Dt 26:8 - A Txꞌan Biblia Yin Kꞌanjobal 1989

⁸ Max tx'oxon Cham yipal is k'ab, xiwc'ulaltakxac'al yili c'al c'ayubtakxac'al yoqui, tzet max tx'ox bay Egipto yet max yion eltek eb,

Dt 26:8 Iomraidhean Croise

Ex 12:37

Max el eb israel bay Ramsés cax max apni oc eb bay Sucot. Ay mi 600 mil eb nak tol tiempo wal yoc yin soldadoal, c'am chi oc eb ix ix c'al eb coc'altak unin is bisilok.

Ex 12:41

A wal yet jun c'ual max tz'aknaj 430 abil tu', cax max el is conob Jehová bay tu'.

Ex 12:51

A wal yet jun c'ual tu', max yieltek Jehová eb israel bay nación Egipto yin txolilal.

Ex 13:3

A yuj tu' xan max yal cham Moisés bay masanil eb yet conob: Co chaek jun k'in ti' yin junjun abil, yuj co naontek, tol a Jehová max on ion eltek yetok is yipalil bay yul yet Egipto, bay ayonek oc yin mosejal. C'amokab chi co lo' ixim pan tol ay yich.

Ex 6:6

A tinani' xin chi toj al bay eb et israelal tu', tol tix wal max yut yalon Jehová ti': Ayin Jehová in, ok ex in colilok bay ayex oc yin mosejal ti', bay ok'bal ex c'ul yin mulnajil bay Egipto ti'; tol ok in tx'ox wal wipalil, cax ok waon oc mimek uchlejbail yiban jun conob ti'. Axca wal tu' ok yun ex in colon el yul is k'ab eb,

Is 63:12

A ton Cham ayc'al oc yipalil yetok Moisés. A Cham max pojon ay nan a' mar co satak, yuj is mimanbilal yin tojbalk'inal.

Jeremías 32:21

Yetok wal a mimek ipejal tu', max eon eltek a conob Israel ti' bay Egipto yin ak'on mimek milagro c'al yechelej max a tx'oxo'. Yuj tu' xan max xiwcan aj masanil eb anima.

Dt 34:11

C'amxa junokxa max el yunen tzetak yetal tol c'ayubtak yoqui c'al milagro axca max yun Jehová yetok cham Moisés bay Egipto yin cham rey, c'al yin eb ayoc yin yajawilal yetok, c'al yin nación tu'.

Dt 34:12

C'am junokxa mactxel tol miman yelapnok, c'al yunen tzetak yetal tol ay is may axca max yun cham bay satak eb yet conob.

Dt 4:34

Tok ay junokxa dios tol max siq'uiltek junok conob bay xol junokxa conob axca wal max con yut yion eltek Jehová bay Egipto yuj co watx'ilok. Max cam e yiloni, tol yetok mimek uchlejbail c'al xiwc'ulal, yetok milagro c'al owal, yetok wal yipal is k'ab max con yion eltek bay Egipto tu'.

Dt 5:15

Naek c'apaxtek, tol yin mosejal max yun e yec' bay Egipto. Axa ayin Jehová e Diosal in ti' max ex wieltek bay tu' yetok wipalil. Yuj tu' xan chi wala' tol che yikej c'ual xewilal.