Dt 26:12 - A Txꞌan Biblia Yin Kꞌanjobal 1989

¹² A yet chi tz'aknaj oxox abil, che yak'on is diezmoal jantak tzet che yi' yin e yawoj bay eb levita, c'al bay eb tx'ok conobal ayic' yul e conob, c'al bay eb meba' unin, c'al bay eb xal ix camnakxa yichamil, yet watx' ay tzet chi lo eb yul e conobal,

Dt 26:12 Iomraidhean Croise

Gn 47:24

Atac'ala' jantak che yi' bay tx'otx', cax che yak'on jun yet is so' makan bay cham rey; axa yin canebxa makan ixim xin, a tu' chi eltek ixim inat ok e yaw paxok, ac'ala' a ton ixim ok e lo' c'apax yetok e yuninal, c'al yetok masanil mactxel ayic' e yetok, ẍi cham.

Gn 47:26

Axca tu' max yut yak'on cham José jun ley tu', tol a yet is so' makan sat awoj yet cham rey bay masanil yul yet Egipto. A jun ley tu' aytoc'al ec' tinani'. Asan eb cham sacerdote c'am chi yak' jun tojlabal tu' bay cham rey, yujtol a is tx'otx' eb tu', majta' oc tx'otx' yetok cham rey.

Pr 14:21

Chi oc co mul, ta chi jintaknej el eb jet animail, palta caw wal watx' jet, ta chi ok' co c'ul yin eb meba'.

Lv 27:30

A jun yet is lajoneb makan sat awoj chi yak' tx'otx' tx'otx', wetc'alta' yayji ocok.

Nm 18:24

Yet eb yayji masanil is diezmoal yawoj eb et israelal chi yak' ayin; yuj tu' xan max wala' tol c'am is tx'otx' eb, ẍi Jehová.

Dt 16:14

Tzalojanek yin k'in tu' yetok e yuninal, yetok eb e chekbej, yetok eb levita, yetok eb tx'ok conobal, yetok eb unin c'amxa is mam, c'amxa is txutx, yetokc'al eb xal camnakxa yichamil cajan ec' yul e conobal.

Hebreos 7:5

Chi yal yul ley Moisés, tol a eb sacerdote yinatil Leví, ay yalon yet chaon is diezmo eb yet conob. Caxc'al yinatil Abraham eb yetok eb, palta yowalilc'alta' chi yak' eb.

Hebreos 7:9

A Leví chi chaon diezmo eb jet conob yet payxa, palta chi je' jaloni, tol ajun Leví tu' max yak' c'apax is diezmo bay Melquisedec yet max yak'on Abraham tu' yet.