Dt 24:5 - A Txꞌan Biblia Yin Kꞌanjobal 1989

⁵ Ta tolto chi nupay junok nak winak, c'am chi je' yalaytok yin owal. C'am c'apax chi je' yoc nak yin junokxa tzet opisoal. Bekan chi yuncan yin jun abil chi can nak bay yatut yin tzalojc'ulal yetok yetbi tu'.

Dt 24:5 Iomraidhean Croise

Gn 2:24

Yuj tu xin, a nak winak ok bekcan is mam c'al is txutx, yuj junanen ba nak yetok yistzil, xan axca wal tol junxanej mimanilejal chi yuncan el eb cawanil.

Pr 5:18

Tzalojan, ayokab onenal yetok etbi max ach mojay yetok yin ach'ejal.

Ec 9:9

Nabac'al masanil juntzan c'ual chi yak' Dios ayon, yuj tu xin, asan chon tzaloj yetok ix jetbi camc'ulnebil juj, yujtol asan jun ti' co satak yayji ocok, c'al co paktzebal yin co bilc'ulal bay yulyibank'inal ti'.

Lc 14:20

Max yalon c'apax junxa axca ti': Tolto max oc wetbi. Yuj tu' xan maj je' in toji, ẍi.

1 Co 7:29

Ex wuẍtak, ex wanab, tix c'apax juntzan tzet ok waltok ayex ti', tol c'otxanxa tiempo. Yuj tu', a eb ay yistzil tinani', maj je' tol asan yin yistzil eb chi yaoc nabal.

Dt 20:7

Ta ay junok mactxel mayal yak' is ti' tol ok nupayok, palta c'amtoc'al chi nupay paxok, tokokab bay yatut nupayok, axa talaj chi yunej, chi cam bay xol owal, tx'okxa pax mac chi nupay yetok ix ix tu', ẍiokab eb.

Dt 24:6

Manchak e k'anic' is molino ma is ca' junok mac chi majanen tumin, ma junokxa tzet yetal, yuj is majanbilalok. Yujtol a jun tu' lajan axca tol chi co tenoc waan low junok anima tu'.