Dt 26:7 - A Txꞌan Biblia Yin Kꞌanjobal 1989

⁷ Yuj wal tu xin, xan max k'an eb bay Jehová co Diosal, a ton is Diosal eb jichmam tu', tol chi colwaj yetok eb. Max yab Cham tzet max k'an eb, max yilon c'apax mulnajil yatak bay ayoc eb. Ok'bal c'ul yayji eb yin mosejal.

Dt 26:7 Iomraidhean Croise

Gn 21:17

Max yab Dios yok' c'apax aj nak unin tu'; atac'al bay satcan max k'anjab aytek cham yángel Dios bay ix Agar tu', max yaloni: ¿Tzet chach on Agar? C'am chach xiwi, a Dios mayal yab yaj yaw nak unin bay max ak'can tu'.

Gn 29:32

Max oc xal Lea yobixal, max jay jun yune' xal, max yak'on yik Rubén,*fn* yujtol max yal xal, A Jehová max yila' tol intaknebil in yuj wichamil, axa tinani' ok in camc'ulnelay yuj, ẍi xal.

Yet Is Cab Libroal Cham Samuel 16:12

Talaj c'uxan chi cus c'ul Jehová win, chi yak'on watx'c'ulalil win q'uexelok yuj chin bajlay ti', ẍi cham.

Salmos 119:132

Ilintek, cax ok' wal a c'ul win, axca wal chot a c'ul yin eb chach camc'ulneni.

Salmos 31:8

Maj ton wal in acan oc yul k'ab eb ajc'ul. Colan bay max quin ayjican oj.

Salmos 50:15

A yet ay e yailal, awtejek in. Ok ex in colo', axa ex, ok in e yiaj can, ẍi Dios.

Ex 2:23

Payxatax tu', max cam cham reyal Egipto. Axa pax eb israel xin, max yabc'al eb yail yin mosejal bay Egipto tu'. Catatu bian, max yaben Dios is cusc'ulal c'al is yailal eb.

Ex 2:25

cax max oc t'anan Dios, max ok' is c'ul yin eb.

Ex 3:9

Caw wal chi aj yaw eb in conob Israel tewi ayin, yujtol xiwil chi etax eb bay conob Egipto.

Ex 4:31

Max yaoc eb anima tu' yin is c'ul tzet max yal eb cham. Axa yet max yaben eb, tol max il-laytek eb yuj Jehová, yuj jantakxa ok'balc'ulal chi utlay eb, xan max ay nojan eb yin ayilal satak Cham.

Ex 6:5

A tinani' xin, mayal wabej tol caw wal ok'bal c'ul chi utlay eb in conob bay Egipto ti', caw wal chi etax eb yin mulnajil. Yuj wal tu xin, max tit yul in c'ul tol ay in trato yetok e yichmam.

Jeremías 33:2

Ayin Jehová in max in watx'nej ay yich tx'otx' tx'otx' ti', watx' max yun cancan tx'otx'. Ayin chi wal ayach:

Babel Libroal Cham Samuel 9:16

A yet yecal yab axca ti', chi watek jun winak ayach, a tu' ok tit bay yul yet Benjamín, a jun tu' chaoc aceite yiban is jolom, a' ok oc yin yajawilal yiban conob Israel. A' ok colon in conob ti' bay yul k'ab eb filisteo, yujtol mayal cus in c'ul yuj tewilal eb ayin, ẍi Jehová.