Dt 26:16 - A Txꞌan Biblia Yin Kꞌanjobal 1989

¹⁶ A Jehová co Diosal max alon masanil juntzan chekbanilej chi walcan el ayex ti' tol che yikej, c'al e beybalneni. Che yikej yetok masanil e c'ul, c'al yetok masanil e yanimail.

Dt 26:16 Iomraidhean Croise

Mt 28:20

Che cuycan eb, yet watx' masanil tzet max walcan ayex, ok yikej eb. Ojtaknejek el sic'libil, tol ayinc'al ec' e yetok masantac'al ok jay lajubal, ẍi Jesús bay eb.

Jn 14:15

Ta chi camil e c'ul win, ikejek in chekbanil.

Dt 10:12

A tinani' xin ex wet conob Israel, ¿tzet chi k'an Jehová co Diosal ayon? Tix tzet chi k'an Cham ti', tol ayokab yelapnok yul co sat, cax tzakanokab onc'al yintak, cax chi co camc'ulneni c'al joc yin ayilal bay, yetok masanil co c'ul c'al masanil janemail.

Dt 11:1

Camc'ulnejek Jehová co Diosal, ikejek masanil tiempo tzet chi chek e yunej, is cuybanil c'al is chekbanil c'al is ley.

Dt 11:8

Yuj wal tu xin, ikejek masanil is chekbanil Jehová chi waltek ayex ti' tinani', yet watx' chi oc wal e yip cax chex toj cajan bay sat tx'otx' tol ok oc e yetok tu'.

Dt 12:1

A ton wal juntzan chekbanilej c'al cuybanilej ti' yowalil tol ok e beybalnej yet ayex ec' bay tx'otx' tx'otx' ok yak' Jehová co Diosal e sataknej, a ton c'apax is Diosal eb jichmam jetok.

Dt 12:32

Ikejek e beybalnen masanil tzet chi walcan ayex ti'. C'am che yiel janic'ok, tamwal e yaon oc tz'akil juntzan chekbanilej ti'.

Dt 26:17

Mayal e yal tinani' tol a Jehová e Diosal yayji. Max e yak'on e ti' e yiken e tzaklojc'al yintak is chekbanil, c'al is cuybanil, c'al is ley.

Dt 4:29

Ta ok na ba e c'ul yet ayex ec' bay tu xin, ok oc Cham e yetok. Ta yetok masanil e c'ul c'al e nabal chex meltzoj bay Cham, ok ex chalay yuj.

Dt 6:1

A ton wal juntzan ley c'al juntzan chekbanilej ti' max chek Jehová co Diosal wal ayex, tol ok e yak' k'anabaxok yet ok e yion tx'otx' tx'otx' k'axepal a' Jordán e satakok.

Dt 6:17

Ikejek wal is ley c'al is chekbanil Cham, a ton wal jantak is chekbanil max yala'.

Dt 6:5

Camc'ulnejek Jehová co Diosal yin masanil e c'ul, yin e yanimail, c'al yetok masanil e yip.

Dt 8:2

A tinani' naektek jantak yatakil max tx'ox Jehová co Diosal ayon bay takin tx'otx' yin cawinak abil, yet chi yil Cham, c'al yak'on porobal co nabal yin tzet chi co na', ta yel chi jikej is chekbanil ma c'amak.