Dt 24:7 - A Txꞌan Biblia Yin Kꞌanjobal 1989

⁷ Ta ay junok winak tol israel cax chi yelk'anentok junok yet conob yet chi yaoc is mosook, ma yet chi txonilok, yowalil chi cam jun mactxel tu' cax chi el jun yobtakil tu' e xol.

Dt 24:7 Iomraidhean Croise

Job 24:3

Chi tok'lay ec' no is burro eb meba' yuj eb, cax chi yion ec' eb is wacax eb xal ix camnakxa yichamil, yuj majanbilalok tumin.

Job 24:9

Chi yiec' eb yobtakwom tu' eb unin lananto txutxwi yet eb xal camnakxa yichamil, yuj majanbilalok junok tzet yetal.

Ex 21:16

Ta ay mac chi elk'anentok junok anima, ta mayal txontok, ma ayto ec' yetok xin, yet chi michchaji, yowalil chi cam jun elk'om tu'.

Ez 27:13

Yetok c'apax conob Grecia, Tubal c'al Mesec chi manji eb bay tu'. A tzet chi yak' eb tojolok tzet chi man eb bay tu', a ton eb mosejal, c'al juntzan tzet yetal tol bronce.

Dt 13:6

Yuj wal tu xin, ta a e yuẍtak, ma e c'ajol, ma e cutz'in, ma e yetbi tol camc'ulnebil e yuj, ma xin junok caw wal watx' e yak'on yetok, chex ikbantok yin ewantakil yin e yoc ayilal bay tzet chi alay oc diosal, tol man e yojtakok tamwal eb e mam e txutx yojtak,

Dt 17:7

A eb testigo tu' chi babji k'okon oc ch'en ch'en yin jun ok cam tu'. Catatu' chi k'okon oc masanil eb conob ch'en yin. Caytu' chi yun yel jun yobtakilal ay e xol tu'.

Dt 19:19

a yiban chi tojcan tzet max k'an yin jun anima tu'. Caytu' chi yun lajwi jun ak'oj lek'tial e xol.

Dt 24:6

Manchak e k'anic' is molino ma is ca' junok mac chi majanen tumin, ma junokxa tzet yetal, yuj is majanbilalok. Yujtol a jun tu' lajan axca tol chi co tenoc waan low junok anima tu'.

1 Ti 1:10

eb ajmul, eb chi yun mul yetok yet winakil, eb elk'om anima, eb lek'ti, eb chi naaj k'anej yin yet animail, chi yal elapnok eb chi beybalnen tzet yetal c'am chi cha ba yetok cuybej caw yel. Yuj eb, xan max ak'laycan jun ley tu'.

Ap 18:13

Ay c'apax canela, yetok juntzanxa te' suk'uk'i c'uxi, c'al juntzan suk'uk'i jab yet chi tz'a'i, mirra, c'al yal suk'uk'i jab. Ay c'apax vino, aceite, yetok harina caw watx', c'al trigo. Ay c'apax no iktzom no', aylaj calnel, yetok chej. Ay c'apax carreta. Toltax eb mosejal chi txonlayi.