Dt 26:13 - A Txꞌan Biblia Yin Kꞌanjobal 1989

¹³ cax che yalon bay satak Jehová co Diosal axca ti': Mayal in pojcan el bay in na jantak tzet yetal tol et yin masanil tzet max wi' bay sat tx'otx' tx'otx'. Mayal in pojcan el yet eb levita c'al yet eb tx'ok conobal ayic' co xol, c'al eb meba' unin, yetokc'al eb xal ix camnakxa yichamil. Mayal wikej masanil tzet max ala', c'amxa jun a chekbanil chi toj c'ayc'ulal wuj, c'al c'am chi wikej.

Dt 26:13 Iomraidhean Croise

Salmos 119:139

Chi tacxac'al el in c'ul, yujtol a eb ajc'ul oc win, max toj c'ayc'ulal a k'anej yuj eb.

Salmos 119:141

Yaynakil anima in, intaknebil in el yuj eb wet animail; palta c'am chi tojcan c'ayc'ulal a chekbanil wuj.

Salmos 119:153

Iltek in yailal Mamin, cax chin a coloni, yujtol c'am chi tojcan c'ayc'ulal a cuybej wuj.

Salmos 119:176

Max in c'aytok axca no calnel chi saklemtok. Sebach, sayin ec' ayin a chekbej in ti', yujtol c'am chi tojcan c'ayc'ulal a chekbanil wuj.

Salmos 119:93

C'am bak'in chi tojcan c'ayc'ulal a chekbanil wuj. A yuj a k'anej xan max ak' wiquisal.

Salmos 26:6

Ok in tx'aj in k'ab yuj in tx'oxon tol c'am in yobtakil. Catatu' bian chi yochej in c'ul chin ec' oyoyok yin a altar.

Pr 3:1

Ach in c'ajol, manchak toj c'ayc'ulal juntzan in cuybanil ti' oj, c'ubaj in chekbanil ti' yin a nabal,

Tzetak Yetal Max El Yunen Eb Chekbej Jesús 24:16

Yuj tu xan caw wal chin beyc'ulnej tzet chi yal yikbomal in nabal, yet watx' manchak oc in yobtakil yul sat Dios, c'al bay eb wet animail.

2 Co 1:12

Caw chon tzaloji, yujtol yojtak wal co c'ul, tol tojolc'al chi jut co beybal on bay masanil anima, c'al ayex. C'am tzet yob yin co beybal, yujtol max yak' Dios is yipalil ayon yuj is watx'c'ulal. Man yujok co jelanil xan watx' co beybal tu', c'amak.

2 Co 11:31

Yojtak Dios, a ton is Mam Cham Jajawil Jesucristo tol caw yel chi wala'. ¡Al-layokab watx' k'anej bay Cham yin tojbalk'inal!

Dt 14:29

xan a yet ok apnok oc eb levita tol maj cha' is tx'otx' satakok e yetok, ma eb tx'ok conobal cajan ec' e xol, ma eb meba' c'amxa mam c'amxa txutx, c'al eb xal ix camnakxa yichamil, chi je' loon eb e diezmo wajan ec' tu'. Caytu' ok yun yak'on Jehová co Diosal yaxilal yiban masanil tzet che yun tu'.

Dt 26:12

A yet chi tz'aknaj oxox abil, che yak'on is diezmoal jantak tzet che yi' yin e yawoj bay eb levita, c'al bay eb tx'ok conobal ayic' yul e conob, c'al bay eb meba' unin, c'al bay eb xal ix camnakxa yichamil, yet watx' ay tzet chi lo eb yul e conobal,

Dt 26:14

C'am wal jabok juntzan tu' max in lo' yet c'ual ayin oc yin in cusc'ulal yuj camich, c'al yet c'ual man watx'ok wayji ocok atac'ala' yalon ley, tamwal max waltej oc bay eb camnak. Max wikej masanil tzet max ala'.

1 Ts 2:10

A yet ayon ec' e yetok tu', watx'c'al co beybal. Tojolc'al max jut co nabal e xol. C'am jabok tzet yetal yob max ec' co saya'. E yojtak tol caytu' max ec' jut co ba. Yojtak c'apax Dios tol cay ton tu'.