Dt 26:2 - A Txꞌan Biblia Yin Kꞌanjobal 19892 cax che wajon babel sat awoj bay sat tx'otx' bay ayex ec' tu', che yiontok yul junok motx bay jun lugar sic'bil el yuj Cham bay chex oc ayilal bay. Faic an caibideil |
A yet jun tiempoal tu' ay juntzan eb max alay oc yin yilomalok c'uanbal bay chi wajay ofrenda, babel sat awoj, c'al yetok diezmo, atac'ala' jantak chi tit bay junjun lugar yul yet junjun conob. A juntzan tu' yet eb sacerdote c'al eb levita, yujtol a eb aj Judá caw wal chi tzaloj eb yetok eb sacerdote c'al yetok eb levita tu',
A bay jun tzalan tol wet yayji, a tu' ok ex oc e masanil ex israel yin ayilal ayin, bay jun witz yelxac'al can ayaj yul makbej Israel in conob. Ayin wal caw Jehová in chi wala', tol a bay tu' ok ex in cha' yetok masanil in c'ul. A bay tu' ok in k'an ayex, tol ok e yak' e yofrenda ayin, tol ok e yitek babel sat e yawoj, c'al masanil tzet yetal tol wet yayji ocok.
Man asannejok juntzan tu' lanan yaben yail. Palta cayon c'apax tu'. Ayxa oc Cham Espíritu jin, yet watx' txequel, tol ay tzet ok yak' Dios ayon. Caxc'al mi axca tu', palta lanan jaben yail tinani'. Lanan co makon bak'in ok on oc yuninalok Cham sic'libil. Cax a yet tu' ok colchajcan el co mimanil ti'.