Dt 26:10 - A Txꞌan Biblia Yin Kꞌanjobal 1989

¹⁰ Yuj wal tu xin, ti' chi jitek babel sat awoj chi ji' bay sat tx'otx' tx'otx' max yak' Cham ayon, quex chi. Chi lajwi e yalon juntzan k'anej tu xin, cax che yaon octok te motx tu' bay satak Jehová co Diosal, cax chex ay jajan satak Cham.

Dt 26:10 Iomraidhean Croise

1 Cr 29:14

Wal yel, ayin ti' yetokc'al eb wet conob ti', c'am wal jabok tzet chi je' co saon ayach. Yujtol masanil juntzan ti' chi tit bay ayach, xan asan tzet chi co cha' ayach chi je' jak'oni.

Salmos 22:27

Masanil nacionlak, c'al inatilej cajan bay lajub tx'otx' tx'otx' ok nalaytek Jehová yuj. Ok jay eb bay Cham, cax ok ay jajan eb satak.

Salmos 22:29

Masanil eb beyom ok low eb, cax ok yak'on eb ayilal bay Jehová. Masanil eb cajan xol pokok, ok ay jajan eb satak Cham. C'am mactxel chi je' colon ba bay camich.

Salmos 86:9

A ach Mamin, max a watx'nej masanil mimek conoblak. Ok jay eb yaon ay ba ayach, c'al ul yalon eb watx' k'anej en.

Salmos 95:6

Sebaxek, jak'ek ayilal yin jajanilal xin, a satak Jehová chi jiay co ba; ilab xin, tol a ton Cham max on watx'neni.

Ex 22:29

C'amokab chex mayji e yiontek e yofrenda ayin, yin e babel sat awoj. A e babel winak unin che yak' ayin.

Ex 23:19

A wal e babel sat awoj watx' chi el sat tx'otx' tx'otx', a' che yitok bay in templo. Manchak e txic no yune' chiwo bay xol yal yim is txutx.*fn*

Pr 10:22

A yuj watx'c'ulalil Jehová xan chon oc beyomal, man yujok tol chi co mak'cam co ba yin mulnajil.

Pr 3:9

Tx'oxo' tol ay yelapnok Jehová yul a sat, yin ak'on junok ofrenda bay Cham yin a beyomal, c'al yin a babel sat awoj.

Is 66:23

Ayin wal caw Jehová in chi wala', tol junjunc'al el yet chi alji xajaw, junjunc'al semana yet c'ual xewilal, ok jayoc masanil anima ul ay jajan ayin.

Ro 2:1

Tzanc'al junok on chi co beyc'ulnej junokxa mactxel, maj je' jaloni, tol c'am co mul. Yujtol a yet chi co beyc'ulnen junokxa mactxel, lanan jiontek yailal jiban. Yujtol lanan co beyc'ulnen junok mactxel lajan tzet chi el junen yetok.

1 Co 10:31

Palta chi waltok ayex, caxc'al chon lowi, ma chi juc'a', ma tzanc'al tzet yetal junokxa chi el juneni, junokabi yet watx' chi txecloj el is watx'ilal Dios.

Dt 18:4

Is satak c'apax eb yayji ixim babel trigo, babel vino, c'al babel aceite, yetok no babel lana chi el yin no calnel.

Dt 26:17

Mayal e yal tinani' tol a Jehová e Diosal yayji. Max e yak'on e ti' e yiken e tzaklojc'al yintak is chekbanil, c'al is cuybanil, c'al is ley.

Dt 26:2

cax che wajon babel sat awoj bay sat tx'otx' bay ayex ec' tu', che yiontok yul junok motx bay jun lugar sic'bil el yuj Cham bay chex oc ayilal bay.

Dt 26:4

Chi lajwi tu' cax chi chaon ec' cham sacerdote jun motx che yitok tu', cax chi yaon oc cham bay satak altar.

Dt 8:18

Palta naek wali tol a Jehová co Diosal chi ak'on e nabal c'al e yipalil yet chi je' e yajcan yin beyomal, yet watx' chi yun is trato max yak' yetok eb jichmam axca ton chi jil tinani'.

Ap 22:9

Palta max yal ayin axca ti': Man ot axca tu', yujtol ayin ti', yak'omal in c'apax serbil Dios etok, c'al yetok eb oẍtak, a ton eb is chekbej, c'al jantak eb chi iken tzet tz'ibbilcan yul jun libro ti'. A bay Dios cheay a ba, ẍi.