr 20:17

Mayexnak ok e yak' owal tu', palta toc'al ok ex ayjok ec' bay tu', c'amc'al tzet ok e yunej, toc'al ok e yila' tzet ok yun ex in coloni, ẍi Jehová. Yuj tu' xan a e masanil ex cajan ex bay Jerusalén c'al bay Judá, c'amc'al chex xiwajok, tamwal cabax aj e c'ul. Yecal chex toj yin eb, yujtol a Jehová ayoc e yetok, ẍi cham Jahaziel.

Is 41:10

C'amc'al chex xiwi, ayin ec' e yetok. Manchak ex oc il, ayin ton e Diosal in. Ayin chi wak' e yip, ayin chex in colo'. Ayin chex wila', chex in mitx'waayok yetok wipalil chin k'anbalnej yin tojolal.

Is 43:5

Manchak ex xiwi, ayin ec' e yetok, ok in wajbaj aj eb e yet conob bay chi ajol c'u, c'al bay chi tojcan c'u, ok wak' meltzojtek eb.

Nm 14:9

Yuj wal tu xin, c'am che yiel e ba yintak Jehová, cax c'am chex xiw bay eb anima ay bay jun lugar tu'. Axcac'al co loon junok pan, cac'al tu' ok yun c'ayil eb nak tu' juj. Tok ay mactxel ok colon eb ayon, a pax ayon ti xin, ayoc Jehová jetok. C'am chex xiw bay eb, ẍi eb.

Nm 21:34

Yuj tu xin, max yalon Jehová bay cham Moisés: C'am chex xiw bay Og tu'; ayin ok waoc Og tu' c'al is soldado c'al is nación ti' yul e k'ab. Axca max e yut Sehón reyal eb amorreo ay bay Hesbón, axca tu' ok e yut c'apax Og tu', ẍi Jehová.

Tzetak Yetal Max El Yunen Eb Chekbej Jesús 18:9

Axa yet jun ak'bal max yalon Cham Jajawil bay Pablo tu' axca yin wayichejal axca ti': Manchak ach xiwi. Manchak ach oc wanaj alon el in k'anej,

Tzetak Yetal Max El Yunen Eb Chekbej Jesús 27:24

Max yal jun ángel tu' ayin axca ti': Manchak ach xiw Pablo, yowalil ok ach apnok satak cham yajaw bay Roma. Ojc'al xan ok colil Dios eb ayoc yul barco ti' masanil, ẍi jun ángel tu' ayin.

Dt 20:3

cax ok yalon axca ti': Abek ex wet israelal, a tinani' toxa ok ex tok yin owal yin eb ajc'ul, c'amc'al chi cabax aj e c'ul, tamwal chex xiwi. C'amc'al chex bilaj yuj xiwilal,

Dt 3:1

Max lajwi tu xin, tx'okxa junxa be max ji', max on tojcan bay Basán. Palta a Og, is reyal jun nación tu', max eltek yetok masanil is soldado yak'on owal jin bay Edrei.

Dt 3:11

(Asanxanej rey Og tu', is lajubal eb refaíta. A is caẍail*fn* yet is mukbanil ch'enc'al elok. Caneb metro wal is tel, txenxa man cabok metro is sat, chito je' yil-lay tinani' bay conob Rabá yul yet eb amonita.)

Dt 3:3

Caytu' max yun yak'on ayc'ay Jehová co Diosal Og tu', yetok is conob yul co k'ab. Max co mak'on cam eb masanil, c'amxa junok max jak'can yin yiquisal.

Josué 10:8

Max yalon Jehová bay cham: Manchak ach xiw bay eb nak tu', ayin ok waoc eb yul a k'ab, c'am junok eb ok je' tec'ban ba a satak, ẍi Jehová.

Ap 2:10

Manchak ex xiw yuj juntzan yailal ok jayoc e yiban. Ay ex ok ex alay oc preso yuj nak diablo, yuj ex yak'on porobal. Ok e yab yail lajonebok c'u, palta yikemokabc'al che yut e ba masantac'al camich. Ok in paktzej e yikemal tu', a ton e k'inal tol ayc'al yin tojbalk'inal.